RSG

Eerste helfte: Sharks teen Bulls in Durban.

Tweede helfte: Sharks teen Bulls in Durban.

Luister na werke uit twee verskillende Verdi-operas, Rigoletto en I Lombardi, en bietjie nostalgie met Charles Kullman en Agent 007! Daar's ook iets uit die musiekspel South Pacific en Waldo de los Rios sluit die program af met 'n interessante verwerking van een van Beethoven se gewildste werke.

‘n Joernaalprogram wat fokus op nuusgebeure uit die Christelike wêreld.

Is terugsny en voorsny die korrekte woorde vir die Engelse back slash en forward slash? En wat is die herkoms van karkatjie of karkaaitjie?

Kan die kole van wingerdstokke wat met onkruid- en insekdoder behandel is, skadelik wees as ‘n mens daarmee vleis braai? Hoe akkuraat is die meting van afstande in die ruimte met behulp van teleskope? En hoekom word daar gesê die Wes-Kaap het ‘n Meditereense klimaat as dit so ver van die Middelandse see geleë is?

Luister na musiek uit Rossini en Gluck se operas, Die Barbier van Seville en Orfeus en Euridice. Verder spog Saint- Saens met ‘n indrukwekkende klavierkonsert en Beethoven wys hoe hy vir die viool kon skryf. Daar is ook ‘n prag koorwerk deur Karl Jenkins.

Salome en Hendrik Jones van Witbank werk passievol om werklose mense van kos en ‘n veilige tuiste te voorsien.

Wat is die rol van ‘n oudioloog in die lewe van mense met gehoorverlies? Fanie du Toit gesels met Mariaan Botha oor die grootste wanopvattings rakende gehoorverlies en gehoortoetse.

Spelterapie het talle voordele soos dat dit leerders help om toekomstige moeilike situasies te hanteer. Anthea Adams praat hieroro met ‘n kliniese sielkundige, Michelle Nel.

Die koue en nat winterseisoen lê net om die draai. Soveel organisasies staan reg om hulpbehoewendes en hawelose by te staan tydens hierdie tyd van die jaar, maar wie hou ‘n ogie oor die werk wat hierdie organisasies doen? By wie kan jy om hulp aanklop as jy uitgebuit word deur een van hierdie hulporganisasies en nie-regeringsorganisasies? Martin loer in by die ACVV, die Haven Nagskuiling en die Homestead Skuiling vir Straatkinders.

Derdepartyversekering is nie verpligtend nie, maar as jy slim is, sorg jy dat jy dit het! Wat gaan dit jou kos as jy met jou karretjie in ʼn deftige Duitse voertuig vasry? Derdepartyversekering beskerm jou teen die koste van die skade wat jy straks aan ʼn ander voertuig aanrig.

Jacqui January vind meer uit oor die perfekte ekologie in grotte.

Na aanleiding van die Boston-bomaanval gesels Johan van Lill met dr. Chris Jones en Sjeg Thaffier Najjar oor terrorisme en die rol wat geloof daarin speel.

Het jy geweet dat vanweë die rotasiesnelheid van die aarde om sy eie as, jy teen sowat 1 600 km/h deur die ruimte beweeg?

Weet jy wat die verskil tussen kougom en borrelgom is? Die Ommie tafel-span vertel jou van die eerste borrelgom-resep, Blibber-Blubber, wat in 1906 geformuleer is. Martelize Brink vat die trein Wellington toe. Ontmoet die Little Fighters Kankertrust. En hoe lyk die moderne gentleman?

REGSAKE: Igna Klynsmith gesels oor die nuwe vereistes vir belastingadviseurs wat op 1 Junie in werking tree asook die berekening van kapitaalwinsbelasting wanneer eiendom verkoop word. Hy antwoord ook 'n navraag oor die afdanking van 'n huishulp wat van diefstal verdink word.

Daar is aanduidings dat gevalle van bipolêre depressie aan die toeneem is. Wat is die oorsake en simptome en is daar enige moets en moenies wat ons in gedagte moet hou as ons 'n vriend of familielid, wat 'n lyer is, wil ondersteun?

SEESPINNEKOP deur André Kotzé
Episode 9: Wynand raak agterdogtig oor Johan se Sjinese vriende en sersant Fortuin is teleurgesteld in Johan se samewerking. Fortuin impliseer dat Johan besig is met spioenasie en dat hy betrokke is by smokkelhandel en perlemoenstropery.

