Nou op die lug

Deurnag (Donderdag)

00:00-04:30

Empty

Interaktief

Programme

TERUG

Rand en sent

Potgooi

Rand en sent 24 Mei 2020
Sondag 24 Mei 2020

Prof. Danie Meyer van Noordwes-Universiteit praat oor maniere om werkskepping te bevorder, en hoekom hy glo mense moet begin werk. Andrea Camphor van AgriSA gesels oor die hulp wat hulle verleen deur voedsel te skenk aan mense wat in die nood is. En Richus Nel van PSG Wealth deel sy siening oor die grendelmaatreëls, en bespreek die opsies wat die regering het.

Rand en sent 17 Mei 2020
Sondag 17 Mei 2020

Olivia Sambo praat met kenners oor die verskillende soorte belasting, en hoe die verligtingsmaatreëls deur die regering aangewend word om die belastingslas van maatskappye en kleinsake ondernemings te verlig tydens die Covid-19-pandemie.

Rand en sent 10 Mei 2020
Sondag 10 Mei 2020

Marli Schnetler van OneDayOnly praat oor die impak wat die inperking op e-handel het, en hoeveel kleinsake-ondernemings gehelp kan word as die verbod op produkte opgehef word. Franzo Friedlich van Momentum Beleggings gesels oor bemarking tydens die inperking, en hoe kommunikasie en bemarking verander het.

Rand en sent 3 Mei 2020
Sondag 3 Mei 2020

Wat doen jy om finansieel te oorleef wanneer iemand wat afhanklik van jou is, ernstig siek word? En hoe weet jy of jy voldoende versekering het vir so ‘n situasie? Richus Nel van PSG Wealth vertel watter impak dit op jou kan hê as ‘n afhanklike siek word. Marise Smit van Brenthurst Wealth vertel wat dit beteken as jy ekstra geld op jou huisverband betaal. En prof. Danie Meyer van die Noordwes-Universiteit deel sy mening oor strukturele ekonomiese hervorming, en hoekom dit juis nou noodsaaklik is dat die regering die regte stappe moet doen om Suid-Afrika te herbou.

Rand en sent 26 April 2020
Sondag 26 April 2020

Prof. Danie Meyer van die Noordwes-Universiteit praat oor die Internasionale Monetêre Fonds en sy mening oor die aanwending van die stimuluspakket. Herman van Papendorp van Momentum gesels oor die uitwerking wat die lae rentekoerse op die ekonomie het, en hoekom dit nou ‘n goeie besluit sal wees om jou skuld te betaal, as jy dit kan bekostig.

Rand en sent 19 April 2020
Sondag 19 April 2020

Dis onvermydelik dat die Covid-19 pandemie ‘n negatiewe uitwerking op die wêreldekonomie sal hê. Richus Nel, 'n finansiële beplanner by PSG Wealth, en Herman van Papendorp, hoof van beleggings by Momentum, praat oor die ekonomiese impak van Covid-19. Hulle gee ook raad aan kleinsake-ondernemings en beleggers oor oorlewing in hierdie onsekere finansiële tye.

Rand en sent 12 April 2020
Sondag 12 April 2020

Hoe onderskei jy tussen fopnuus en nuus wat van betroubare bronne kom? Jeanette Marais van Momentum Beleggings en Richus Nel van PSG Wealth probeer dié vraag beantwoord. Hulle gee ook raad oor hoe jy die vrees van die Covid-19 pandemie onder beheer kan hou deur kalm te bly, en moedig ons aan om juis die tyd te gebruik om ons persoonlike finansies te hersien. Leonard Willemse van Mazars praat oor belasting en hoekom dit belangrik is dat almal deel moet hê aan die opbou van die land.

Rand en sent 5 April 2020
Sondag 5 April 2020

Hoe pas jy jou salaris aan as jy nie gereeld ‘n inkomste verdien nie? Marise Smit van Brenthurst Wealth gee raad oor hoe om te oorleef in onsekere finansiële tye. Leonard Willemse van Mazars vertel hoekom dit noodsaaklik is dat entrepreneurs uit die staanspoor uit hulle belastingsake in orde moet kry. Allan Hannie van Cliffe Decker Hofmeyer sê entrepreneurs móét ‘n onderskeid tref tussen geld vir die besigheid en geld vir hullle persoonlike behoeftes. En Eugene Botha van Momentum kalmeer die senuwees oor die onsekerheid op die aandelemarkte.

Rand en sent 29 Maart 2020
Sondag 29 Maart 2020

Hoeveel dra ons as individue by tot die staatskoffers, en hoekom moet ons belasting betaal? Leonard Willemse van Mazars in Kaapstad beantwoord dié vrae, en praat ook oor die spandering van die regering. Allan Hannie van Cliffe Decker Hofmeyer praat oor die administratiewe sy van klein sakeondernemings, en verduidelik hoekom finansiële geletterheid so belangrik is vir entrepreneurs.

Rand en sent 22 Maart 2020
Sondag 22 Maart 2020

Is jy bekommerd dat jy nie genoeg geld sal hê wanneer jy aftree nie? Of dink jy dat jy nog jonk is, en aftrede net vir oumense is want jy het nog genoeg tyd om te beplan? Marise Smit van Brenthurst Wealth gee jou ‘n dosis realiteit, maar ook aanmoediging om te begin spaar en minder skuld te maak. Eugene Botha van Momentum Belegggings wys ook dat dit ‘n mite is dat jy moet wag tot jy ryk is of meer geld verdien, voordat jy begin spaar.