Programme

TERUG

Leefwêreld van die gestremde

Potgooi

Leefwêreld van die gestremde 10 Desember 2017
Sondag 10 Desember 2017

Op Internasionale Mensregtedag fokus Jacqui January op die African Disability Protocol en sy gee terugvoer oor die SAUK Stigting se Disability 360-inisiatief. Fanie du Toit hoor van nie-regeringsorganisasies se dienste aan gestremdes, die strukture en vennootskappe wat in plek is, en gemeenskapsbetrokkenheid.

Leefwêreld van die gestremde 3 Desember 2017
Sondag 3 Desember 2017

Fanie du Toit kyk na die algehele toegangklikheid, dienslewering en toelaes vir gestremdes. En Jacqui January kyk na die ingesteldheid en houding teenoor veral verstandelik gestremdes.

Leefwêreld van die gestremde 26 November 2017
Sondag 26 November 2017

Fanie du Toit vertel van die Lighthouse Vereniging, wat 80 jaar later steeds blindes help om sosiaal te verkeer van fietsry tot veerpyltjies speel. En Jacqui January vertel van ‘n interessante kunsuitstalling, Blinde Alfabet, waar blindes die kunswerke kan “sien” en ervaar.

Leefwêreld van die gestremde 19 November 2017
Sondag 19 November 2017

Fanie du Toit het raad gaan soek by kundiges oor die toegang tot onderrig vir kinders met gestremdhede in hoofstroomskole. En Jacqui January besoek ‘n goed toegeruste tehuis vir meervoudig gestremde volwasse dowes, en vertel hoe die versorgers lewenslesse by die gestremdes leer.

Leefwêreld van die gestremde 12 November 2017
Sondag 12 November 2017

Fanie du Toit kyk na skokkende statistiek oor geweld, en hoe dit mense gestremd laat. En Jacqui January hoor van die werksaamhede van ‘n tehuis vir volwasse intellektueel-gestremdes.

Leefwêreld van die gestremde 5 November 2017
Sondag 5 November 2017

Fanie du Toit praat met Yolandé van der Westhuizen, ‘n oudioloog. Yolandé is van die Suid-Afrikaanse Vereniging van Oudioloë, en waarsku die publiek om lig te loop vir gehoorapparate wat “oor die toonbank” gekoop word sonder evaluasie deur ‘n oudioloog. Sy vertel ook meer oor die rol van die oudioloog by jou gehoor. En, Uit die derduisende matrieks wat nou eksamen skryf, is daar een wat elke vraestel met groot dankbaarheid aanpak. Sy is Monique Huyser, matriekleerling van die Hoërskool Brandwag op Uitenhage. Drie jaar gelede, toe die verlammende Guillain-Barré-sindroom haar só platgetrek het dat sy nie ‘n spier kon verroer nie, het sy gedink matriek sou haar nooit beskore wees nie. Sy vertel vir Mariska Spoormaker hoe sy eers gedink het sy het maar net griep.

Leefwêreld van die gestremde 29 Oktober 2017
Sondag 29 Oktober 2017

Studente aan die Universiteit van Johannesburg het ‘n groep gestig wat bewusmaking oor gestremdheid wil doen op kampus ten bate van studente met gestremdhede. En Vanessa Japtha van die nie-winsgewende organisasie, Inclusive Education South Africa, praat oor inklusiewe onderrig vir kinders met gestremdhede.

Leefwêreld van die gestremde 22 Oktober 2017
Sondag 22 Oktober 2017

Fanie du Toit fokus op Wêreld Beroertedag van die simptome en die impak van die siekte op ‘n mens. Fanie het ook nuus oor ‘n internasionale byeenkoms om geld vir verstandelik gestremdes in te samel. En Jacqui January hoor van die uitdagings wat blindes het met die openbare vervoerstelsel.

Leefwêreld van die gestremde 15 Oktober 2017
Sondag 15 Oktober 2017

Jacqui January gesels met ‘n ma van 'n seun met Downsindroom oor praktiese hulp en bystand vir mense met geestesongesteldhede. En Fanie du Toit voer die tema van geestesgesondheidsmaand verder, en vind meer uit oor paraatheid en bemagtiging teen depressie en selfdood.

Leefwêreld van die gestremde 8 Oktober 2017
Sondag 8 Oktober 2017

Fanie du Toit vind meer uit oor die proses wat gestremdes kan volg om ‘n bestuurderslisensie te kry. En Jacqui January kyk na Nasionale Geestesgesondsheidsmaand se tema van geestesgesondheid in die werkplek.