Programme

TERUG

RSG Landbou

Soek

Datums
calendar calendar

Volgende Programme

Donderdag 22 Augustus 2019
04:30-05:00

Die Syngenta Graan-akademie het in 2013, danksy Jannie de Villiers en Graan Suid-Afrika, hulle eerste program aangebied. Dis nie net gemik op graanprodusente nie, maar op enige persoon wat ‘n verskil wil maak. RSG Landbou het verlede week ‘n unieke reünie van die akademie en sy deelnemers bygewoon, en daar met verskeie mense gesels om uit te vind watter impak die program op hulle lewe en werk het. Ons gesels ook met Ben Bamberger, meganiese bemarker by Obaro, oor populêre implemente en trekkers. En Chris Derksen is soos altyd op sy pos met die jongste vleispryse by veilings in die Noord-Vrystaat.

Vrydag 23 Augustus 2019
04:45-05:00

Eloise Pretorius gesels met ‘n vrou wat dwars oor die wêreld gewerk het aan projekte, wat wissel van die ontwerp van hawe-infrastruktuur tot kusbeskerming. Maria le Roux is aangestel as Kaapstad se kusingenieur. Hulle bespreek kwessies soos akwakultuur, besoedelingsbeheer en biodiversiteit.

Saterdag 24 Augustus 2019
11:45-12:00

Prof. Karin Jacobs van die Departement Mikrobiologie aan die Universiteit Stellenbosch is al jare lank besig om te wikkel met betekenisvolle eksperimente in die laboratorium van die lewe.

Vrydag 30 Augustus 2019
04:45-05:00

Eloise Pretorius gesels met doktor Rene Prins, die hoof van ‘n plantgenetika-laboratorium wat molekulêre werk doen vir die graan- en-vrugtebedryf. Ons hoor hoe jy kan baat by haar navorsing, en hoor die storie van ‘n gedugte span vroue.

Saterdag 31 Augustus 2019
11:45-12:00

Ons kuier ons by die sensoriese paneel by die Voedselwetenskappe Departement aan die Universiteit Stellenbosch. Ons vind uit wat gebeur agter die skerms wanneer gehalte-evaluerings gedoen word op produkte voor dit jou inkopiemandjie beland.

Vrydag 6 September 2019
04:45-05:00

Ons loer in by die Koejawilinligtingsdag wat onlangs gehou is, en vind meer uit van die vele gebruike van hierdie vitamienryke vrug. Het jy geweet die blare van die koejawelboom word deesdae ingespan tydens die vervaardiging van sjampoe?

Saterdag 7 September 2019
11:45-12:00

Doret Smith van Laingsburg het van kleins af geweet sy sou eendag boer. Sy vertel waaroor sy passievol is, en deel haar suksesresep oor hoe om groentesaad te verbou. Sy deel ook haar liefde vir wingerdstokke.

Vrydag 13 September 2019
04:45-05:00

Die SmartArgi-plan het onlangs twee groot toekennings ontvang. Dr. Ilse Trautmann, die hoofdirekteur van navorsing en tegnologie-ontwikkeling by die Wes-Kaapse Departement van Landbou, verduidelik hoe die plan ontwikkel is om die landbousektor in die provinsie klimaatsbestand te maak. Ons vind ook meer uit van SIZA se rol in die landbousektor.

Saterdag 14 September 2019
11:45-12:00

Kruieboer Elmarie de Bruyn praat oor die geskiedenis van vlugtige olies, en gee wenke oor hoe om die bedryf te betree.

Vrydag 20 September 2019
04:45-05:00

September is Boomplant-maand in Suid-Afrika. Ons kyk na ‘n nuwe stelsel van vrugteboomproduksie, die sogenaamde sakkieboom. En ons kyk wat op die olyfbedryf se kalender is.

