Programme

TERUG

Monitor

Potgooi

'n Jong paartjie praat oor hoe hulle vaginisme die stryd aansê
Donderdag 13 Desember 2018

Seksuele- en ander trauma laat dikwels permanente emosionele en fisiese letsels agter. Een van hulle, staan bekend as vaginisme. Dis 'n mediese toestand, waar die vrou se vagina onwillekeurig in 'n spasma trek, en enige vorm van penetrasie uiters pynlik maak. Soveel so, dat selfs in-vitro bevrugting onmoontlik is. Uit gesprekke met vroue wat hieraan ly, blyk dit egter dat heelparty dokters nie eens hiervan bewus is nie. Marlinée Fouché het met 'n paartjie gaan praat wat daagliks hiermee gekonfronteer word...

Alles wat jy moet weet oor vaginisme
Donderdag 13 Desember 2018

'n Kliniese Seksioloog van die DISA gesondheidsentrum in Sandton, Professor Elna McIntosh, antwoord verskeie vrae oor vaginisme. Dis 'n toestand wat seksuele omgang of enige ander vorm van vaginale penetrasie by vroue uiters pynvol en dikwels onmoontlik maak.

Tieners praat oor opstaan en sterk staan ná geweld
Woensdag 5 Desember 2018

Tydens '16 Dae van Aktivisme teen geweld teen Vroue en Kinders', het Monitor berig oor die noodsaaklikheid daarvan om seuns en dogters wat slagoffers is van geweld, emosioneel en fisies, by te staan. Maar hoe doen mens dit? Ons het 'n draai gemaak by 'n paar tieners wat toegang het tot gereëlde berading en 'n veilige blyplek, om te hoor watter impak die regte hulp kan hê...

Só help mens kinders op die régte manier uit situasies van geweld
Woensdag 5 Desember 2018

Hoewel voorvalle van kindermishandeling nié in die media aan die groot klok gehang word nie, is dit 'n daaglikse realiteit. Die wet vereis dat enigeen wat kennis neem van so 'n voorval moet ingryp. Jy kan egter nie net by iemand se huis instorm, en 'n kind van sy ouers of voog wegneem nie. Marlinée Fouché berig verder dat daar veral omgesien moet word na kinders se geestelike welstand na 'n traumatiese voorval.

Probleme met merk van vraestelle
Woensdag 5 Desember 2018

'n Hoof van ‘n bekende hoërskool in Johannesburg, wat anoniem wil bly, sê daar is eindelose probleme met die merk van vanjaar se matriekvraestelle. Anita Visser het by haar gaan uitvind wat die ergste frustrasies is.

Emosionele geweld: Jy kán wegbreek!
Vrydag 30 November 2018

Om weg te breek van emosionele geweld, is makliker gesê as gedaan. Slagoffers word dikwels daarmee gedreig dat hulle alleen op straat gaan beland sonder kind of kraai. Marlinée Fouché berig egter dat dié 'n taktiek is om slagoffers vas te keer. As jy die regte hulp kry kán jy wegbreek - kinders en al.

Emosionele mishandeling: Só lyk dit
Vrydag 30 November 2018

Kenners waarsku dat die emosionele gevolge van geweld dikwels misgekyk word en langer neem om te verwerk, as liggaamlike wonde. Marlinée Fouché berig dat die samelewing se houding jeens die probleem, óók kan veroorsaak dat vroue in die tipe verhoudings bly.

Vroue praat oor die trauma van emosionele mishandeling
Donderdag 29 November 2018

Die volgende bydrae kan sensitiewe luisteraars ontstel. Die seksuele misdrywe wat hier beskryf word, is grafies van aard. Emosionele mishandeling word dikwels deur fisiese geweld oorskadu. Heelwat sielkundiges, beraders en aktiviste waarsku dat die impak van emosionele geweld, oor die lang termyn, baie meer skade aanrig as fisiese geweld. Ons het met twee vroue gepraat wat blootgestel was aan beide fisiese- en emosionele geweld. Hulle is betrokke by plekke van veiligheid waar hulle gehelp word om dié trauma te verwerk. Een van die vroue, het aan Marlinée Fouché gesê dat emosionele geweld, erger is as fisiese geweld. Ons waarsku weer dat die inhoud van dié bydrae, sensitiewe luisteraars kan ontstel.

