Programme

TERUG

Hoe verklaar jy dit?

Potgooi

Hoe verklaar jy dit? 12 Augustus 2018
Sondag 12 Augustus 2018

Hoekom smelt ‘n stuk botter in die mikrogolfoond van die middel af? Hoe maak ‘n mens goeie kompos in jou tuin? Wat is die funksie van mangels en die blindederm as die verwydering daarvan geen oënskynlike newe-effekte het nie? En kom hierdie organe slegs by die mens voor?

Hoe verklaar jy dit 5 Augustus 2018
Sondag 5 Augustus 2018

Moet ‘n mens stilstaan of vining padgee as jy skielik op ‘n slang afkom? Ervaar visse, voëls, insekte en soogdiere pyn op dieselfde manier? Watter soort termiete val ‘n perskeboom se wortels aan, en hoe raak ‘n mens ontslae van hulle?

Hoe verklaar jy dit? 29 Julie 2018
Sondag 29 Julie 2018

Kan daar meer as een oorsaak wees vir die knoppe op melkhoutbome se blare en die afsterf van groeipunte? Hoekom kraai my buurman se hane enige tyd van die nag en nie net met dagbreek nie? En wat veroorsaak gelerige knoppe agter ‘n marmergeitjie se kop?

Hoe verklaar jy dit? 22 Julie 2018
Sondag 22 Julie 2018

Kan ‘n naderende koue front ou rugbybeserings meer laat pyn? Hoekom maak kuifkop-houtkappers nes, skaars ‘n meter bokant die grond? Hoe werk goëlery soos dr I.D. du Plessis in sy boek “Uit persoonlike ondervinding”, beskryf? Is daar fossiele in die gesteentes van die Tankwa Karoo? En uit hoeveel water bestaan sneeu?

Hoe verklaar jy dit? 15 Julie 2018
Sondag 15 Julie 2018

Hoekom is brak grond met ‘n hoë soutlading suur, terwyl ‘n mens juis die teenoorgestelde sou verwag? Is dit waar dat die westerse węreld vir al die belangrike uitvindings verantwoordelik was, en dat mense soos die Chinese alles bloot gekopieer het? En hoeveel waarde kan ‘n mens heg aan die sogenaamde wetenskaplike bewyse van ene prof. Stephenson van die VSA dat reďnkarnasie wel bestaan?

Hoe verklaar jy dit? 8 Julie 2018
Sondag 8 Julie 2018

Hoe is dit moontlik dat klippe, rotse en sand in ‘n vulkaan só warm kan word dat alles soos water kook en in die lug in geslinger word? Is dit waar dat slange kleurblind is? En is dit gesond om tuinvoëls kaas te voer?

Hoe verklaar jy dit? 1 Julie 2018
Sondag 1 Julie 2018

Hoekom is Europese spreeus so ‘n gewilde gasheer vir luise? Wat is die genetiese afstand tussen die gorilla en die mens? Hoe werk ‘n sonwyser, en hoe akkuraat is dit?

Hoe verklaar jy dit? 24 Junie 2018
Sondag 24 Junie 2018

Hoekom word vliegtuie se motore meestal onder die vlerke gemonteer en nie by die stert nie? Watter voedsel is daar vir diere, soos flaminke, in sout strandmere? Hoe werk ‘n reënmeter? En hoe het die talle klein ysterklip-koppies tussen Britstown en Victoria-Wes ontstaan?

Hoe verklaar jy dit? 17 Junie 2018
Sondag 17 Junie 2018

Hoekom word reënwater wat deur dorpe se stormwaterslote wegloop, nie opgevang vir gebruik nie? Wat is ystervarke se paringsgedrag? As Jupiter en die son uit dieselfde material bestaan, hoekom brand Jupiter nie?

Hoe verklaar jy dit? 10 Junie 2018
Sondag 10 Junie 2018

Hoekom is daar nie giftige diere in Nieu-Seeland nie, terwyl Australië oor verskeie giftige spesies beskik? Wat het daartoe gelei dat die beplande hidrobreking in die Karoo gestaak is? En raak ‘n vlieg gedisoriënteer in ‘n motor wat teen 120 kilometer per uur beweeg?