Programme

TERUG

Musiekbonbons

Vorige Programme

Donderdag 18 Oktober 2018
21:10-22:00

Luister na werke van twee vrouekomponiste, Fanny Mendelssohn en Chatarina van Rennes. Mendelssohn se duet vir twee solovrouestemme met klavierbegeleiding word uitgevoer. Jy kan ook luister na Rennes, wat uit Nederland kom, se kwartet vir vrouestemme.

Dit is verstommend dat 'n hele paar van J.S. Bach se seuns in hullw pa se voetspore gevolg het as komponiste. Hulle bydrae tot die musiekskat van die wêreld word, nes hulle pa s'n, hoog aangeslaan. In die program word ‘n deel uit J.C. Bach se MAGNIFIKAT uitgevoer, en C.P.E. Bach se bydrae is ‘n deel uit 'n fluitsonata.

Daar is ook 'n werk van 'n komponis van wie ons min hoor, Emil Darzins. Hy is van Letland. Die Detroit Simfonieorkes voer 'n wals van hom uit.

Donderdag 11 Oktober 2018
21:10-22:00

Luister na 'n deel uit 'n klarinetkonsert van Antonio Rosetti. Die komponis is Duits-gebore en het toe as Anton Rössler bekendgestaan. Dit was eers toe hy na Italië verhuis het, dat hy sy naam verander het.

Almal ken vir Arthur Sullivan as die komponis van die Gilbert en Sullivan operas. Maar die einste Sullivan het ook instrumentele werke nagelaat soos ’n balletsuite, VICTORIA AND MERRY ENGLAND. Ons luister na ’n dans uit hierdie suite.

Die King Singers is vanjaar 50 jaar oud. Hulle het deur die jare baie bygedra tot a capella sang. In hierdie program sing hulle 'n Duitse volksliedjie.

Donderdag 4 Oktober 2018
21:10-22:00

Luister na ’n werk wat Edward Grieg aanvanklik as ‘n lied vir stem en klavier gekomponeer het, maar later as ‘n aparte en volwaardige klavierwerk afgerond het. Daar is ‘n hele paar van hierdie liedere en hulle is in twee bundels, of versamelings, saamgevat - opus 42 en opus 51. Haydn is bekend vir sy kamermusiekwerke, soos die strykkwartet. Maar hy het n stel trio's nagelaat wat net vir strykinstrumente met 'n lae register bedoel is. Hy het dit die bariton-trio's genoem. Een van die werke sal in die program gehoor kan word. Alhoewel daar maar min werke vir die tromboon as solo-instrument nagelaat is, het komponiste soos Ferdinand David en Georg Wagenseil uitstaande bydraes gelewer om die tromboon geleentheid te bied om sy slag te toon. Die tweede deel uit die Tromboonkonsert van Wagenseil sal ook in die program wees.

Donderdag 27 September 2018
21:10-22:00

Luister na ’n werk vir vier hande van Schubert, maar dit is nie gebruiklike mars of dans wat hy vir ‘n klavierpaar gekomponeer het nie. Dit is ‘n redelik onbekende werk waar hy van tempo-aanduidings gebruik gemaak het om die tweedelige werk te betitel. 'n Hele aantal sangers tree ook op, soos die tenoor, Ian Patridge, met ‘n Skotse lied van Von Weber. Daar is 'n lied van Renaldo Hahn, wat gesing word deur Mady Mesple, en Bo Skovhus lewer sy vertolking van ‘n lied van Clara Schuman, vrou van die bekende Robert Schumann.

Donderdag 20 September 2018
21:10-22:00

Luister na ’n deel uit ‘n simfonie vir strykers van Mendelssohn. Hierdie stel simfonië moenie verwar word met Mendelssohn se simfonië vir volle orkes nie, waarvan die Italiaanse en Skotse simfonië die bekendste is. Die Russiese pianis, Vladimir Ashkenazy, speel ook 'n werk van sy landgenoot, Peter Tsjaikofski. Tsjaikofski is ook, soos talle voorgangers, geïnspireer deur die jaargetye, maar in plaas van net verwys na die vier seisoene, het hy ‘n klavierwerk gekomponeer vir elke maand van die jaar, onder die oorhoofse titel, DIE SEISOENE, Opus 37a.

Donderdag 13 September 2018
21:10-22:00

Luister na 'n aria uit 'n opera van Handel, SERSE, wat gebaseer is op die lewe van die Persiese heerser, Xerxes. ’n Tydgenoot, Pergolesi, het heelwat geestelike werke soos sy SALVE REGINA nagelaat. Jy sal na ‘n deel uit hierdie werk kan luister. Nog ’n komponis uit die Barokera is Antonio Vivaldi. Hy het omtrent vir elke instrument denkbaar concerti gekomponeer. Die Blokfluitkonsert in A mineur is een van die werke wat gehoor kan word.

Donderdag 6 September 2018
21:10-22:00

Luister na werke van die twee Scarlatti’s. Daar is 'n verwerking van sonatas van Dominico Scatlatti vir 'n balletsuite, en Kathleen Battle en Wynton Marsalis voer 'n aria uit van sy pa, Allesandro Scarlatti. Daar is ook twee Williamse in die program – die Amerikaanse komponis Charles Williams het 'n strelende werk vir orkes gekomponeer, wat hy QUIET STROLL noem. En die kitaarspeler, Johan Williams van Australië, tree as solis op in 'n werk van Handel. Min mense is vertroud met Chopin se Krakowiak in F majeur. Die werk is vir orkes en soloklavier. Die titel verwys na 'n soort dans wat sy ontstaan in die Poolse streek van Krokowiak gehad het.

Donderdag 30 Augustus 2018
21:10-22:00

Luister hoe n groep van 12 tenore kragte saamspan om die bekende YOU RAISE ME UP van Grace te sing. Daar is ook uittreksels uit twee klarinetkonserte van verskillende komponiste, en 'n Russiese koor sing n volksliedjie soos net hulle kan.

Donderdag 23 Augustus 2018
21:10-22:00

Luister na 'n werk vir vier hande van Schubert, MARS VIR KINDERS. 'n wals van Chopin wat Saint-Saens verwerk het vir viool en klavier, en 'n deel uit n balletsuite van Gluck.

Donderdag 16 Augustus 2018
21:10-22:00

Luister na trio van J.S. Bach, soos uitgevoer deur tjello, mandolien en kontrabas. Daaris ook 'n klavierfantasie van Mozart, en werke van twee Nederlandse komponiste wie se werk nie so baie gehoor word nie.