Programme

TERUG

Reis sonder grense

Potgooi

Nuwe boek oor Kgalagadi Oorgrenspark
Saterdag 5 Januarie 2019

Johan Rademan gesels met Jaco Powell en Ingrid van den Berg, medeskrywers van die boek KGALAGADI SELFDRIVE, ROUTES & RATINGS. Jaco is die eienaar van Cape Fox Tours en het B.Sc Dierkunde en Entomologie aan Kovsies studeer. Hy fokus as toergids vir meer as twee dekades spesifiek op die Kgalagadi, waar hy as kind reeds noukeurig begin aantekeninge maak het oor verskynsels in die oorgrenspark.

Jou vakansie en versekering
Saterdag 22 Desember 2018

Nico Esterhuizen van die Suid-Afrikaanse Versekeringsvereniging (SAIA) vertel vir Haidee Muller van die voorsorgmaatreëls wat jy moet tref voor jy die pad vat vir jou langverwagte vakansie.

Ry met 'n trekker bergop
Saterdag 15 Desember 2018

Beleef ‘n trekkerrit teen die Langeberge op op die plaas Protea buite Montagu.

Motorfietsagterpaaie
Saterdag 1 Desember 2018

Johan Rademan het Johann Brits gepols oor motorfietsagterpaaie, en hoe ‘n toeroperateur kop skoonmaak tydens vakansies.

Oppiwater 2019
Saterdag 17 November 2018

Johan Rademan gesels oor die Oppiwaterkunstefees van wat van 15 tot 19 April 2019 plaasvind. Frans Swart besoek die MSC Musica, waarop die fees aangebied word, waar hy met die Italiaanse-bemanningslede gesels.

Dinge om te doen in Nieu-Seeland
Saterdag 20 Oktober 2018

Esther Koch woon in Nieu-Seeland. Sy vertel vir Johan Rademan van plekke wat Suid-Afrikaners moet gaan besigtig wanneer hulle die land van die Silwer Varing besoek.

Doringbaai
Saterdag 22 September 2018

Doringbaai aan die Weskus was eensbekend vir kreef en vis, maar toe raak dit met die gebrek aan viskwotas ‘n spookdorpie. Met die gemeenskapsingesteldheid van Fryer Cove, wat destyds hier werksaam was, is die dorpie nou ‘n gewilde toerismebesoekpunt en is die visfabriek omskep in die enigste wynkelder op seevlak in Suid-Afrika. Die gemeenskap se vaardighede is opgeknap vir die toerisme-uitdagings en deesdae hengel hulle toeriste. Hoor meer oor Doringbaai se opstanding en plekke soos Bamboesbaai en die hol kranse waaruit die pluimvee en vee hulle varswater moes drink. Johan Rademan het met Monika de Jager van Weskustoerisme en Jan van Zyl, Doringbaai-projekleier, gesels.

Bethlehemmuseum
Saterdag 15 September 2018

Die Betlehemmuseum word gehuisves in die tweede oudste sendingkerk in die Vrystaat, wat uit 1906 dateer. Die voorsitter van die Vriende van die Museum, Erene Olivier, en haar man, die voormalige stadsklerk Johan Olivier, vertel aan Johan Rademan hoe hulle moet woeker om die museum weer in ‘n sierraad te omskep en die kultuur van die omgewing te verenig in die museum. Hulle werk saam met die museumtrust om dit lewensvatbaar te hou vir die publiek en om deur gesellige geleenthede die geldkoffers gevul te probeer hou.

Darling Blommeskou
Saterdag 8 September 2018

Johan Rademan gesels met Martin Halvorsen oor die oudste blommeskou in die land wat vanjaar 101 jaar oud is.

Die Kamdebo
Saterdag 8 September 2018

Johan Rademan gesels met Chantelle Marais van Graaff-Reinet oor die Kamdeboo en bekende mense soos Robert Sobukwe en dr. Anton Rupert wat deel is van hulle erfenis.

Verlorenkloof
Saterdag 8 September 2018

Johan Rademan gesels met die besturende direkteur van Verlorenvlei, Eric Johnson, oor die Verlorenkloof in die Foreldriehoek in Mpumalanga.

Richmond se perdemuseum
Saterdag 18 Augustus 2018

Die Perdemuseum op Richmond in die Karoo is een van net twee ter węreld wat hulde aan die saalperd bring. Die ander een is in Kentucky in die VSA. Johan Rademan het met amateurhistorikus en opsiener van die museum, Johan Tolken, deur die gebou geloop.