Nuus

SOEK

Datums
calendar calendar

15 Augustus 2018

RSG saai elke dag tot soveel as 18 nuusbulletins uit. Klik op die betrokke uur hieronder om daardie spesifieke bulletin te lees.
  • Die hoof van die Valke, Godfrey Lebeya, sê verdagtes in die Steinhoff-korrupsiesaak is nog nie formeel geïdentifiseer nie. Die Valke en die polisie se bestuurspan doen voorleggings aan die Parlement se polisiekomitee oor verskeie hoëvlak-sake. Steinhoff se bestuur word ondersoek vir bedrog en korrupsie omdat hulle na bewering finansiële state vervals het. Lebeya sê daar word nog gewag op 'n verslag van 'n ouditeursfirma wat hulle help met die ondersoek.

  • Die Minister van Polisie, Bheki Cele, het intussen tydens die voorlegging aan die polisiekomitee gesê hy is in gesprek met die Tesourie vir 'n groter begroting sodat meer polisiebeamptes aangestel kan word. Parlementslede het Cele gevra om maatreëls in werking te stel om polisiestasies veiliger te maak, na verskeie voorvalle waar beamptes aangeval en vuurwapens gesteel is. Cele sê selfs die beste tegnologie is nie voldoende indien daar nie genoeg polisiebeamptes is om stasies te beveilig nie.

  • Nog vier verdagtes is in hegtenis geneem in verband met die moord op 'n raadslid van Knysna in die Wes-Kaap, Victor Molosi. 'n Polisiewoordvoerder, Malcolm Pojie, sê een van die verdagtes is ook tans 'n raadslid in die dorp. Hy sê die verdagtes sal aangekla word van moord en sameswering om moord te pleeg en sal môre in die plaaslike landdroshof verskyn. Die borgtogaansoek van die eerste verdagte, die 39-jarige Mandla Tyololo word vandag aangehoor.

  • Nog vier verdagtes is in hegtenis geneem in verband met die moord op 'n raadslid van Knysna in die Wes-Kaap, Victor Molosi. 'n Polisiewoordvoerder, Malcolm Pojie, sê een van die verdagtes is ook tans 'n raadslid in die dorp. Hy sê die verdagtes sal aangekla word van moord en sameswering om moord te pleeg en sal môre in die plaaslike landdroshof verskyn. Die borgtogaansoek van die eerste verdagte, die 39-jarige Mandla Tyololo word vandag aangehoor.