RSG

Kopkrap

Hannalie Malan, die Wiskunde-onderwyser van die Hoërskool Brackenfell, doen hersiening van analitiese meetkundebewerkings. Sy verduidelik ook hoe hierdie konsepte aansluit by Euklidiese Meetkundige stellings.

Radioteater

DIE TESTAMENT deur Rhona Peens
Regie: Evert Snyman
‘n Argiefdrama wat in 2006 die derde plek in die RSG/Sanlam radiodrama-skryfkompetisie behaal het. Dit is tans ‘n voorgeskrewe werk en word as studiehulp heruitgesaai.
Oom Josef Rossouw sterf, en sy familie en werkers word na die prokureur se kantore genooi sodat die testament vir hulle gelees kan word. Daar is miljoene rand in die boedel, maar dan word oom Josef se lys voorwaardes gelees... Skielik klink die belofte van ‘n stewige erfporsie eerder na ‘n nagmerrie, en veral Herman en Katinka se dogter, Zenobia, begin kapsie maak. Oom Josef dirigeer die gebeure meesterlik uit die graf, want hy wil seker maak dat sy familie nie die geld sal gebruik om hulle lewe te verwoes nie. Die drama neem ‘n interessante en onverwagse wending, en wys op die waarde van gesinsbande en om die belangrike dinge in die lewe met jou geliefdes te deel.

Musiekbonbons

Luister na werke van twee vrouekomponiste, Fanny Mendelssohn en Chatarina van Rennes. Mendelssohn se duet vir twee solovrouestemme met klavierbegeleiding word uitgevoer. Jy kan ook luister na Rennes, wat uit Nederland kom, se kwartet vir vrouestemme. Dit is verstommend dat 'n hele paar van J.S. Bach se seuns in hullw pa se voetspore gevolg het as komponiste. Hulle bydrae tot die musiekskat van die wêreld word, nes hulle pa s'n, hoog aangeslaan. In die program word ‘n deel uit J.C. Bach se MAGNIFIKAT uitgevoer, en C.P.E. Bach se bydrae is ‘n deel uit 'n fluitsonata. Daar is ook 'n werk van 'n komponis van wie ons min hoor, Emil Darzins. Hy is van Letland. Die Detroit Simfonieorkes voer 'n wals van hom uit.

RSG Landbou

Moed vir landbou, daarom moed vir Suid-Afrika.
Kommentaar op die hoërmaak van Clanwilliamdam.
‘n Studierigting in IT of landbou – wat sê ‘n matrikulant?
Die opstel van ‘n nasionale grondstrategie vir Suid-Afrika, en ‘n gronddatawerkswinkel met die oog op die pad vorentoe.

Wie is ek?

Hoekom speel kinders minder vandag as 20 jaar gelede? Watter impak het speel op ‘n kind? As jy wil hê jou kind moet meer sukses in die lewe behaal, is aktiwiteite of speel belangriker? Lise Swart vind uit hoekom kinders meer moet speel.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 44: Kamers 303 en 304 van die Tafelkop Hotel in Tafelbergstraat 30, Kaapstad, sal nooit weer dieselfde wees nie. Wat speel alles in die twee hotelkamers af? Wie is die groot argitek van die planne? En wie is die arme slagoffers?

Opskud

Skoolpligte.

Kopkrap

Arehan Brand en Johan Siljeur, die Geografie-onderwyser van die Cloetesville Sekondêre Skool in Stellenbosch, behandel vallei-klimate, die klimaat van Suid-Afrika en die drie hoofhoogdrukselle wat die land se weer bepaal.

Oppiradio

Lucinda Strydom was 16 jaar oud toe sy die voorsanger van die groep, Die Melktertkommissie, geword het. Dis nou 16 jaar later, en Lucinda skryf en sing steeds. Hoewel die groep nie meer voltyds aktief is nie, tree hulle steeds nou en dan op. Christelle van Tonder gesels met Lucinda oor die begindae, die skryf van musiek en die toekoms van die Die Melktertkommissie.

Musiek sonder grense

Jy word genooi om ‘n heerlike kontinentale kuier mee te maak. In Parys ontmoet jy die sangeres, Liane Foley, en dan speel Claudio Renalli vir jou ‘n tango op die trekklavier.

RSG Landbou

Die Academy for Environmental Leadership net buite Upington voorsien in die behoefte van ‘n gestruktureerde omgewing waar skoolverlaters en ander jong belangstellendes die geleentheid kry om te kwalifiseer in omgewingsbestuur.

Curriebekerrugby

Haaie teen Goue Leeus in Durban.

