Programme

TERUG

Rand en sent

Potgooi

Rand en sent 19 Mei 2019
Sondag 19 Mei 2019

Daar is spaarwenke vir diegene wat binnekort aftree, en ook net ná aftrede. ‘n Belastingspesialis bespreek volgende jaar se veranderinge in belastingwetgewing wat Suid-Afrikaners wat in die buiteland werk, se sak sal raak.

Rand en sent 12 Mei 2019
Sondag 12 Mei 2019

Daar is spaarwenke vir wanneer jy in die middel van jou loopbaan is. Wat is die verskillende beleggingsopsies wanneer jy geld in die buiteland wil belê?

Rand en sent 5 Mei 2019
Sondag 5 Mei 2019

Hoe kan jongmense wat pas begin werk het, en vir die eerste keer na hulle eie fiansies moet omsien, begin spaar? Die moets en moenies wanneer jy jou finansiële adviseur kies, en die mees algemene vraag van beleggers aan ‘n finansiële beplanner.

Rand en sent 28 April 2019
Sondag 28 April 2019

Die laaste van ‘n reeks van vier gesprekke oor die vrou se plek in die Vierdie Nywerheidsrewolusie handel oor hoe vroue hulleself kan bemagtig vir ‘n suksesvolle beroepslewe. Kenners praat weer oor verskillende geldpersoonlikhede, en hoe kennis hieroor jou kan help om die hantering van jou eie finansies, asook dié van jou lewensmaat, beter te verstaan.

Rand en sent 21 April 2019
Sondag 21 April 2019

Die derde van ‘n reeks van vier gesprekke oor die vrou se plek in die Vierde Nywerheidsrewolusie handel oor verdere faktore wat vroue terughou in die ekonomie. ‘n Kenner verduidelik ook hoe ons geld uitgee op belastingheffings waarvan ons nie eens bewus is nie, en hoe ons hierop kan bespaar.

Rand en sent 14 April 2019
Sondag 14 April 2019

Die tweede van ‘n reeks van vier gesprekke oor die vrou se plek in die Vierde Nywerheidsrewolusie handel oor hoe vroue hulle gedagtegang kan verander om hulle posisie te verbeter t.o.v. loopbane, salarisse en entrepreneurskap.‘n Kenner beantwoord ook ‘n luisteraarsvraag oor aftrede, aftreeprodukte en die raad wat finansiële adviseurs soms verkeerdelik gee.

Rand en sent 7 April 2019
Sondag 7 April 2019

Die eerste van ‘n reeks van vier gesprekke oor die vrou se plek in die Vierde Nywerheidsrewolusie handel oor waar vroue hulle in die digitale era bevind m.b.t. loopbane en entrepreneurskap. Daar word ook gepraat oor beurtkrag en korttermynversekering.

Rand en sent 31 Maart 2019
Sondag 31 Maart 2019

Suzaan Steyn het alles wat jy moet weet oor: alle risikoversekering; die enorme koste wat jy jouself op die hals kan haal indien jy naamskending of haatspraak op sosiale media pleeg; asook die feite rondom volmag wat verval wanneer jy nie meer in staat is om jou eie besluite te neem nie.

Rand en sent 24 Maart 2019
Sondag 24 Maart 2019

Die laaste gesprek in die reeks oor aftredebepanning handel oor boedelbeplanning. Dis iets wat jy eintlik al moet doen sodra jy begin bates versamel. Daar is ook nuus oor belastingtoepassings om jou belastinginligting makliker bymekaar te maak.

Rand en sent 17 Maart 2019
Sondag 17 Maart 2019

Die derde van vier gesprekke oor aftredebeplanning handel oor “Beplanning NÁ aftrede”. ‘n Finansiële beplanner verduidelik ook wat die verband is tussen fietsry, finansies en goeie beleggings.