RSG

• 16:00-17:00

  Vrydag 6 April 2012

  Luister na die Stabat Mater gekomponeer deur Karl Jenkins. Die teks is in Afrikaans verwerk deur prof. Cas Vos en word voorgelees deur Paul Luckhoff. Die Passie is in 2008 gekomponeer en Jenkins het nie net die oorspronklike 13de eeuse gedig gebruik nie, maar ook ses ander tekste wat die kruisiging van Jesus, en sy Moeder Maria se pyn en smart beskryf.

• 15:00-16:00

  Vrydag 6 April 2012

  Die Verenigende Gereformeerde Kerk op Beaufort-wes vier vanjaar sy 150ste bestaansjaar. Wynand Dreyer kyk saam die gemeente terug.

• 14:00-15:00

  Vrydag 6 April 2012

  Dawid van Lill het hierdie program in 1995 saamgestel oor die viering van Paasfees deur verskilllende gemeenskappe. Hy het gepraat met iemand wat goed bekend is met die Russiese Ortodokse Kerk, asook 'n besoeker aan die Passiespel in Duitsland. Ander bydraes oor die viering van die belangrike fees op die Christenkalender is oor die Griekse Ortodokse Kerk en die Amerikaanse Ortodokse Kerk.

• 13:00-14:00

  Vrydag 6 April 2012

  Antonio Vivaldi het vir 'n groot deel van sy lewe by die skool vir weesmeisiekinders gewerk. Daar het hy heelwat geestelike musiek gekompopneer wat deur die opvoedkundige instelling die eerste keer uitgevoer is. Een van die werke is Vivaldi se GLORIA, RV 589. Dit is een van die komponis se bekendste werke en word vandag nog deur talle professionele en amateurkore opgevoer. Die volledige werk word gespeel asook uittreksels uit Vivaldi se GLORIA RV 588, 'n werk wat baie oreenstem met sy RV 589 wat betref struktuur en temas.

• 12:00-13:00

  Vrydag 6 April 2012

  'n Program oor Judas die verraaier, Petrus wat Jesus verloën, sy ma wat treur en die mense wat die graf oppas.