Programme

TERUG

Gesondheid

Potgooi

Gesondheid 12 September 2018
Woensdag 12 September 2018

Beteken ‘binge-drinking’ jy het ’n alkoholprobleem? En as ‘n mens elke dag ’n glasie wyn drink? Hoe diagnoseer psigiaters alkohol- en middelmisbruik? Wat is die jongste en beste benaderings ten opsigte van behandeling.” Marí Hudson gesels in ’n opvolggesprek met ‘n psigiater oor alkohol- en middelmisbruik, en beantwoord ook luisteraarsvrae.

Gesondheid 5 September 2018
Woensdag 5 September 2018

Hoe weet mens watter gesondheid- of medisyne-advertensie om te glo? Wat is die verskil tussen medisyne wat dokters voorskryf, en voedselaanvullers? Aan watter standaarde moet elk voldoen, en hoe mag elk bemark word? Watter genesing of ander aansprake mag in advertensies op radio, TV en in tydskrifte gemaak word? Marí Hudson praat met ’n voormalige hoogleraar in Joernalistiek, en dosent in wetenskapjoernalistiek, om meer duidelikheid te kry.

Gesondheid 29 Augustus 2018
Woensdag 29 Augustus 2018

Elke dag sterf drie vroue weens geweld, meestal huishoudelike geweld. Met watter beserings beland vroue in trauma-eenhede? Beland dieselfde vrou meer as een keer in die trauma-eenheid? Speel alkohol of ander middels ’n rol? Mis ons geleenthede om van die aanrandings te voorkom? Marí Hudson gesels aan die einde van Vrouemaand met ’n traumachirurg oor waarmee hulle so dikwels gekonfronteer word.

Gesondheid 22 Augustus 2018
Woensdag 22 Augustus 2018

Die misbruik van dwelms en alkohol kos die Suid-Afrikaanse ekonomie sowat R40-miljard per jaar. Byna een een uit elke vyf volwasses in Suid-Afrika misbruik middels wat die brein aantas. Die oplossings word belemmer deur gebrek aan geld en ou benaderings ten opsigte van behandeling. Marí Hudson praat met ’n pisgiater oor die dwelmprobleem en die jongste tendense in die behandeling van mense met dwelm- en alkoholprobleme.

Gesondheid 15 Augustus 2018
Woensdag 15 Augustus 2018

Ons ken almal iemand wat al ’n heupvervanging ondergaan het, maar presies hoe werk dit? Watter metale word gebruik? Hoe lank hou dit? Kan jy ná ’n heupvervanging weer draf of fietsry? Kan ’n tweede heupvervanging op dieselfde heup gedoen word?

Gesondheid 8 Augustus 2018
Woensdag 8 Augustus 2018

As jy ‘n vrou in jou vrugbare jare is by wie dokters ‘n mioom gediagnoseer het, moet jy jou ore spits. Marí Hudson gesels aan die begin van Vrouemaand met ’n ginekoloog oor miome – die groeisels in die baarmoeder wat pyn en onvrugbaarheid kan veroorsaak – en die jongste nuus oor die behandeling daarvan. Hy vertel hoe vroue gratis aan ’n internasionale studie kan deelneem, waar vroue met miome nie geopereer word nie, maar met medikasie behandel word.

Gesondheid 1 Augustus 2018
Woensdag 1 Augustus 2018

Wat is reg en verkeerd in die private gesondheidsorg-sektor in Suid-Afrika? Wat beteken die bevindings van die onlangse verslag oor private gesondheidsorg in die land? Marí Hudson gesels met dr. Johan Serfontein van die SA Privaat Praktisynsforum en hy verduidelik wat die situasie is met dokters, mediese fondse en private hospitale na aanleding van die die verslag.

Gesondheid 25 Julie 2018
Woensdag 25 Julie 2018

Wat is die verskil tussen gewone vergeet en Alzheimer-vergeet? Behels Alzheimer se siekte meer as net vergeetagtigheid? Hoe verskil Alzheimer van ander vorms van demensie? Is daar medikasie of iets wat kan help? Marí Hudson gesels met ’n psigiater oor dié siekte, en kry ook terugvoer van ’n kardioloog oor ’n onlangse oorsese hartkongres.

Gesondheid 18 Julie 2018
Woensdag 18 Julie 2018

Hoe is dit moontlik om die aortaklep te herstel sonder om die borskas oop te sny? Marí Hudson praat met ’n kardioloog oor wat met die aortaklep verkeerd kan loop, veral in ouer mense, en oor die nie-ingrypende prosedure wat dokters ’n Tavi noem.

Gesondheid 11 Julie 2018
Woensdag 11 Julie 2018

Hoe moet ‘n bejaarde versorg word? Hoeveel en watter verpleegkundiges moet in ’n sorgeenheid wees? Wanneer moet ’n kind ingryp as sy bejaarde ouer verwaarloos lyk? Hoe kies jy ’n goeie ouetehuis of aftree-oord? Is daar kwaliteitskontrole by ouetehuise en in die private sektor? Marí Hudson praat met dr. AnnaMarie Bruwer oor dié moeilike kwessies.