Programme

TERUG

RSG Sport

Vorige Programme

Maandag 17 September 2018
17:45-18:00

'n Opsomming van die dag se sportgebeure.

Potgooi
RSG Sport Aanlyn - Episode 2

Dit was weer ‘n propvol sportnaweek. Almal gons steeds oor die Bokke se sege van 36-34 oor die All Blacks, en daar was ‘n groot boksgeveg in Las Vegas. Jody Hendriks bespreek die pad vorentoe vir die Springbokke. Dit is vandeesweek presies ‘n jaar voor die Węreldbeker in Japan begin. Die Bokke speel op 21 September 2019 in hulle eerste wedstryd van die toernooi teen die All Blacks. Jody het twee voormalige Bokspelers gevra wat die Bokke in die volgende jaar moet doen om ‘n faktor by die toernooi te wees. Hy het ook met die voormalige SA Bokskampioen Sebastiaan Rothman gepraat oor Canelo Alvarez en Gennadi Golofkin se geveg. Alvarez het die geveg net-net gewen.

Laai die mp3 af (4 673KB)

Donderdag 13 September 2018
17:45-18:00

'n Opsomming van die dag se sportgebeure.

Potgooi
Ricardo Laubscher oor Bokke

Die Springbokke en All Blacks het 95 keer teen mekaar gespeel, waarvan die Kiwis 57 gewen het, en die Bokke net 35. Drie wedsyde was gelykop. Saterdag sal sal die 96ste keer wees wat die twee spanne mekaar pak. Jody Hendricks het die voormalige Springbok-hulpafrigter, Ricardo Laubscher, se mening oor die wedstryd gevra.

Laai die mp3 af (6 127KB)

Woensdag 12 September 2018
17:45-18:00

'n Opsomming van die dag se sportgebeure.

Potgooi
John-Laffnie de Jager oor Serena

Serena Williams is beboet oor haar gedrag tydens die eindstryd van die Amerikaanse Ope, toe sy teen Naomi Osaka verloor het. Sy moet sowat R259,000 opdok vir gedragskodeoortredings waarvoor sy tydens die wedstryd gewaarsku is. Sy is onder andere gewaarsku en met 'n punt gestraf toe sy haar raket stukkend gegooi het. Sy het heftig gereageer en die baanskeidsregter as 'n dief en leuenaar uitgekryt, omdat hy haar met 'n punt gestraf het. Sy is toe met 'n pot gestraf. Williams het ook beswaar gemaak omdat manstennispelers wat hulle humeur op die baan verloor, meestal nie gestraf word nie. Jody Hendricks het die tennisafrigter John-Laffnie de Jager se mening oor die Williams voorval gevra.

Laai die mp3 af (3 562KB)

Maandag 10 September 2018
17:45-18:00

'n Opsomming van die dag se sportgebeure.

Potgooi
RSG Sport Aanlyn - Episode 1

In die eerste episode van RSG SPORT AANLYN kyk Jody Hendricks an die afgelope naweek se hoofsportgebeure: die oorsake van die Bokke se nederlaag teen Australië; Bafana se gelykopuitslag teen Libië; en die Amerikaanse Tennis Ope wat in New York tot 'n einde gekom het.

Laai die mp3 af (5 939KB)

Donderdag 6 September 2018
17:45-18:00

'n Opsomming van die dag se sportgebeure.

Potgooi
Pedrie Stofberg

Die Springbokafrigter, Rassie Erasmus, het ses veranderinge aan sy span aangebring wat die naweek in Brisbane teen Australië speel. Die veelsydige agterspeler, Cheslin Kolbe, is op die plaasvervangersbank gekies, en het Springbok nommer 911 geword om die groen en goud oor sy kop te trek. Jody Hendricks het met Kolbe se skoolafrigter Pedrie Stoffberg gepraat.

Laai die mp3 af (5 263KB)

Saterdag 4 Augustus 2018
15:00-18:00

'n Opsomming van die dag se sportgebeure.

Potgooi
Kotie Grové sterf

Die veteraan-krieketkommentator, Kotie Grové, is Vrydag 3 Augustus 2018 in die ouderom van 71-jaar oorlede. Sy eerste betrokkenheid by krieketverslaggewing was in 1976 toe hy by die SAUK se kommentaarspan aangesluit het. Die volgende jaar het hy sy eerste kommentaar gelewer in 'n wedstryd tussen die Oostelike Provinsie en Natal by St. George's Park in Port Elizabeth. Jody Hendricks het met van sy oudkollegas gepraat.

Laai die mp3 af (12 487KB)

Woensdag 1 Augustus 2018
17:45-18:00

'n Opsomming van die dag se sportgebeure.

Potgooi
Afrika Atletiek-kampioenskap

Die Afrika Atletiek-kampioenskap in Nigerië was veronderstel om vandag te begin, maar dit is tydelik uitgestel omdat van die atlete nog op die lughawe in Lagos gestrand is. Atletiek Suid-Afrika het ‘n span van 79 atlete na die byeenkoms gestuur. Die voormalige atleet, Geraldine Pillay, het met Jody Hendricks oor die byeenkoms gepraat.

Laai die mp3 af (3 303KB)

Woensdag 25 Julie 2018
17:45-18:00

'n Opsomming van die dag se sportgebeure.

Potgooi
Rikenette Steenkamp

Rikenette Steenkamp het by die Atletiek Węreldbeker in London 'n gouemedalje in die 100 m-hekkies vir vroue gewen, en is nou besig met voorbereiding vir die Afrikaspele. Sy het met Jody Hendricks gepraat.

Laai die mp3 af (4 711KB)

Dinsdag 24 Julie 2018
17:45-18:00

'n Opsomming van die dag se sportgebeure.

Potgooi
Kgothatso Montjane

Die Suid-Afrikaanse rolstoel-tennisster, Kgothatso Montjane, het vir volgende maand se Amerikaanse Ope gekwalifiseer, maar weet nie hoe sy na Flushing Meadows in New York sal gaan nie. Rolstoel Tennis Suid-Afrika se beamptes is besig om geld vir haar reis en afrigter in te samel, omdat hulle 18 maande gelede die ondersteuning van die Lughwawens Maatskappy van SA verloor het. Kgothatso het ook onlangs by Wimbledon na die halfeindronde deurgedring. Jody Hendricks het met haar gepraat.

Laai die mp3 af (4 194KB)

Handré Pollard oor die Bulls die Bokke

Handré Pollard, die loskakel van die Bulls en die Springbokke, praat oor die Bulls en die Bokke se vertoning in 2018.

Laai die mp3 af (4 593KB)

Saterdag 21 Julie 2018
17:00-18:00

'n Opsomming van die dag se sportgebeure.

Potgooi
Sewes-węreldbekertoernooi

Die Blitsbokke en die vroue sewesspan sal die naweek in San Francisco in Amerika vir die eerste keer op 'n bofbalveld in aksie wees. Die Sewes-węreldbekertoernooi vind van Vrydag tot Sondag in die AT&T-park in die stad plaas - die tuisveld van die ikoniese bofbalspan, die San Francisco Giants. Jody Hendricks het met Neil Powell, Phillip Snyman en Nadine Roos oor die toernooi gepraat.

Laai die mp3 af (4 607KB)