RATELS, DIE ROMAN het pas verskyn, maar die ouens van Ratels is glad nie opgetrek met die inhoud nie en Velskoen word gedaag om te verduidelik. Dan besluit Pauline-hulle om hom te straf...

SEESPINNEKOP deur André Kotzé
Episode 10: Johan is woedend oor sersant Fortuin se insinuasies en besluit om self tot die ondersoek na stropery toe te tree. Hy maak vriende met Bobby en begin voorbereidings tref om die stropers vas te trek.

Graig-Lee Smith kyk na voorbereiding vir die Junie-eksamen en hoe leerders beter kan presteer. Hy het ook ʼn paar wenke oor hoe om ʼn studierooster op te stel. ʼn Dieetkundige vertel ook wat jong mense moet eet tydens die eksamen.

Joanie Combrinck lees 'n allegaartjie van gedigte.

Susan Beyers lees Dot Serfontein se kortvehaal HOENDERKRAAI.

GESONDHEID: Hoeveel melk moet mens drink? Het jy dit regtig nodig? Mari Hudson kyk na die rol van suiwelprodukte in jou gesondheid. Sy gesels oor suiwel as spierbouer na oefening en as beenbouer teen osteoporose, kyk na volroom teenoor vetvry en na laktose intoleransie. Sy vind ook uit dat ‘n klein plonkie room nie verbode is nie.

Hulle sê 'n gesonde liggaam huisves 'n gesonde gees, maar as 'n mens gereeld met gestremde mense in aanraking kom, begin jy dink dit behoort eintlik andersom te wees. Hoekom is gestremde mense gereeld opgeruimd en positief, terwyl mense sonder enige gestremdheid weer makliker kla en op die oog af meer dikwels swaarmoedig is? Lê die verskil dalk in groter waardering van lewe?

SEESPINNEKOP deur André Kotzé
Episode 11: Die stropers verander hulle vaarpatroon en die twee jongmense doen nagtelike waarneming om uit te vind waarheen die perlemoen verdwyn. Johan gaan Kaap toe en bring spioenasie-toerusting terug.

Mozart vandag
In hierdie program hoor ons hoe ander kunstenaars en komponiste vandag steeds deur Mozart geïnspireer word. Vir een of twee nommers in hierdie program sou Mozart dalk in sy graf omdraai, veral as hy sou hoor hoe die sopraan Florence Foster Jenkins sy bekende Koningin van die Nag-aria sing!

Baie min mense weet dat Beethoven ’n Klavierkonsert no. 0 Wo04 gekomponeer het en dit op 14 jarige ouderdom in 1784! Opnames van die klavierkonsert is baie skaars en die eerste uitvoering daarvan was in 1943.

Na verlede week se Loslip waarin 'n luisteraar gesê het mense met 'n kwaai Afrikaanse aksent word moeiliker in maatskappye met 'n Engelse kultuur bevorder, het ek nogal heelwat haatpos en beledigings ontvang van mense wat hulleself Afrikaners noem. Die sentrale tema is: Jy is 'n Afrikaner hater omdat jy ALTYD die Afrikaner probeer verneder. Kom ons steek hand in eie boesem en vra hoekom Afrikaners so emosioneel raak om sulke wilde aannames te maak en die boodskapper aan te val as hulle nie van die vraag of boodskap hou nie? Dit kan tog nie wees dat die Afrikaner aan gebrekkige perspektief ly wat hom so kleinserig maak nie?

SEESPINNEKOP deur André Kotzé
Episode 12: Wynand swem in die donker na die Tarantula buite die hawe, terwyl die span ‘n duin bestyg om met nagsigtoerusting te kyk of die perlemoen snags aan land gebring word.

TOT SIENS DENISE deur Mari Snyman
Colin val sy lewe lank rond en drink om sy ellende te probeer verwerk. Hy is weer eens in ‘n tronksel vir die nag om sy roes af te slaap. Hy is alleen. Sielsalleen. Maar dan hoor hy ‘n bekende stem wat sê, “Ek is hier. Jy ken my. Dis Denise”. Hy besef hy is nie alleen nie. Of is hy? Colin word noodgedwonge gekonfronteer met sy kinderjare wat allesbehalwe rooskleurig was en leer uiteindelik om eerlik te wees met homself en om hom te aanvaar nes hy is. Maar eers moet hy aanvaar wie en wat Denise is - of was.

