EposTwitter

Aanbieders

TERUG NA AANBIEDERS

Hennie Maas

  • Sterre en planete 17 Junie 2018
    Sondag 17 Junie 2018

    Die rooi planeet is besig om stof op te skop. Dr. Japie van Zyl van die JPL in Kaliforni vertel van die reuse stofstorm op Mars. Die storm is so hewig dat dit feitlik die hele planeet omhul. Die Marstuig, Opportunity, wat al byna 15 jaar op Mars rondkruie, is heeltemal met stof omhul. Daar word gevrees dat die tuig se sonpanele, wat die batterye van krag voorsien, te min sonlig kry. Daar is die afgelope dae geen sein van die tuig ontvang nie, en almal hou duim vas dat die storm sal wyk. Japie praat ook oor die organiese materiaal wat op Mars opgespoor is, en wat die implikasies daarvan mag wees.

  • Sterre en planete 10 Junie 2018
    Sondag 10 Junie 2018

    Het jy geweet dat die eerste kleurfoto van Mars geneem is met n teleksoop in Bloemfontein? Dawie van Jaarsveld vertel van die werk wat gedoen is met die teleskoop in die sterrewag op Naval Hill in Bloemfontein. Daar was ook onlangs n geleentheid waartydens die oorblyfsels van die bekende teleskoop n ereplek op Naval Hill gekry het. Di ou sterrewag huisves tans Suid-Afrika se eerste digitale planetarium.

  • Sterre en planete 3 Junie 2018
    Sondag 3 Junie 2018

    Planne word gemaak om n satelliet gevaarlik naby aan die son te laat kom. Die Parker Solar Probe gaan n skrale sesmiljoen kilometer van ons ster af sy werk doen. Dr. Japie van Zyl gesels ook oor die koers korreksies wat aan Insight se trajek aangebring word om die tuig in November op die regte dag, uur en minuut op Mars te laat land. Daar is ook inligting oor atmosferiese riviere in die aarde se atmosfeer, wat uiterste weerstoestande kan meebring.

  • Sterre en planete 27 Mei 2018
    Sondag 27 Mei 2018

    Suid-Afrika het pas n nuwe teleskoop, die Meerlicht, in gebruik geneem. Dit sal in die optiese ligspektrum saam met die Meerkat-teleskope werk doen. Daar het onlangs in n berig inligting verskyn oor hoe verbasend min sonvlekke die son tot dusver vanjaar gehad het. Die aardkant van die son was 73 uit 128 dae vlekloos. Dit kan dui op die son wat op pad is na sy son-minimum. Dis egter onmoontlik om te s of die son die Maunder-minimimvlak bereik het toe die Teemsrivier in Londen gevries het.

  • Sterre en planete 20 Mei 2018
    Sondag 20 Mei 2018

    Hoe voel dit vir n Suid-Afrikaner uit die Bosveld om vir die eerste keer die Aurora Borealis te sien? Magda Streicher vertel van haar wedervaringe in Ysland, en n projek saam met Auke Slotegraaf om sterre in die Magelaanse wolk waar te neem. Daar is ook nuus oor die asteroede wat n paar dae gelede rakelings verby die aarde geflits het.

  • Sterre en planete 13 Mei 2018
    Sondag 13 Mei 2018

    Kobus Olckers, ruimteweerkundige in Florida, VSA, dr. Japie van Zyl, die direkteur sonnestelseleksplorasie van JPL in Kaliforni, Willie Koorts van die SA Astronomiese Observatorium en prof. Matie Hoffman van die die Digitale Planetarium en die Universiteit van die Vrystaat praat oor die Insight-projek wat verlede week gelanseer is. Japie van Zyl praat oor die uitwerking van bestraling deur die son op die satelliete, hoe ver die Insight van die kubsats af vlieg, en watter toetse nog gedoen moet word voordat die drietal in November by Mars aankom.

  • Sterre en planete 6 Mei 2018
    Sondag 6 Mei 2018

    Dr Japie van Zyl van die Jet Propulsion Laboratory in Kaliforni moes die afgelope week redelik bontstaan met die lansering van die Insight-satelliet na Mars. Dis die eerste diepruimsatelliet wat van die Amerikaanse Weskus af gelanseer is. Hy vertel hoe alles afgeloop het, en wat die pad vorentoe is met Insight. Hy praat ook oor n stel nuwe satelliete, Grace Follow On, wat belangrike werk sal doen om die beweging van water op die aarde te meet. Die span praat ook oor die nuwe generasie ruimteteleskope wat veel groter spiels sal h.

  • Sterre en planete 29 April 2018
    Sondag 29 April 2018

    Die span praat oor die tegnologie van die nuwe generasie digitale planetariums, en die oudste teleskoop op Sutherland, die Radcliffe. Willie Koorts vertel n interessante storie oor di instrument.

  • Sterre en planete 22 April 2018
    Sondag 22 April 2018

    Die span kyk na die verskil tussen n robotiese teleskoop en n teleskoop wat met afstandbeheer werk. En hulle verduidelik watter luglae n vuurpyl moet deurklief om die ruimte te bereik. Kobus Olckers kyk ook na ruimteweer.

  • Sterre en planete 15 April 2018
    Sondag 15 April 2018

    Een van die tergendste vrae wat ruimtewetenskaplikes en die mensdom mee te doen het is: Wat is ewigheid? Die span gesels ook oor die proses wat gevolg word voordat n wetenskaplike bevinding, soos die ontdekkking van n supernova, bekendgemaak word.