Nou op die lug

Naweektjil

22:30-23:59

Interaktief

Programme

TERUG

RSG Landbou

Soek

Datums
calendar calendar

Volgende Programme

Maandag 9 Desember 2019
04:30-05:00

Johann Kotze, bestuurshoof van die Suid-Afrikaanse Varkprodusente-organisasie, praat oor die lesse wat hulle die afgelope jaar geleer het en wat tot voordeel van die bedryf gebruik word. Bonné de Bod het die jongste nuus oor die die oorlewing van ons renosterspesies. En ‘n fasiliteerder by Agriskills Transfer, Duif Joubert, vertel van die landbou-opleiding wat hulle aanbied, en waarom praktiese landbou-opleiding so belangrik is.

Dinsdag 10 Desember 2019
04:30-05:00

Daar is slegs een okkerneutprodusent in Suid-Afrika. Die  bestuurshoof van Rotondo Walnuts, Percy Watkins, vertel hoekom dit die geval is. Hy praat ook oor hulle behoefte aan uitbreiding. Die inskrywings vir die jaarlikse Cleaver-toekennings is oop. Hierdie toekennings vereer plaaslike slaghuise en vleismarkte. Dewald Olivier, bestuurshoof van die Suid-Afrikaanse Voerkraalvereniging, verduidelik hoe dié kompetisie werk. En ‘n Brangus-boer van die Ladysmith-omgewing in KwaZulu-Natal, Martin Campher, vertel vir Hennie Maas van sy stoet.

Woensdag 11 Desember 2019
04:30-05:00

TWK spog met ‘n bedryfswins van 30%. Die bestuurshoof van die maatskappy, André Myburg, verduidelik waaraan hulle sukses toegeskryf kan word. Dr. Ian Heyns van LNR Kleingraan op Stellenbosch, gee terugvoer oor die afgelope seisoen se koringproduksie in veral die Swartlandstreek. Abrie Venter van an Laeveld Agrochem praat oor swamsiektes by mielies, en Johnathan Toxopeus van Algar gee raad oor veehanteringstoerusting.

Donderdag 12 Desember 2019
04:30-05:00

Die invloed wat klimaatsomstandighede op vanjaar se kanolaproduksie in die Wes-Kaap gehad het, is duidelik sigbaar. Izané Crous, ’n landboukundige by Southern Oil, vertel wat die stand van sake is. Hennie Maas praat met Chris de Wit van J&B Sitrus oor die sitrusbedryf in die Cookhouse-omgewing. En ekonoom dr. Roelof Botha praat oor die faktore wat veroorsaak dat Suid-Afrika se ekonomie so sukkel om te groei.

Vrydag 13 Desember 2019
04:45-05:00

‘n Boer maak ‘n plan, en om vooruit te boer, moet daar daagliks nuwe planne gemaak word. Eloise Pretorius kyk terug na van die kreatiefste planne wat in 2019 deur boere gemaak is.

Saterdag 14 Desember 2019
11:45-12:00

Eloise Pretorius besoek die Alternatiewe Voedselproduk-bekendstellingsdag by die Universiteit Stellenbosch. Marbi Schwartz en Trudie Rust verduidelik hoe nuwe prosesseringsmetodes ook insekte insluit, en vertel meer van innoverende maniere waarop daar oor voedselsoorte van die toekoms besin word.

Maandag 16 Desember 2019
04:30-05:00

Daar is baie regsaspekte oor die ontginning en bottelering van fonteinwater op ‘n plaas. Petrus van der Walt van VDT Prokureurs vertel watter wetgewing van toepassing is. Dr. Klaas-Jan Leeuw van die LNR Diereproduksie-eenheid praat met veeprodusente oor hittestres. En tydens vanjaar se Toyota Agri SA jongboer van die jaar toekenningsgeleentheid, het die 2018-wenner, JP van den Berg van Tosca in Noordwes, vertel wat hy die afgelope jaar wyser geword het.

Vrydag 20 Desember 2019
04:45-05:00

Wat het rockmusiekgroepe en landbou gemeen, en wat is die boodskap oor landbou in Suid-Afrikaanse musiek? Eloise Pretorius vind uit op watter innoverende maniere stories van hoop en inspirasie gedeel word.

Saterdag 21 Desember 2019
11:45-12:00

Rosa Kruger van die Ou Wingerd-projek gesels oor die plaaslike oeste van 2019. Sy verduidelik ook hoe haar wingerdopleidingsprogram daadwerklik besig is om die lewe van ‘n groot aantal Suid-Afrikaners te verbeter.

