Programme

TERUG

Dis Klassiek

Soek

Datums
calendar calendar

Volgende Programme

Woensdag 12 Desember 2018
21:10-22:00

Luister na ’n deel uit ‘n werk van Michael Glinka, wat hy vir die drama van sy vriend, Nestor Koukolnik, gekomponeer het. Koukolnik se werk handel oor die oorlog in die 15de eeu tussen Rusland en Lyfland, ’n gebied wat vandag net nood van Litoue geleë is. Die hoofwerk is die Klavierkonsert in C majeur van Friedrich Kuhlau, 'n Deense komponis wat tussen 1786 en 1832 geleef het. Hy was self ook 'n voorste pianis wat veral werk van Beethoven uitgevoer het tydens konserte. Die invloed van Beethoven in Kuhlau se werk is dan ook duidelik te bespeur. Hy het ook talle operas gekomponeer, hoofsaaklik met Deense libretti. Ten spyte van ’n brand wat Kuhlau se huis met talle oorspronklike musiekmanuskripte daarin, byna heeltemal verwoes het, het hy steeds meer as 200 werke nagelaat.

Woensdag 19 Desember 2018
21:10-22:00

Luister na die eerste deel uit ‘n seretana, GLORIA E EMINIO, van Vivaldi. Dit is ‘n werk wat hoofsaaklik in die aand uitgevoer word, en dan ook by spesiale geleenthede, soos troues en kroningsplegtighede. Eminio is die god van die huwelik volgens die Griekse mitologie.

Die tweede werk is ‘n simfonie van Luigi Boccherini. Dié Italiaanse komponis het vir ‘n groot deel van sy lewe in Spanje gewerk. Sy Simfonie in A majeur, opus 37 no. 4 het ‘n interessante struktuur. By tye wonder ‘n mens of jy nie dalk na ‘n simfonie concertante luister waar ‘n hele aantal solo-instrumente saam met die orkes optree nie. Dit is veral die houtblaasinstrumente wat sterk belig word in die rol.

Die hoofwerk is die eerste klavierkonsert van John Field. Hy is in Ierland gebore, maar het hom later in Rusland gaan vestig. Die werk 'n baie lang orkes-inleiding voordat die klavier sy verskyning maak. In die res van die werk tree die klavier sterk na vore en by tye voel dit vir die luisteraar dat dit ’n soloklavierwerk is, byna soos dit die geval is met Chopin se klavierkonserte.

Woensdag 26 Desember 2018
21:10-22:00

Luister na die Hobokonsert in C majeur, RV 447 van Antonio Vivaldi, ‘n priester wat ook as komponis en musiekonderwyser opgetree het by ‘n meisiesskool. Hy het dikwels sy werke uitsluitlik vir gebruik deur sy leerlinge gekomponeer. Die ingewikkeldheidsvlak van die werke getuig van die hoë standaard wat by Vivaldi se musiekskool gehandhaaf is. Heinz Holliger tree op saam met I Musici.

Die tweede werk is die Simfonie no. 1 in B mol majeur, opus 38 van Robert Schumann. Tydens sy loopbaan het Shumann baie werk gemaak van die komposisies vir die klavier en stem. Tussendeur het hy wel geëksperimenteer met die simfonie as genre. Hy het in 1832 ‘n werk gekomponeer was as sy eerste simfonie sou dien, maar het dit onvoltooid gelaat, veral nadat ‘n uitvoering van die eerste deel van die werk in G-mineur nie goed ontvang is nie. Dit was eers ongeveer ‘n dekade later toe hy sy Simfonie no. 1 voltooi het, maar daar is bewyse dat hy terselfdetyd ook sketse vir sy ander drie simfonië gemaak het. Musiekkenners sien dan ook baie elemente van kruisbestuiwing in die vier simfonieë van Schumann. Luister na die weergawe van die Weense Filharmoniese orkes onder leiding van Leonard Bernstein.

Woensdag 2 Januarie 2019
21:10-22:00

Luister na die Simfonie no. 5 in C majeur van Ignaz Franzl. Hy is in Duitsland gebore, maar sy familie het later na Oostenryk verhuis waar sy pa ‘n musikant was in die Mannheim-orkes. Hy het sy opleiding in die gesogte musieksentrum ontvang en het later hofkomponis en voorste violis geword. Oor laasgenoemde gawe het Mozart ingenome opgemerk dat Franzl vioolspel so maklik laat lyk! Die simfonie bestaan uit drie dele, gemerk Allegro Vivace, Andante en Presto.

Die tweede werk is die Vioolkonsert van Samuel Coleridge-Taylor (1875 – 1912). Sy pa was van Sierra Leone en sy ma van Engeland. Die gesin het later na die VSA verhuis waar die jong Samuel in kontak gekom het met spirituals. Coleridge-Taylor was baie krities oor sy komposisies. Hy het byvoorbeeld sy vioolkonsert voltooi, net om dit te verbrand omdat hy nie gelukkig was met dele daarvan nie. Hy het van vooraf begin werk en die première was op 4 Junie 1912, ‘n paar maande voor sy dood.