Curriebekerrugby

WP teen Blou Bulle in Kaapstad.

Opskud

My gesin is spesiaal.

Sondagjoernaal

Lizelle de Bruin gesels met bloemis Elmarie Bredell oor die waarde van kleur en geur uit jou tuin, op jou menswees. Lizelle de Bruin gesels met plantkundige Ernst van Jaarsveld oor die eerste tuin in Suid-Afrika, en die tuine van die Bybel. Lizelle de Bruin gesels met Lenie du Toit oor die gebruike van plante in die Bybel. Lizelle de Bruin gesels met skrywer Lizette Murray oor ‘n handsak vol blomme.

Taaldinge

Daar is groot internasionale belangstelling in die grammatika van Afrikaans. Viva se grammatikasimposuim is onlangs in Gent in België gehou, en prof. Gerhard van Huyssteen vertel meer oor die sprekers wat opgetree het en die onderwerpe wat bespreek is.

Hoe verklaar jy dit?

Hoekom kwaak paddas? Wat veroorsaak dat voetspore op nat seesand aanvanklik droog is, en dan vol water word? En hoe werk Foucalt se pendulum?

Ons en die onderwys

Johan van Lill praat met dr. Danie Brink van die Skoleondersteuningsentrum oor ‘n verslag wat hulle onlangs saamgestel het oor die gemoedstoestand van Afrikaanse onderwysers. Hoe verskil die algemene persepsie van die publiek van hoe onderwysers regtig voel oor hulle professie?

Die avonture van Bibberbobbejaantjie

Trieksie maak moles: Trieksie jaag almal op hol met ‘n vals alarm.

Uit 'n ander hoek

Hoe belangrik is geslag- en godsdiensdiversiteit in vandag se samelewing, en moet die samelewing openlik daaroor praat? Jean Oosthuizen gesels met dr. Anita Jonker en Earl Basson van Stellenbosch Universiteit oor iets waaroor die samelewing dikwels swyg, naamlik geslagsdiversiteit.

RSG Landbou

Die Agri-Expo Livestock vee-uitstalling is agter die rug. Lise Roberts praat met Johan Ehlers, die man aan die stuur van die ekspo, oor die afloop van die geleentheid. Daar is ook ‘n gesprek met Vki Bikram Singh, ‘n Italianer wat daarin spesialiseer om skoudiere voor te berei en 'mooi' te maak vir die groot geleentheid. Prof. André de Villiers, ‘n dendroloog, gesels oor die kampioenboom-projek, en Dawie Maree van FNB gesels oor mielievoorrade en die brandstofprys.

Regsake

Ian Wessels en Igna Klynsmith gesels met Johan Botes oor die geldigheid van aanstellings op 'n proeftydperk, en fluitjieblasers. Daar is ook raad oor waar om aan te klop as jy probleme het met vakansieklubs wat op 'n puntestelsel werk. Hulle bespreek ook die vraag of eienaars van twee wooneenhede op dieselfde erf, aan al die vereistes van 'n deeltitelkompleks moet voldoen.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 45: By wie het Morkel Nienaber sy spoggerige meenthuis gekoop? Wie is die blyste dat dié kooptransaksie uiteindelik afgehandel is? Iemand het verdwyn. Die saak moet dringend by die polisie aangemeld word. Wie het verdwyn, en wie meld dit aan?

Genoeg is genoeg!

Baie mense - ouers, onderwysers en kinders - kyk anderpad as daar van boelies gepraat word, terwyl dit lyk of die probleem geen einde het nie! Phil Loots en dr. Rodney Seale praat met ‘n opvoedkundige sielkundige hieroor.

RSG Landbou

Een van die jaarlikse geleenthede wat in Oktober gevier word, is Boomplantdag. Lise Roberts gesels met bosbouwetenskaplike Isak van der Merwe oor die betekenis van dié dag. Daar is ook ‘n gesprek met Zani Veldsman, ‘n voedingkundige van Blend Food, oor die samestelling van melk. Lise het ook tydens die afgelope Agri-Expo Livestock in Stellenbosch met die nuutverkose president van SA Holstein, Hannes Pretorius, gesels. Brian Carscadden is ‘n internasionale Holsteinbeoordelaar uit Kanada wat tydens die Agri-Expo Livestock opgetree het. Hy vertel van sy belangstelling in Holsteins.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 46: Conrad Nienaber het meer as een mens erg bekommerd. Dr. Dawie Becker kry ‘n onverwagse besoek met ‘n nog meer onverwagse versoek. Wie besoek hom met watter versoek?