Saterdag 21 September 2019
11:45-12:00

Volgens kruieboer Elmarie de Bruyn is dit belangrik om posititief oor die sektor in Suid-Afrika te wees. Sy vertel hoe sy ‘n suksesvolle besigheid in vlugtige olies op die been gebring het.

Vrydag 27 September 2019
04:45-05:00

Die Derde Landbou Jeugforum is onlangs in Suid-Afrika gehou. Eloise Pretorius gesels met lede van die Afrika Ontwikkelingsbank en die Wes-Kaapse Departement van Landbou wat die geleentheid aangebied het. Ons hoor hoe lande in Afrika saam werk en van die vele suksesstories.

Saterdag 28 September 2019
11:45-12:00

Eloise Pretorius gesels met 'n boervrou van die Overberg, Pippa Philip, wat die afgelope 30 jaar ‘n spesiale pad met Suid-Afrikaanse skaaphonde stap. Sy vertel staaltjies van dié slim brakke.

Vrydag 4 Oktober 2019
04:45-05:00

Staatsveearts dr. Annelie Cloete praat oor die voorkomende behandelingsprotokolle en siektebeheer met betrekking tot hondsdolheid. Eloise Pretorius praat ook met plantpatologie-navorser dr. Gert van Coller oor die voorkoms van aarskroei by koring.

Saterdag 5 Oktober 2019
11:45-12:00

Ontmoet ‘n ongewone entrepeneur - ‘n vroue wat sowel in die akademie as die sakewêreld volpunte behaal. Volgens haar is dit in landbou waar sy op haar gelukigste is, en dit is haar passie vir grondgesondheid wat gelei het tot vele ander onverwagte avonture. Prof. Karin Jacobs werk al vir die afgelope 16 jaar by die Departement Mikrobiologie aan die Universiteit Stellenbosch. Sy is ook een van die stigters van ‘n maatskappy met die naam Sporatec. Hoe die grond lyk waarin gesonde plante groei, is waarmee hulle te doen het. Hoe om produsente se grond gesond te kry, is ook waarmee hulle goed is.

Vrydag 11 Oktober 2019
04:45-05:00

Dr. Johann Strauss, 'n senior navorser in die Direktoraat Plantwetenskappe en kenner op die gebied van volhoubare produksie-stelsels, vertel wat die onlangse Wes-Kaap Bewaringslandboukongres opgelewer het. En voormalige koerantredakteur Bun Booyens praat oor wat hy glo mens moet doen om suksesvol te boer.

Saterdag 12 Oktober 2019
11:45-12:00

Omri van Zyl, die uitvoerende direkteur van AgriSA, verduidelik waarom hy positief is oor die landbousektor, veral in Suid-Afrika. Hy deel ook interessante feite oor die land se handelsgenote, wat Amerika en Nederland insluit.

Vrydag 18 Oktober 2019
04:45-05:00

Dr. Naude Malan van die Universiteit van Johannesburg praat oor die onlangse bevindings van die General Household Survey, wat deur Statistieke SA uitgereik is. En prof. Francois Lategan, medeprofessor in landbouvoorligting en landelike ontwikkeling aan die Kaapse Skiereiland Universiteit vir Tegnologie, het raad vir jongmense wat volgende jaar landboukursusse wil gaan studeer. 

Saterdag 19 Oktober 2019
11:45-12:00

Eloise Pretorius gesels met twee susters wat in beheer is van die eerste mikrobrouery in die Sederberg, Nieubrew. Melanie en Tania Nieuwoudt verduidelik hoe hierdie familiebesigheid van krag tot krag gaan.

Vrydag 25 Oktober 2019
04:45-05:00

Lorraine Geldenhuys, 'n wynmaker en dosent by die Wes-Kaapse Departement van Landbou se Elsenburg College, gesels oor Suid-Afrikaanse brandewyn en waarom dit so hoog aangeskryf word. Gary Patience is ‘n jong boer van Saron. Hy vertel waarom hy passievol oor landbou is, en het goeie raad vir ander opkomende boere.