Programme

TERUG

Dis Klassiek

Soek

Datums
calendar calendar

Volgende Programme

Woensdag 21 Augustus 2019
21:10-22:00

Luister na ’n vioolkonsert van Joseph Haydn. Hoewel hy meer bekend is vir sy simfonieë en strykkwartette, het hy ook ander uitstaande werk gelewer. Hierdie konsert in G majeur is een van vier viooloknserte wat ongetwyfeld agter die naam van Haydn geskryf kan word. Musieknavorsers meen Haydn het eintlik elf concrti vir die instrument en orkes gekomponeer, maar die meeste daarvan kan nie sonder twyfel as werk van Haydn gesien word nie.

Die slotwerk is Franz Krommer se Konsert vir 2 Klarinette en orkes. Die Tjeggiese komponis was eintlik 'n voorste violis, maar was ewe tuis as dit kom by concerti vir veral houtblaasinstrumente. Hierdie item is voor ‘n gehoor in die Kaapstadse Stadsaal opgeneem op 31 Januarie 2019.

Woensdag 28 Augustus 2019
21:10-22:00

Luister na die Simfonie no. 31 in D majeur van Mozart. Dit het ook die bynaam van die Parys Simfonie. Mozart het die werk gekomponeer terwyl hy vir ses maande in dié stad gewerk het. Hy was veral beïndruk met die groot orkes van Parys, wat tot sy beskikking was om mee te eksperimenteer, en sodoende ‘n baie groter orkesklank te kon kry.

Die ander werk is Max Bruch se Vioolkonsert no. 3 in D mineur. Die werk, soos van Bruch se ander werke, staan dikwels in die skadu van die komponis se Vioolkonsert no. 1, wat baie gewild is by vioolsoliste en gehore. Ironies is dat Bruch amper sy hele loopbaan gebuk gegaan het onder die “reputasie”, en het eers 30 jaar na die eerste konsert voltooi is, die derde konsert gelewer.