Mediumtermyn-begrotingsoorsig

Regstreekse uitsending van die Minister van Finansies, Tito Mboweni, se mediumtermyn-begrotingsoorsig in die parlement in Kaapstad.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 47: Sweetness Botes oortref haarself, maar dit beteken nie sy het haarself ‘n guns gedoen nie. Sy’t ook deesdae ‘n nuk om ander ongevraagd te betrek. En dan neig sy boonop om die wag voor haar mond te vergeet. Dis asof sy in die naam van geregtigheid moeilikheid soek... en kry!

Dis Klassiek

Christiaan Schwencke is in 1767 gebore. Hy was die seun van ‘n fagotspeler, en was die kantor van Sint Catherines in Hamburg.  Schwencke is sowat elf jaar jonger as Mozart, en het verskeie komposisies die lig laat sien. Hy het ook Handel se Messias en Bach se Mis in B mineur verwerk.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 48: Tot wie se redding kom Seef Visagie? Wie konfronteer dr. Dawie Becker en slaan sy voete onder hom uit? Wie en wat wag op Cindy Nel nadat sy haar laaste vraestel geskryf het?

Radioteater

SOEK deur Madeleine Volschenk
Regie: Anrich Herbst
Letsie verdwyn spoorloos uit ‘n gastehuis op die Kaapse platteland. Wat het met haar gebeur? Die ander gaste leer mekaar en die eienaars beter ken terwyl hulle bespiegel oor haar en die land se veiligheid. Wanneer Hester Ruiters by ‘n plattendse gastehuis kom kuier om te skryf aan haar eerste boek, verdwyn een van die ander gaste en kry sy baie idees vir haar nuwe boek. Is Letsie in gevaar? Het sy dalk iemand spesiaals ontmoet? Of is dit net nog ‘n misdaadstatistiek vir Suid-Afrika?

Musiekbonbons

Luister na ’n vioolwerk wat in die rolprent, IN THE MOOD FOR LOVE, gebruik is. Dit is Shigeru Umebayashi se YUMEJI SE TEMA. Die rolprent is onder spelleiding van die Chinese regisseur, Wong Kar-Wei, vervaardig. Mozart se IL RE PASTORE, wat  vir die eerste keer in 1775 opgevoer is, word dikwels as n dramatiese kantate beskryf, en nie as ’n vollengte opera nie. ’n Aria uit dié werk kan gehoor word. Een van die koorwerke is 'n deel uit Marc-Antione Charpentier se MAGNIFICAT, een van tien werke wat hy vir die Jesuïete van Parys gekomponeer het.

Wie is ek?

Daar word gereeld na mense verwys as psigopate of sosiopate. Maar wat beteken dit regtig om diagnoseerbaar te wees met ‘n anti-sosiale persoonlikheidsverteuring? Is so ‘n persoon gevaarlik? Kan hulle suksesvolle verhoudings handhaaf? Hoe affekteer hulle die mense om hulle?

Middagvervolgverhaal

BEPROEWING deur Joe Kleinhans
Regie: Renske Jacobs

Episode 49: Conrad Nienaber is pas klaar met sy laaste eksamenvraestel toe ‘n ligte orkaan hom tref. Maar elke donker wolk het ‘n silwer rand. Wie agtervolg hom? Morkel Nienaber is in ‘n hoek, en hy weet nie hoe om daaruit te kom nie. By wie gaan klop hy om hulp aan?

Musiek sonder grense

‘n Besondere tango wat vir die eerste keer in Musiek Sonder Grense gehoor word, is ‘n skepping van die befaamde Gotan Project. Liselotte Femmena betower met haar panfluitspel, en Gabriella Ferry se weergawe van La Paloma bly tops.

Sondagjoernaal

Lizelle de Bruin gesels met dr. Braam Hanekom van die Sentrum vir Publieke Getuienis oor hulle gesprek met mynhuise en die myngemeenskap. Lizelle de Bruin gesels met Stan Henkeman van die Sentrum vir Geregtigheid en Versoening oor die hantering van konflik. Lizelle de Bruin gesels met ds. Carel Swart van Arocha oor die herwinning van plastiek. Lizelle de Bruin gesels met dr. Hanrie de la Harpe van die Equilibria School of Life oor hulle gap-jaar opleiding na matriek.

Taaldinge

In Taalnavrae word die betekenis van navrant gegee, daar word gesels oor taptoe, en uitgebrei oor die woord tarentaal.

Die avonture van Bibberbobbejaantjie

Die drie Samaritane: Trieks en Slingel gaan soek maroelas. Hulle red vir Wikkel in die proses.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 50: PJ Stofberg is op ‘n missie. Wat is sy agenda? Wie smee duistere planne? Wie se lewe is in gevaar?