'n Luisteraar beweer dat 'n mens nie in die gimnasium met oefenapparate dieselfde sterk spiere kan bou as wanneer jy daagliks harde fisieke werk verrig nie. Hy sê die harde manne word deur die lewe gebrei en die “pretty boys kry afshow spiere in die gym." Steek daar enige waarheid in?

SEESPINNEKOP deur André Kotzé
Episode 13: Die spioenasiespan sien ongelooflike tonele voor hulle afspeel in die donker op Langezandt se strand. Christien rapporteer dit aan die polisie en stel optrede voor om die stropers vas te trek.

Stormers teen Kings in Kaapstad.

Eerste helfte: Cheetahs teen Bulls in Bloemfontein.

Tweede helfte: Cheetahs teen Bulls in Bloemfontein.

Watter invloed het die ontoeganklikheid van die gemeenskap op mense met ’n gestremdheid? Fanie du Toit toets die menings van ‘n aantal mense oor hoe hulle daardeur geraak word.

SEESPINNEKOP deur André Kotzé
Episode 14: Die operasie teen die stropers neem ‘n onverwagse wending. Die vraag wat skielik van die perlemoen geword het, en ‘n verdere versoek van Sumi, hou Johan aan die raai.

Die arme Velskoen word uit Ratels geskop en moet op die gevaarlike strate van Braamfontein oorleef. Wanneer Wallies dit hoor, word ‘n soekgeselskap uitgestuur, maar Velskoen is weg...

SEESPINNEKOP deur André Kotzé
Episode 15: Die span volg die stropers te voet en per motor tot binne in die nasionale park. Hulle besluit om die stropers seer te maak en dan te kyk wat die reaksie is.

SEESPINNEKOP deur André Kotzé
Episode 16: Wynand swem weer die see in om te kyk wat onder die water aangaan by die Tarantula se omdraaipunt, maar die stropers daag onverwags op.

Sir Edward Elgar is 185 jaar gelede gelede gebore. Hy het nooit formele musiekonderrig ontvang nie en kon eers ná sy huwelik met die welgestelde Caroline Anne Roberts hom toespits op sy komposisies. Luister na die eerste werk wat hy ná sy verlowing aan Caroline Roberts geskryf het as geskenk aan haar en ook na die laaste werk voor sy in 1920 gesterf het.

SEESPINNEKOP deur André Kotzé
Episode 17: Johan en Christien soek in die nasionale park na die stropers se voertuie en maak ‘n merkwaardige vonds. Sumi vertel vir Johan van sy planne vir ‘n renosterplaas.

BY VERLIES AAN WOORDE deur Fanie Viljoen
Xander is ’n skrywer op soek na rus en stilte op die platteland, maar sy nuwe buurvrou laat hom nie een oomblik met rus nie. Mia se dominerende aard herinner hom gevaarlik baie aan sy gewese vrou en die houvas wat sy op hom gehad het. Hy probeer juis herstel van die traumatiese egskeiding.

SEESPINNEKOP deur André Kotzé
Episode 18: Die span bekom fotografiese bewyse van die stropers se aktiwiteite, maar Johan soek die belhamels van die sindikaat.

Wat is demensie? Wat beteken die atrofie van die menslike brein? Wat is die impak van demensie op die mens, sy geliefdes en die omgewing?

SEESPINNEKOP deur André Kotzé
Episode 19: Johan vra vir Ina om haar vroulike vernuf in te span om op Bobby te spioeneer. Christien begin meer bekendes verdink en stel ‘n lokval vir hulle.

Bazil gaan rehabilitasiesentrum toe. Kan dit wees dat Lavinia en Wallies mekaar uiteindelik begin raaksien? Die ouens van Ratels besluit om die twee se verhouding ‘n bietjie aan te help.

SEESPINNEKOP deur André Kotzé
Episode 20: Johan wil die spioenasie voortsit om die belhamels te identifiseer en Wynand kry ‘n sagte, maar besliste hou op die neus toe hy romanties wil raak.