RSG

Gay huwelike het onlangs in die Amerikaanse presidentsverkiesingveldtog ter sprake gekom toe president Barack Obama hom ten gunste daarvan uitgespreek het. 'n Gay-luisteraar vra hoekom dit so 'n groot kwessie is as dit niemand anders raak behalwe die twee persone wat wil trou nie?

VLOEK VAN DIE ROOIGETY deur Anton Treurnich
Episode 39: Dis die dag van die partytjie by die hotel en Rose is orals.

Ivor Price praat met deelnemers aan die Kaapse Dink of Sink-debatkompetisie oor die toekoms van Afrikaans.

DIE VER VIOLE deur Engela van Rooyen-Linde
’n Weerlose weduwee word bedreig deur ’n gewetenlose uitbuiter. Sy en al haar besittings is uitgelewer aan hom tot daar ’n held in die gestalte van ’n handige tronkvoël aan haar voordeur kom klop.

Luister na 'n aria uit een van Vivaldi se operas, 'n lied van Grieg gespeel deur 'n trompet met orrelbegeleiding, en 'n prelude van Chopin.

Dis algemeen bekend dat die aanleer van ‘n nuwe taal nuwe breinpaadjies vorm en baie voordelig vir jou is. Ontmoet ‘n Hongaarse Hoogleraar wat baie goed Afrikaans praat nadat hy dit met behulp van ‘n selfhelpboek aangeleer het.

Stiltes kan oorverdowend wees. In 'n regstreeske uitsending van die Carel du Toit Sentrum vir Gehoorgestremdes af in Kaapstad ondersoek Lynette Francis persone met gehoorverlies se kreet om erkenning en aanvaarding.

Mense sê maklik ja om jou te help met iets as dit eers volgende week of volgende maand moet gebeur. Maar dan trek hulle in groot getalle kop uit op kort kennisgewing met allerhande wit leuens en flou verskonings, tot groot ongerief van die persoon wat in die steek gelaat word. Is 'n hoflike nee nie beter as 'n onbedoelde ja nie?

VLOEK VAN DIE ROOIGETY deur Anton Treurnich
Episode 40: Seekat voel hy word in ‘n hoek gedryf en besluit om Adam stil te maak.

Christine Wessels vind uit hoe jy improvisasie kan gebruik om jou selfvertroue te verbeter.

Cheetahs teen Sharks in Bloemfontein.

Eerste helfte: Stormers teen Waratahs op Nuweland in Kaapstad.

Tweede helfte: Stormers teen Waratahs op Nuweland in Kaapstad.

Fanie du Toit kyk na die tweejaarlikse kongres van die Nasionale Raad vir Persone met Liggaamlike Gestremdheid in Suid-Afrika wat in Port Elizabeth plaasgevind het.

Anthea Adams praat met Alan Jonker wat betrokke is by die Principals Management Development Programme in Kwazulu-Natal wat skoolhoofde se bestuursvaardighede ontwikkel.

Ivor Price praat met Hermien Gibson, die bestuurder by die Saartjie Baartman- sentrum op die Kaapse Vlakte. Die sentrum moet dalk sy deure weens geldnood sluit, al word meer as 4 000 vroue jaarliks hier gehelp.

Ivor Price praat met Henry van Deventer, die hoof van sakeontwikkeling by Acsis in Johannesburg. Hy het finansiële raad vir paartjies wat oorweeg om te trou.

Johann Symington gesels oor geloof in ’n tegnologiese omgewing wat aanhoudend verander. Hoe moet gelowiges byhou met al die verandering en wat moet kerke doen om hierdie verandering te gebruik om die evangelie te verkondig?

Waldemar neem Pauline en Jan-Lourens gevange en weier om hulle te laat gaan. Hulle beraam allerhande soorte planne om vry te kom. Bankies en Loekie kry snuf in die neus dat iets verkeerd is.

Ignaz Mocheles is ’n Joodse komponis wat ‘n vriend en onderwyser van Felix Mendelssohn was. Luister na die Klavierkonsert no. 6 in B-mol majeur opus 90 van Mocheles en na uitreksels uit Felix Mendelssohn se Somersnagdroom, geïnspireer deur Shakespeare.

Luister na 'n sonatina van Beethoven soos gespeel deur 'n panfluit met kitaarbegeleiding, 'n aria uit Gounod se FAUST en 'n seunskoor wat 'n Mozartwerk uitvoer.

Fanie du Toit kyk na die toeganklikheid van die Moreleta-kloof Natuurreservaat in Pretoria.

Johann Symington gesels met Suid-Afrikansers in die buiteland en hoe dit hulle geloofspad verander.

Net so vinnig as wat Wallies opgedaag het, so vinnig verdwyn hy. Die Ratels-span besef hy het iets om weg te steek en hulle besluit om ondersoek in te stel.

Fanie du Toit gesels met Johan Viljoen, voormalige nasionale direkteur van die Nasionale Raad vir Persone met ‘n Liggaamlike Gestremdheid in Suid-Afrika. Sy opvolger, Therina Wentzel, vertel ook van die uitdagings wat op haar skouers rus.

Dit wil lyk of Pauline en Bankies meer van die blonde Wallies hou as wat hulle moet. Hy is sjarmant en geheimsinnig.

HEDDA GABLER deur Henrik Ibsen
Die drama gaan oor die voormalige aristokratiese Hedda se onvermoë om aan te pas by die kleinburgerlike lewe waarin sy beland wanneer sy met George Tessman, in ‘n groot mate haar mindere, trou.

Dr. Chris Nel van die Unversiteit van die Vrystaat bespreek die oorsake, simptome en behandeling van artritis.

Vincent besluit om ʼn groot gig te reël en die hele Hoedspruit en Laeveld word genooi. Scrapjaart kry snuf in die neus en besluit om die gig skade te berokken.

Loekie neem Bankies in ʼn lugballon op om haar van sy liefde te verseker, maar Jan-Lourens se ontbyt met Pauline werk nie so goed uit nie,