Programme

TERUG

Radioteater

Potgooi

WAAR IS TOMAS? deur Zo Ras
Donderdag 28 Junie 2018

Emma le Roux is n jong versorger wat na n bejaarde wewenaar, Giel Vermaak, moet omsien. Hulle verhouding is uit die staanspoor problematies. Tog kom Emma gou agter dat haar tyd saam met Giel haar lewe handomkeer gaan verander. Giel neem mettertyd vir Emma op verskeie avonture, wat haar dwing om haar verbeelding op speels dog kragtige maniere te gebruik. Emma leer dat n mens se verbeelding jou kan laat lag en huil, maar ook genees. En sy besef hoe belangrik die literatuur vir die mensdom in sy geheel is.

DIE REINE WAARHEID deur Eleanor Lombard
met
Donderdag 21 Junie 2018

Wanneer n poskantoorwerker in n klein dorpie n storie oor een van die inwoners oorvertel, kry die storie stertjies by en word dit al hoe meer sensasioneel soos dit versprei. In n verrassende wending sorg die slagoffer later vir komiese gevolge.

KOLSKOOT VISAGIE deur Christopher Joynt
Donderdag 14 Junie 2018

Hierdie drama vertel die tragiese verhaal van Barend Visagie en sy seun, Willie. Dit speel in 1948 in die Swinburne-distrik af. Hoewel dit n fiktiewe storie is, is die drama is geskoei op die Suid-Afrikaanse volkslegende waarop C.M.van den Heever sy gedig, Waar ruwe rotse, gebasseer het.

DIE GANG deur Joe Kleinhans
Donderdag 7 Junie 2018

Die dag nadat wewenaar Jakob Swart by die Tuisbes-tehuis intrek, word hy in n kantoor betrap waar hy, selfoon in die hand, in n kabinetlaai krap. Dis in dieselfde tyd waar daar n veldtog in die plaaslike koerante losbars oor die agteruitgang in die tehuis, met stawende fotos. Matrone Malan kan nie anders as om te dink dat Tuisbes met hulp van binne gesaboteer word nie. Jakob is en bly haar verdagte nommer een. En waar Matrone altyd in die gang hoor wat aan die gebeur is in die tehuis, swyg die gang skielik soos die graf

SKINK VIR MY 'N WHISKY deur Deon Johnston
met
Donderdag 31 Mei 2018

Die bestuurder van n supermarkgroep word koelbloedig deur n gemaskerde rower doodgeskiet, enkele dae voor sy tweede huweliksherdenking. Vir sy jong weduwee is die skok en verlies te groot, en sy pleeg selfmoord. Haar broer sweer om die skuldiges aan die pen te laat ry. Hy roep sy jarelange vriend en privaatspeurder se hulp in. Die vriend se lewe is egter in 'n warboel as gevolg van sy leefstyl, en die ondersoek neem n onverwagte wending...

HITTEGOLF deur Martyn le Roux
met
Donderdag 24 Mei 2018

Fanus en Linda Vermaak woon in Belville saam met Fanus se ma en hulle twee amper groot kinders. Die koors van aardverwarming slaan toe wanneer die noodlot dit so wil h dat klomp dinge op een baie warm dag skeefloop. Die gevolg is n absurde kruis met realisme in n sitkom-styl tragiekomedie wat kontemporre temas soos dwelms, drank en dobbel aanraak. n Lag met n traan daarby.

KOP deur Schalk Schoombie
Donderdag 17 Mei 2018

Set Niemand is n belowende pianis. Hy word gediagnoseer met n vernietigende siektetoestand wat sy liggaam aanval. n Russiese gimnas word breindood verklaar en siedaar, Set se kop word op die gimnas se lyf oorgeplant deur n span Suid-Afrikaanse geneeshere in Moskou in die Kremlin. Aanvaar die kop en die lyf mekaar? Hoe reageer die medici daarop? En wat van eie belang? Is dit moontlik en volhoubaar?

N POPHUIS deur Henrik Ibsen
met
Donderdag 10 Mei 2018

Noora Helmer kan as n tipiese bedorwe en opgepiepte ryksmansvrou beskryf word. Haar man, Toorwald, is n bankbestuurder en hulle huwelik lyk op die oog af gevul met geluk. Maar op Oukersaand klop n skuldeiser aan Noora se deur en eis sy pond vleis. Dit bring haar nie net in konfrontasie met haar man nie, maar ook met haarself. Sy besef dat sy tot dusver net almal se speelding was. n Skadelose poppie. Tog is dit nou tyd om groot te word...

'N VOORLOPIGE BEGRAFNIS deur Albert Short
Donderdag 3 Mei 2018

n Man skryf n brief aan sy naasbestaandes om te vra dat hulle hom hierdie keer met die nodige respek sal begrawe. Waarom word hierdie man twee keer begrawe, en wat het fout gegaan tydens die eerste begrafnis?

ROMMEL, ROMMEL deur Lee Doubell
met
Donderdag 26 April 2018

Drie gesoute rowers of is dit dalk eerder veteraantronkvols beplan hulle eerste rooftog in twee jaar n hulle laaste besoek aan die staatshotel. n Naewe jongman, kraakvars van die plaas af, word aangestel om n swaarvragmotor in die rooftog te bestuur. Aanvanklik word die jongman met groot agterdog bejen, maar uiteindelik moet hulle erken dat hulle n goeie belegging in die plaasjapie gemaak het. Of hulle di keer daarin sal slaag om met die grootste buit in hulle rowersloopbane die gasvryheid van die staatshotel vry te spring, sal egter net die tyd kan leer.