Biografie
Ian is sedert Mei 2009 die aanbieder van Middag op RSG tussen 12:00 en 15:00. Die tydgleuf sluit natuurlik die gewilde Loslip in. Luisteraars kan regstreeks per telefoon, e-pos of SMS aan dié program deelneem.
Sy filosofie is om te vergeet van wat die mense sal sê en om met oorgawe te wees wie jy reeds is. Hy sê die lewe gaan oor keuses en hoewel 'n mens nie kan kies wat met jou gebeur nie, kan jy kies hoe jy daarop regeer. Daardie keuses bepaal jou toekoms. “Omring jouself met positiwiteit en vermy jammergatte en martelgatte,” sê hy.
Benewens sy werk as omroeper by RSG skryf Ian gereeld radioadvertensies en doen vertalings en stemwerk vir radio en TV in Afrikaans en Engels. Een van die projekte wat hy in samewerking met RSG aangepak het, is sy boek Loslippig. Dit gee 'n loslipkykie na menswees en lewer humoristiese sosiale kommentaar aan die hand van onderwerpe waaroor ons op Loslip gesels het. Nog 'n projek waarby hy betrokke is, is sy humoristiese eenmanvertoning, ook getiteld Loslippig. Die vertoning bestaan uit nuwe materiaal en kyk na hoe verskillende mense die lewe benader. Daarbenewens tree Ian ook as seremoniemeester en gasspreker.
Ian sou graag wou betrokke raak by 'n organisasie wat hulle beywer vir kankerleiers of gesiggestremdes.
e-pos: ian@rsg.co.za