Middagvervolgverhaal

BEPROEWING deur Joe Kleinhans
Regie: Renske Jacobs

Episode 51: Vrede bly een van die mensdom se grootste versugtinge. Maar soms is dit al wat dit is: ‘n versugting! In die boonste gastehuis is daar van vrede g’n sprake nie. Dis nie die enigste plek waar daar konflik in oorvloed is nie...

Middagvervolgverhaal

BEPROEWING deur Joe Kleinhans
Regie: Renske Jacobs

Episode 52: Wie is aan wie se kant? Wie is die man met die bakkie? Wie kom net nie by Seef Visagie uit nie? Wanneer en waar is Sophia van Tonder se motor werklik gestamp?

Middagvervolgverhaal

BEPROEWING deur Joe Kleinhans
Regie: Renske Jacobs

Episode 53: Hulle sê ‘n jakkals kan van kleur verander, maar nie van streke nie. Wie se huis loop deur? Watter belangrike troefkaart speel Amelia Rossouw? Hoe suksesvol is sy? Wie beland in die hospitaal?

Radioteater

DIE FIETSTOER deur Joa Bekker
Wat het hulle besiel? Oom Jannes op 64 (Dirk Stoltz) en die bloedjong Chilli op 22 (Christopher van der Westhuizen) besluit om per fiets saam deur die Karoo oor Prins Albert na George te ry. Hulle gee hulleself net tien dae tyd om die rit te voltooi. Elkeen het sy eie motief oor waarom hy op die toer gaan. Kort voor lank blyk dit dat nie elkeen is wie hulle voorgee om te wees nie, en aan die einde van die toer wag daar ‘n reuse verrassing op hulle...

Musiekbonbons

Luister na ’n deel uit 'n simfonie van CPE Bach, seun van die bekende Barokkomponis, JC Bach. Laasgenoemde het vier seuns gehad wat almal bekende komponiste was: CPE Bach, JC Bach, WF Bach en JCF Bach. Benwens pa en seun wat hulle merk in die groot musiekskat gemaak het, was daar meer as 50 komponiste en musikante wat bekend was in musiekkringe daardie jare: die Barok- en  vroegklassieke periodes. Een van die werke wat ook gehoor kan word, is ‘n Napolitaanse lied, DIE SKOENLAPPER. Hierdie soort lied, of canzone, is tradisoneel in die taal of dialek van Napels gesing, hoofsaaklik deur mans. Bekende liedere in dié genre is O SOLE MIO en SANTA LUCIA. Handel se opera, JULIUS CEASAR IN EGIPTE, is in 1724 voltooi in opdrag van die Koninklike Akademie van Musiek. Die koorwerk RITONI  OAMI  NEL NOSTRO word in die program voorgedra. Interessant is dat beide die hoofrolle, dié van Julius Ceaser en Cleopatra se broer, die koning van Egipte, geskryf is vir hoë stemregisters, ’n sopraan en 'n kontratenoor.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 54: Almal reageer nie dieselfde op die slegte nuus nie. Seef Visagie se gewete jaag hom, en hy kan nie stilsit nie. Hy sleep Conrad Nienaber saam met hom. Waarna soek hulle, en hoe suksesvol is hulle?

Musiek sonder grense

Luister na pragtige Maorimusiek uit Nieu-Seeland. Aanhangers van die King’s Singers kan naderskuif. Luister hoe klink ‘n piazzolla-tango met die fluit as die hoofinstrument. Die King Cole Trio tree op, en Chantel Chamberland van Kanada lewer ‘n bydrae.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 55: Waarna is dr. Dawie Becker so dringend opsoek? Grace Fortuin besluit om pynlik eerlik te wees. Wie daag almal by die begrafnis op? ‘n Telefoonoproep keer iemand se lewe op sy kop.

Middagvervolgverhaal

BEPROEWING deur Joe Kleinhans
Regie: Renske Jacobs

Episode 56: Morkel Nienaber kry die een skok na die ander. Wat is dit met al die opgrawings? Wat probeer die polisie bereik? Wie vat die langpad? Waarheen? Om wat te gaan doen?

Middagvervolgverhaal

BEPROEWING deur Joe Kleinhans
Regie: Renske Jacobs

Episode 57: Die skildery van Tafelberg wat destyds uit die boonste gastehuis gesteel is, maak onverwags weer sy verskyning. Waaroor is Sweetness Botes en Martha Sithole so verslae? Wie is PJ Stofberg se onverwagse gas? Waaroor gesels hulle?