Programme

TERUG

RSG Landbou

Potgooi

RSG Landbou 14 Julie 2018
Saterdag 14 Julie 2018

Wat beteken klimaatsverandering, en hoe raak dit ‘n ieder en elk? Chris Viljoen praat hieroor met die vervaardigers van DIE KWIK STYG, wat elke Vrydag om 12:45 op RSG uitgesaai word.

RSG Landbou 13 Julie 2018
Vrydag 13 Julie 2018

Chris Viljoen kyk na tussenverbouiing-aanbevelings, hulp met jaarlikse plaasoudits, primêre en sekondêre versouting van grond, en die vestiging van die Africa Wildlife Economy Institute om volhoubare ekonomiese benutting van natuurlewe in Afrika te bevorder.

RSG Landbou 13 Julie 2018
Donderdag 12 Julie 2018

Lise Roberts praat met Johann de Wet van De Wetshof, wat aangewys is as Agri Wes-Kaap se jongboer van die jaar. Albert Loubser van Plaas Media is een van die organiseerders van die vee-ekspo, ALFA. Hy vertel wat in September op Parys gaan gebeur. En daar is ‘n gesprek met Blain Nell van Sovereign Foods, wat nou eg Suid-Afrikaanse status geniet.

RSG Landbou 11 Julie 2018
Woensdag 11 Julie 2018

Dr. Johan van Rensburg van Afrivet praat oor kouestres op plaasdiere, en wat gedoen kan word om hulle te help om hierdie toestand te hanteer. Daar is ‘n gesprek met dr. Erhard Briedenhann oor die sojaboonbedryf, en die uitdagings waarmee sojaboonboere te kampe het. En Theo Boshoff van Agbiz verduidelik koolstofbelasting, wat tans in konsepwetgewingstadium is.

RSG Landbou 10 Julie 2018
Dinsdag 10 Julie 2018

Landbouers in die Wes-Kaap het onlangs motte opgemerk, wat dui op die teenwoordigheid van die herfskommandowurm. Hennie Maas praat met prof. Hanneline du Plessis van die Noordwes-Universiteit oor die voorkoms van dié plaag. Daar is 'n gesprek met Johan van den Berg van Santam Landbou oor die weer van die afgelope paar weke, en wat nog voorlê. En Lise Roberts gesels met Henry Arendse van Jamestown oor sy boerdery met kruie en groente.

RSG Landbou 9 Julie 2018
Maandag 9 Julie 2018

Rekenmeester Frans van Eden praat oor die in- en uitvloei van kapitaal op 'n plaas. ‘n Motiveringspreker by die Noord-Kaapse RPO-kongres, dr. Gustav Gous, vertel hoe boere hulle uitdagings moet hanteer. Daar is ook ‘n gesprek met Danelle Murray oor hoe plastiek omskep word om uilhuise te bou.

RSG Landbou 7 Julie 2018
Saterdag 7 Julie 2018

Universiteite kan hulleself nie inrig as werkverskaffingsburo’s nie, maar daar is ook ‘n etiese vraagstuk – as ‘n universiteit studente inneem, behoort dit ook die student by te staan om uiteindelik ‘n doeltreffende plasing in die bedryf te bewerkstellig. Chria Viljoen kyk na die stigting van 'n nuwe aanlynberoepsportaal.

RSG Landbou 6 Julie 2018
Vrydag 6 Julie 2018

Weet beter, doen beter – hoe kan Suid-Afrikaanse ondernemings by hierdie tema aanpas? Chris Viljoen kyk ook na die belang van uniforme toediening van besproeiingswater, en boere van Brasilië wat tot 800 ton nat turksvymateriaal van ‘n hektaar af oes. En ’n aanval op die landbougemeenskap is ’n aanval op voedselsekerheid en ekonomiese ontwikkeling.

RSG Landbou 5 Julie 2018
Donderdag 5 Julie 2018

Advokaat Koos Nel, die hoof van Old Mutual Agrimark, praat oor die aard van die eise wat hulle hanteer. Daar is ‘n gesprek met die nasionale voorsitter van die Rooivleisprodusente-organisasie, Koos van der Ryst, oor die uitdagings wat vir dié organisasie voorlê. En Carin Venter gesels met drie produsente wat die Suid-Afrikaanse Sybokhaarkwekersvereniging se kongres in Graaff-Reinet bygewoon het.

RSG Landbou 3 Julie 2018
Dinsdag 3 Julie 2018

In weerwil van die droogte in die Wes-Kaap, lyk sake wat die wyndruifoes betref nie te sleg nie. Lise Roberts praat met Niël Groenewald van Distell oor die vooruitsigte in dié bedryf. Daar is ook ‘n gesprek met advokaat Koos Nel van Old Mutual Agrimark oor risikodekking in die landbou. En Berndt Oellerman, direkteur vir streek- en nywerheidsontwikkeling by die Departement van Handel en Nywerheid, praat oor die wisselwerking tussen water en energie in die landbou.