Vrydag 27 Desember 2019
04:45-05:00

Eloise Pretorius kyk terug op ‘n jaar van suksesse saam met GraanSA se Toit Wessels. Sy vier ook die twintigste bestaansjaar van die wyninnovasie-organisasie, Winetech, en hoor by bestuurshoof Gerard Martin hoe produsente die afgelope jaar bygestaan is.

Saterdag 28 Desember 2019
11:45-12:00

Eloise Pretorius sit haar gesprek voort met Rosa Kruger. Sy is iemand wat haar talente inspan om die lewe van soveel Suid-Afrikaners mooier te maak, nie net met haar bydrae in die landbousektor nie, maar ook met haar menswees, haar voorbeeld en die hart wat sy vir ander het. Hoor hoe passievol die groot gees agter die Ou Wingerd Projek hieroor is.

Vrydag 3 Januarie 2020
04:45-05:00

Theresa Volschenk van die LNR Infruitech Nietvoorbij net buite Stellenbosch se grond en water-navorsingsafdeling het raad oor droogtebestande gewasse soos granate. Bly op hoogte van die jongste nuus oor bewaringsboerderystelsels wanneer dr. Pieter Swanepoel, seniordosent by die Departement Agronomie aan die Universiteit Stellenboch, en Stephano Haarhoff van dieselfde departement by ons aansluit. Hoor ook die storie van ‘n jong plaaslike wynmaker met die naam Morgan Steyn.

Saterdag 4 Januarie 2020
11:45-12:00

Ferdie Endemann van die Wes-Kaapse departement van Landbou is 'n spesialisvoorligter in akwakultuur. Hy verduidelik waarom mens liefs nie met witdoodhaaie behoort te boer nie, en verduidelik ook watter wesens in die dieptes van ons oseane voorkom.

Vrydag 10 Januarie 2020
04:45-05:00

Dr. Johann Strauss, 'n seniornavorser by die Wes-Kaapse Departement van Landbou en 'n kenner op die gebied van volhoubare produksiestelsels, bespreek die belangrikheid van boeredae en watter voordele dit vir inhou. Jana Loots van Vinpro bring ons op hoogte oor vanjaar se Vinpro-inligtingsdag wat binnekort gehou word. En prof. Eugene Cloete viserektor van die Universiteit Stellenbosch gesels oor die jongste waternavorsing.

Saterdag 11 Januarie 2020
11:45-12:00

Professor Eugene Cloete, viserektor by die Universiteit Stellenbosch, is in 2018 deur die Wes-Kaapse Landbouskrywersvereniging aangewys as landbouer van die jaar. Hy verduidelik waarom hy positief is oor landbou in 2020.

Vrydag 17 Januarie 2020
04:45-05:00

Die dekaan van die Fakulteit Agri-wetenskappe by die Univeriteit Stellenbosch, prof. Danie Brink, verduidelik waarom hy glo landbounavorsing in 2020 interessant en opwindend sal wees. Ons praat ook plantpatologie-navorsing met dr. Gert van Coller van die Wes-Kaapse Departement van Landbou.

Saterdag 18 Januarie 2020
11:45-12:00

Dr. Albert Strever van die Universteit Stellenbosch sê sentrums van innovasie waar koppe bymekaar gesit word om met planne vir moderne wynverbouing vorendag te kom, kan vir opwindende geleenthede sorg.

Vrydag 24 Januarie 2020
04:45-05:00

Omgewingskonsultant Anel Blignaut verduidelik die waarde van ‘n koolstofvoetspoor-rekenaar en vertel meer van die Confronting Climate Change-projek. Die hoofdirekteur: navorsing en tegnologie-ontwikkeling by die Wes-Kaapse Departement van Landbou, dr. Ilse Trautmann, praat oor die Smart Agri Plan.

Saterdag 25 Januarie 2020
11:45-12:00

Dr. Albert Strever van die Universiteit Stellenbosch, wynboukundige Rosa Kruger, en wyninnoveerder Jan Thomas praat oor gehalte wyne en eg Suid-Afrikaanse innoverings.

Vrydag 31 Januarie 2020
04:45-05:00

Slanghanteerder Marcel Witberg vertel wat om te doen wanneer die ongenooide reptiele hulle verskyning maak op jou plaas of in jou voortuin. Dr. Elleunorah Allsopp van die LNR verduidelik hoe om die verskyning van blaaspootjies in wingerde en op steenvrugte te bekamp.