Kenners meen die dood van kinders in padongelukke is voorkombaar
Donderdag 29 November 2018

Nagenoeg vyf kinder-voetgangers en drie kinder-passasiers sterf elke dag op Suid-Afrika se paaie. Dis volgens padveiligheids aktiviste wat sê dat die daaglikse voorkombare dood van agt kinders kommerwekkend is. Hulle voeg by dat die gebrek aan veilige skolier-vervoer 'n skending is van kinders se grondwetlike reg tot onderrig. In die eerste bydrae van 'n reeks oor veilige skoliervervoer, kyk ons verslaggewer, Jamaine Krige en die negejarige Gale Selebi saam na die statistieke rakende kinders en padgebruik in Suid-Afrika....

Waar is die mans in die stryd teen geweld?
Woensdag 28 November 2018

Manlike aktiviste teen seksuele- en ander vorme van geweld, beland dikwels in die spervuur tydens optogte of veldtogte, waar hulle deur vroue uitgejou of weggejaag word. Dit, ondanks pogings om mans aan te moedig om betrokke te raak. Marlinée Fouché berig hulle waarsku dat dié optrede mans ontmoedig. Aktiviste meen dat mans nie net vroue moet beskerm nie, maar ook mekaar...

Wanneer 'n pa vir sy dogter baklei
Woensdag 28 November 2018

Die Pa van 'n meisie wat deur 'n ouderling in een van die land se kerke gemolesteer is, vra nou reeds twee jaar lank tevergeefs dat die kerk meer beslissend optree. Die man wat die meisie gemolesteer het, is intussen skuldig bevind aan seksuele misdrywe en is onder huis arres geplaas. Die pa beweer sy dogter is nie die enigste slagoffer nie, en dat die kerk 'n blinde oog gooi op versoeke om dié bewering te rapporteer.

Bekroonde filmmaker vertel van haar reis na die hart van renosterhoringstropery
Woensdag 28 November 2018

Die dokumentêr STROOP, oor die stroping van renosters, het al tien internasionale pryse gewen, onder meer Beste dokumentêr by die San Diego International Film Festival, Beste nuweling by die Rotterdam Natuurlewe Rolprentfees, asook Beste dokumentêr by die Glendale Filmfees in Kalifornië, berig Anita Visser..

Nasionale Kommersiele boer 2018
Dinsdag 27 November 2018

Die Nasionale Kommersiële boer wat vanjaar deur die Landbou Skrywersvereniging en verskeie maatskappye as die top presteerder in die land aangewys is, is Pieter Graaff van Witzenberg Eiendomme naby Ceres in die Wes-Kaap. Graaff sê hy was heel verbaas toe hy van die nominasie hoor...

Drama oor DA-hoofsweep, John Steenhuisen se kwalifikasies
Dinsdag 27 November 2018

'n Bekgeveg het die naweek op Twitter gewoed oor die feit dat die DA se hoofsweep, John Steenhuisen, oor geen tersiêre kwalifikasie beskik nie. Op sosiale media stel baie voor dat Steenhuisen se matriekuitslae bekendgemaak word sodat daar ook met homs - soos in die geval van Julius Malema - die spot gedryf kan word. Ander vra hoekom President Jacob Zuma se gebrek aan onderrig soveel opslae gemaak het, maar dat die DA nou verkies om hom by Steenhuisen te skaar? Maar die party sê Steenhuisen se gebrek aan tersiere onderrig is irrelevant. Anita praat met die oud-adjunk minister en afgetrede leier van die Vryheidsfront Plus, Dr. Pieter Mulder en Emeritus Prof. Erwin Schwella van die Universiteit Stellenbosch.....

Slagoffer van geweld aan ander: Jy is nié alleen nie!
Dinsdag 27 November 2018

Geweld teen vroue, emosioneel of fisies, gaan dikwels gepaard met afsondering en manipulasie. Die gevolg, is dat hulle dikwels alle kontak verloor met familie en vriende, hulle werk verloor en in afsondering leef. Vanoggend deel ons die storie van een so 'n vrou, wat dit reggekry het om uit dié bose kringloop te ontsnap. Marlinée Fouché berig haar boodskap is eenvoudig: Jy is nooit alleen nie...

