Programme

TERUG

Dis Klassiek

Vorige Programme

Woensdag 12 September 2018
21:10-22:00

Emily Mayer was ‘n vrouekomponis in die Romantiese tydperk. Sy het eers laat in haar lewe ernstig begin komponeer, maar het van jongs af musiekonderrig ontvang. Volgens oorlewering het sy aan ‘n eetversteuring gelei, wat gemanifisteer het in haar komposisies.

Musiekbesonderhede
Simfonie no. 4 in B mineur
Kunstenaar: Neubranderburger Filharmoniese orkes olv Stefan Malzew
Komponis: E Mayer
https://www.youtube.com/watch?v=OnVJJvcFQqc

Woensdag 5 September 2018
21:10-22:00

Christian Cannabich het die leisels van die Mannheim-orkes by Johann Stamitz oorgeneem. Hy het in sy leeftyd meer as 200 werke gekomponeer, ondermeer ‘n ballet wat geskoei is op die Griekse mitologie van Medea en Jason.

Musiekbesonderhede
Medea en Jason
Kunstenaar: Mahler Kamerorkes o.l.v. Reinhard Goebel
Komponis: C Cannabich
https://www.youtube.com/watch?v=t7Ef9N-48EU

Woensdag 29 Augustus 2018
21:10-22:00

Norbert Burgmüller is ‘n Duitse komponis wat in 1810 gebore is, en ‘n hartseer dood sterf 26 jaar later. Robert Schumann, wat sy musiek gepubliseer het, het opgemerk dat dit baie hartseer is dat Burgmüller so vroeg gesterf het, want hy sou nog baie vir Duitse klassieke musiek kon beteken het.

Musiekbesonderhede
Klavierkonsert no. 1 in F-kruis minuer opus 1
Kunstenaar: Nikolaus Lahusen, Staat Filharmoniese orkes van Halle olv Heribert Beissel
Komponis: N Burgmüller
Uitgewer: KOCH SCHWANN
Kommersiële nommer: 317942

Woensdag 22 Augustus 2018
21:10-22:00

Tydens die Kaapstad Filharmonieseorkes se winterseisoen van 2018, het hulle saam met die Russiese solis Nikita Boriso-Glebsky opgetree, met sy vertolking van Tsjaikofski se baie moeilike Vioolkonsert in D majeur opus 35. Dieselfde aand het hulle ook die Overture uit Fidelio van Beethoven vertolk.

Musiekbesonderhede
Overture uit Fidelio
Kunstenaar: Kaapstad Filharmoniese orkes o.l.v. Conrad van Alphen
Komponis: L van Beethoven

Vioolkonsert in D majeur opus 35
Kunstenaar: Nikita Boriso-Glebsky, Kaapstad Filharmoniese orkes olv Conrad van Alphen
Komponis: P. Tsjaikofski

Woensdag 15 Augustus 2018
21:10-22:00

Die Italiaanse komponis Giovanni Sgambati is deur Franz Liszt aan Duitse klassieke musiek bekendgestel. In sy leeftyd was Duitse klassieke musiek glad nie bekend in Italië nie. Hy het dit sy lewenstaak gemaak om die Italiaanse gehore bekend te stel aan musiek van Beethoven en Liszt. Naas dit, het hy ook heelwat musiek gekomponeer, onder andere twee simfonieë.

Musiekbesonderhede
Simfonie no. 1 in D majeur opus 16
Kunstenaar: Simfonieorkes van Rome o.l.v. Francesco La Vecchia
Komponis: G Sgambati
Etiket: NAXOS
Kommersiële nommer: 8.573007

Woensdag 8 Augustus 2018
21:10-22:00

Luister na die Klavierkonsert in A-mol majeur opus 2 van die Poolse komponis, Ignacy Feliks Dobrzynski. Hy was Frederich Chopin se klasmaat, maar het nooit dieselfde bekendheid verwerf nie.

Musiekbesonderhede
Klavierkonsert in A-mol majeur opus 2
Kunstenaar: Emilian Madey, Poolse Radiosimfonie orkes o.l.v. Lukasz Borowicz
Komponis: IF Dobrzynski
Etiket: CHANDOS
Kommersiële nommer: CHAN107782(2)

Woensdag 1 Augustus 2018
21:10-22:00

As deel van die eeufeesvieringe van oudpresident Nelson Mandela se geboortejaar, word Suid-Afrika bederf met vyf konserte deur die Minnesota-orkes onder leiding van Osmo Vänskä. Luister na hulle vertolking van die Simfonie no. 5 in C mineur opus 67 van Beethoven.

Vir inligting oor die toer en om kaartjies te bespreek, gaan na www.minnesotaorchestra.org/satour en www.computicket.com/music.

Musiekbesondhede
Overture uit Die Impressario K486

Kunstenaar: Minnesota orkes olv Osmo Vänskä
Komponis: WA Mozart

Simfonie no. 5 in C mineur opus 67
Kunstenaar: Minnesota orkes olv Osmo Vänskä
Komponis: L van Beethoven
Etiket: BIS
Kommersiële nommer: BIS-SACD-1416

Woensdag 25 Julie 2018
21:10-22:00

Ludwig van Beethoven het net een vioolkonsert gekomponeer, en dit in 1806. Dit hoort in enige violis wat sy sout werd is, se repertoire. Twee beroemde violiste wat kadense vir die konsert gekomponeer het, is Joseph Joachem en Fritz Kreisler.

Musiekbesonderhede
Vioolkonsert in D majeur opus 61
Kunstenaar: David Garrett, Koninklike Filharmoniese-orkes o.l.v. Ion Marin
Komponis: L. van Beethoven
Etiket: DECCA
Kommersiële nommer: STARCD7630

Woensdag 18 Julie 2018
21:10-22:00

Op 22 Junie 2015 sterf die komponis James Horner in ‘n vliegtuigongeluk. Hy het nie net rolprentmusiek gekomponeer nie, maar het ook in opdrag van die Noorweegse duetpaar, Mari en Hakon Samuelsen, ‘n opdragwerk gekomponeer vir die viering van die 175ste seisoen van die Koninklike Liverpool Filharmoniese-orkes.

Musiekbesonderhede
Coming home from the sea uit die rolprent The Perfect Storm
Komponis: J Horner
Etiket: SONY CLASSICAL

Pax de deux: Dubbel viool en tjello konsert
Kunstenaar: Mari & Hakon Samuelsen, Konkinklike Liverpool Filharmoniese orkes o.l.v. Vasily Petrenko
Komponis: J Horner
Etiket: MERCURY
Kommersiële nommer: 481 1487

Woensdag 4 Julie 2018
21:10-22:00

Joseph Wölfl het onder Leopold Mozart en Michael Haydn in Salzburg studeer, voor hy na Wene verhuis, en onderrig by Wolfgang Mozart ontvang het. Hy het ses klavierkonserte gekomponeer, waar Mozart se invloed duidelik gehoor kan word, en ook ‘n magdom strykkwartette, en sewe operas. In 2006 is drie van sy klavierkonserte vir die eerste keer opgeneem.

Musiekbesonderhede
Carolian Overture opus 62
Kunstenaar: London Klassieke spelers olv Roger Norrington
Komponis: L Beethoven
Etiket: EMI
Kommersiële nommer: CDELJ(SWFD)290

Klavierkonsert no. 1 in G majeur opus 20
Kunstenaar: Yorck Kronenberg, SWR Rundfunk orkes olv Johannes Moesus
Komponis: J Wölfl
Etiket: CPO
Kommersiële nommer: LC8492