Programme

TERUG

Rand en sent

Soek

Datums
calendar calendar

Volgende Programme

Sondag 22 Oktober 2017
17:00-17:30

Daar is wenke oor waar en hoe jy moet begin wanneer jy wil huis koop. ‘n Bekende in misdaadvoorkomingskringe het raad om swendelaars te vermy wanneer jy vakansie-verblyf bespreek. En daar is spesiale spaarwenke vir die Desembervakansie.

Sondag 29 Oktober 2017
17:00-17:30

‘n Kenner verduidelik wat klein en medium sake-ondernemings te doen staan wanneer die ekonomie knyp. ‘n Entrepreneur deel sy suksesresep vir moeilike tye. En daar is inligting oor versekering vir kleinsake-ondernemings.

Sondag 5 November 2017
17:00-17:30

‘n Kenner praat oor die vaardighede wat jy jou kinders kan help aanleer om te verseker dat hulle in die toekoms ‘n werk kry. In die tweede gesprek oor wat jou te doen staan wanneer jy ‘n nuwe huis wil aanskaf, wys ‘n eiendomsagent waarna jy moet oplet om te voorkom dat jy vir jouself ‘n kat in die sak koop.

Sondag 12 November 2017
17:00-17:30

‘n Beleggingskonsultant verduidelik wat effektetrusts is, en hoe om die regtes vir jóú behoeftes te kies. In die laaste gesprek oor huiskoop, gee ‘n eiendomsagent handige wenke oor kontrakte, lenings en al die ander papierwerk. En ‘n entrepreneur met ‘n liefde vir entrepreneurskap, praat oor sy groot stap vir jong Suid-Afrikaanse entrepreneurs.

Sondag 19 November 2017
17:00-17:30

Het jy geweet daar is ‘n groot verskil tussen hoe mans en vroue hulle geld belê? ‘n Beleggingskonsultant bespreek die verskille en die impak daarvan op beleggingsresultate. ‘n Prokureur beantwoord ‘n luisteraar se vraag oor pensioenuitbetalings aan ‘n weduwee indien dit ‘n tweede huwelik is. En ‘n kundige help ons besluit wanneer dit werklik nodig is om ‘n finansiële adviseur te kry en wanneer jy jou geldsake sommer self kan bestuur.