Die goeie- en slegte kant van ons land se skuilings vir slagoffers van geweld
Dinsdag 27 November 2018

Onlangse navorsing wat gedoen is oor die befondsing van skuilings vir slagoffers van onder meer geweld, het verskeie aktiviste warm onder die kraag. Vir die meeste slagoffers van geweld, is effektiewe skuilings die vertrekpunt tot 'n nuwe lewe. Hoewel party skuilings daarin slaag om vroue weer suksesvol in die samelewing te integreer, het ander nie kos vir hulle inwoners nie.

Agter die skerms van 16 Dae van Aktivisme
Maandag 26 November 2018

16 Dae van aktivistme teen geweld teen vroue en kinders het gister in die land afgeskop. Oor die volgende 15 dae, gaan maatskappye en politici hulle aandag fokus op aktivisme teen dié geweld. Vir die res van die jaar, is daar egter organisasies wat elke dag met die werklikheid gekonfronteer word. Marlinée Fouché het by hulle gaan gaan uitvind wat gebeur agter die skerms en of dié veldtog hoegenaamd vrugte lewer...

Nuwe onthullings oor hoe EFF voordeel getrek het by plundering van VBS Bank
Donderdag 22 November 2018

Die aanlyn nuusblad, Daily Maverick, se Scorpio ondersoek-eenheid het gister nuwe onthullings bekendgemaak oor hoe EFF-leiers direk voordeel getrek het by die plundering van die VBS Bank. Ons praat nou hieroor met 'n ondersoekende joernalis by Scorpio, Pauli van Wyk....

Nuwe navorsing gee hoop vir hartlyers
Donderdag 22 November 2018

Nuwe navorsing wat in die vakjoernaal Cell Reports gepubliseer is, skep hoop vir hartlyers. Die Britse Hartstigting doen navorsing oor 'n merkwaardige Meksikaanse tetra-vis, wat in staat is om skade aan sy hart te herstel. Jaarliks sterf 1 uit elk 5 mense aan hartverwante oorsake in Suid-Afrika. Ons praat nou met ons wetenskap-korrespondent George Claassen....

VROU DEKADES LATER VEREER
Dinsdag 20 November 2018

Die Ierse astro-fisikus en kosmoloog Jocelyn Bell-Burnell is met die Breakthrough Prize van 3 miljoen dollar - of sowat 42 miljoen rand - beloon. In 1974 is die Nobelprys in Fisika NIE aan haar toegeken nie, maar eerder haar studieleier by Cambridge, Anthony Hewish. Ons praat nou hieroor met ons wetenskap-korrespondent George Claassen...

MOMENTUM VERDUIDELIK HOEKOM HY NIE WEDUWEE UITBETAAL NIE
Dinsdag 20 November 2018

'n Storm het op sosiale media losgebars, met die nuus dat Momentum Versekering NIE Nathan Ganas, wie in Maart 2017 in sy oprit deur kapers in Durban doodgeskiet is, se lewensversekering polis van 2,4 miljoen rand gaan uitbetaal nie. Die Ombudsman vir Versekering het Momentum gelyk gegee, omdat Ganas nie in goeder trou inligting verskaf dat hy aan diabetes gelei het, toe hy die polis in 2014 uitgeneem het nie. Ganas se weduwee gaan egter appelleer teen die Ombudsman se beslissing. Maar hoekom is dit nie maar net nog 'n geval van 'n versekeraar wat alles probeer om nie 'n eis uit te betaal nie? Die bedryfshoof van Momentum, Johann Le Roux....

Suid-Afrikaner in Kalifornië vertel van brande
Maandag 19 November 2018

Sowat 1300 mense is steeds vermis na veldbrande tien dae gelede in die Amerikaanse deelstaat Kalifornië ontstaan het. Die plaaslike owerheid sê 76 mense is dood in die dodelikste en mees vernietigende brand in Kalifornië se geskiedenis. Justin Kennerley het met Hendrik van Niekerk in Sanoma in Kalifornië gepraat...