Nou op die lug

Reis sonder grense

10:00-11:30

Interaktief

Programme

TERUG

RSG Landbou

Potgooi

RSG Landbou 18 Oktober 2019
Vrydag 18 Oktober 2019

Dr. Naude Malan van die Universiteit van Johannesburg praat oor die onlangse bevindings van die General Household Survey, wat deur Statistieke SA uitgereik is. En prof. Francois Lategan, medeprofessor in landbouvoorligting en landelike ontwikkeling aan die Kaapse Skiereiland Universiteit vir Tegnologie, het raad vir jongmense wat volgende jaar landboukursusse wil gaan studeer.

RSG Landbou 17 Oktober 2019
Donderdag 17 Oktober 2019

Lise Roberts het die onlangse Agri-Expo Livestock by Sandringham in die Wes-Kaap bygewoon. Sy praat met Breyton Milford, die operasionele bestuur, oor die opleidingsessies vir klein en kommersile kleinvee- en beesboere wat daar aangebied is. Een van die sprekers was die voorsitter van die Rooivleisprodusente-organisasie in die Wes-Kaap, Louis Wessels. Hy praat oor die stand van die rooivleisbedryf in die provinsie. Dr. John Purchase, die bestuurshoof van Agbiz, praat oor die toekoms van landbou. En Jacques Agenbag, formulasiebestuurder by Nutri Feeds, verduidelik hoe tegnologie, grondstowwe en die wisselkoers, n impak op die veebedryf het.

RSG Landbou 16 Oktober 2019
Woensdag 16 Oktober 2019

Die somergraan-plantseisoen is om die draai. Corn Louw, n seniorekonoom by Graan SA, verduidelik waarvoor produsente moet oplet wanneer hulle insette aankoop en gebruik. Die spanbestuurder van die Oos-Kaapse Jeugskou-span, Amour Strydom, gesels oor hulle prestasies by die pas afgelope Old Mutual Agri Insure Nasionale Jeugskoukampioenskap wat op Vryburg plaasgevind het. Dan vertel dr. Vicki Tolmay van die Landbounavorsingsraad op Bethlehem van die legio beroepsgeleenthede in landbounavorsing.

RSG Landbou 15 Oktober 2019
Dinsdag 15 Oktober 2019

Advokaat Ernst Richter van die LWO Werkgewersorganisasie verduidelik wat diskriminasie is, waarom landbouers dit moet verstaan. Ons kuier op n wildsplaas in die Kimberley-omgewing, waar dr. Anndri Garrett en haar man uitmuntende genetiese eienskappe onder wild monitor met die oog op volhoubare produksie. Ons maak ook weer n draai by die ALFA vee-ekspo waar Karlien Greeff vertel van die eienskappe van boerboele.

RSG Landbou 14 Oktober 2019
Maandag 14 Oktober 2019

Dit is die elfde jaar wat die Aldam-veeskool, voorheen bekend as die Aldam-vleisbeesskool, aangebied word. Hennie Maas praat met die sameroeper, dr. Michael Bradfield. Die span van die Wes-Kaap het vanjaar vir die veertiende keer die septer geswaai by die 2019 Old Mutual Agri Insure Nasionale Jeugskoukampioenskap op Vryburg. Ons hoor by Anneke de Klerk wat hulle geheim is. En grondeienaars in die Suid-Kaap moet hulle ore spits, want Cobus Meiring van die Suid-Kaapse Grondeienaarsinisiatief verduidelik hoe hulle gratis met die beheer van indringerplante kan help.

RSG Landbou 12 Oktober 2019
Saterdag 12 Oktober 2019

Omri van Zyl, die uitvoerende direkteur van AgriSA, verduidelik waarom hy positief is oor die landbousektor, veral in Suid-Afrika. Hy deel ook interessante feite oor die land se handelsgenote, wat Amerika en Nederland insluit.

RSG Landbou 11 Oktober 2019
Vrydag 11 Oktober 2019

Dr. Johann Strauss, 'n senior navorser in die Direktoraat Plantwetenskappe en kenner op die gebied van volhoubare produksie-stelsels, vertel wat die onlangse Wes-Kaap Bewaringslandboukongres opgelewer het. En voormalige koerantredakteur Bun Booyens praat oor wat hy glo mens moet doen om suksesvol te boer.

RSG Landbou 10 Oktober 2019
Donderdag 10 Oktober 2019

Van Rensburg Vleis is n huishoudelike naam in die George-omgewing in die Suid-Kaap. Lise Roberts het die eienaar, Jan van Rensburg, by die onlangse ALFA vee-ekspo raakgeloop, en met hom gesels oor hulle besigheid en sy passie vir die verbruiker. Ons het ook meer gaan uitvind oor Bernard Rabe van Fochville se boerdery. Hy is een van twee finaliste in vanjaar se Syngenta/Graan SA GHraanprodusent van die jaar-kompetisie. Die Agri SA-kongres skop op 10 Oktober af, en Aloise Fullex van Agri SA verduidelik waarop hulle vanjaar fokus.

RSG Landbou 9 Oktober 2019
Woensdag 9 Oktober 2019

Die doeltreffende bestuur van plaagdoders kan boere se winsgewendheid merkbaar verbeter. S s George Prinsloo van Laeveld Agrochem. Hy verduidelik wat met doeltreffende bestuur bedoel word. Een van die finaliste in vanjaar se Syngenta/Graan SA graanprodusent van die jaar-kompetisie, Tonie Linde van Caledon, gesels oor hulle boerdery. En Agri-Expo Livestock skop op Sandringham naby Stellenbosch af. Johan Ehlers, die bestuurshoof van die expo, praat oor di groot veegeleentheid.

RSG Landbou 8 Oktober 2019
Dinsdag 8 Oktober 2019

Die eerste Suid-Afrikaanse windplaas, wat genoeg skoon elektrisiteit aan bykans 95,000 huishoudings sal voorsien, behoort voor die einde van 2020 voltooi te wees. Dit staan bekend as die Perdekraal-Oos Windplaas en is in Witzenberg in die Wes-Kaap. Lise Roberts praat hieroor met die projekbestuurder, Christo Loots. Johan Heyns van Anysbos in die Botrivier-omgewing vertel van hulle Toggenberg-melkbokboerdery. En die Noord-Kaapse besproeiingsjongboer van die jaar, Hilton Megaw, vertel vir Koos du Pisanie van sy boerdery.