Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • HARTEBREKER deur Leon van Nierop - Episode 382
    HARTEBREKER deur Leon van Nierop - Episode 382
    Donderdag 19 Januarie 2017

    Die biblioteek was nog nooit so gewild nie, en Kat se Snor moet die skuld kry. Dan beledig Kardoesie Colette se skilderye...

  • DIE VERDWYNING VAN MINA AFRIKA deur Zuretha Roos - Episode 36
    DIE VERDWYNING VAN MINA AFRIKA deur Zuretha Roos - Episode 36
    Donderdag 19 Januarie 2017

    Dylan het ’n diep gesprek met Sêra oor die meisie van sy drome, Julie Columbus (alias Mina Afrika). Julie weet nie wat Dylan in haar sien nie, veral nie met haar swanger lyf nie. ’n Swartbord om die kafee se etes op te adverteer verdwyn, maar Dylan en sy bende sorg gou vir ’n ander een en verwilder alle voornemende diewe en vandale. Hulle word die kafee se nie-amptelike beskermers.

  • CALITZDORP SE MENSE deur Haidee Muller
    CALITZDORP SE MENSE deur Haidee Muller
    Donderdag 19 Januarie 2017

    Haide ry altyd deur Calitzdorp om by haar tuisdorp, Oudtshoorn, uit te kom. Sy het altyd gewonder oor die mense hier - wat hulle doen en wie hulle is? Sy maak toe ‘n draai op die dorpie, wat onder inwoners as die Port-hoofstad bekendstaan. Ander verwys ook na die dorp as Kallieklip. Haidee het ‘n hele paar mense se stories gehoor, en vertel vir ons meer van plaasboer Klokkie, die taxi-man met die rastalokke, Neale Coetzee, en 'n hele spul ander kleurryke mense wat op hierdie klein Karoordorpie woon.

  • Vroegoggendgedagte 19 Januarie 2017
    Vroegoggendgedagte 19 Januarie 2017
    Donderdag 19 Januarie 2017

    Dr. Willem Pretorius van die NG Familiekerk Kameeldrif, Pretoria.

  • Kopkrap 19 Januarie 2017
    Kopkrap 19 Januarie 2017
    Donderdag 19 Januarie 2017

    Arehan Brand kyk na die omstrede kwessie van die ontgroening van Graad 8’s. Hy gesels hieroor met dr. Kevin Teise, ‘n dosent by die Universiteit van die Vrystaat se Fakulteit Opvoedkunde. En Clement Trussell hoor by die Hoërskool Jan van Riebeeck hoe hulle dinge doen.

  • JANUARIEDROOGTE deur BERNARD FIELIES
    JANUARIEDROOGTE deur BERNARD FIELIES
    Donderdag 19 Januarie 2017

    Sue Pyler lees luisteraar Bernard Fielies se gedig JANUARIEDROOGTE.

  • Nuwe plan om aasvoëls te beskerm
    Nuwe plan om aasvoëls te beskerm
    Donderdag 19 Januarie 2017

    'n Nuwe internasionale aksieplan om aasvoëls te beskerm, sal in Oktober by die 12de Konferensie van Partye aangekondig word. Anita Visser praat hieroor met die oorhoofse koördineerder vir Afrika, Europa en Asië, André Botha.

  • Praat saam 19 Januarie 2017
    Praat saam 19 Januarie 2017
    Donderdag 19 Januarie 2017

    Hoeveel sosialemedia-verbruikers is werklik vertroud met hierdie medium se ongeskrewe etiketreëls wanneer jy kommentar lewer, vriende versoek of volg?

  • THANDI KLAASEN 1931 - 2017 deur Johan Rademan
    THANDI KLAASEN 1931 - 2017 deur Johan Rademan
    Donderdag 19 Januarie 2017

    Johan Rademan was in 2006 bevoorreg om ‘n spesiale aand tydens die Kanasiefees in Canmore, Kanada, in die geselskap van Thandi Klaasen en haar dogter Lorrainne deur te bring. Sy het juis die “The Woman of Distinction Award” sewe jaar tevore in Kananda ontvang vir 50 jaar se werk in die bedryf. Haar dogter Lorrainne het uit Montreal, waar sy meer as 35 jaar lank al bly, kom kuier. Lorrainne is self ‘n gerekende sanger in Kanada en het in 2014 as liedjieskrywer-sanger die 2014 Montreal SOCAN-toekenning in die kategorie wêreldmusiek verower. Karen Zoid, Randall Wicomb en Thys die Bosveldklong was ook by die huispartytjie waar hulle van Kanadese yswyn tot Suid-Afrikaanse Pinotage geniet het. Hoe later hoe kwater. Langarm en sokkie met Lorraine en Thandi… en toe die mikrofoon en ‘n meesleurende verhaal van geloof en ongeloof wat vertel word deur Thandi en Lorrainne ten aanhore van Suid-Afrikaners wat in die simbole van biltong en braaivleis saamgeluister het. Verbeel jou jy’s daar tussen die sederhoutbome in 'n gesofistikeerde houthuis in Canmore aan die voet van die Rockies net buite die vakansiedorp, Banff, met die Bowrivier wat diepblou deur die voormalige steenkoolmyndorpie vloei. Die De Wets, sielkundige en mediese-dokter-egpaar, het sag gestoomde salm op die spyskaart, en die lieflike soet tongval van Suid-Afrika is by hulle en nou ook by jou...

  • Groeipyne 19 Januarie 2017
    Groeipyne 19 Januarie 2017
    Donderdag 19 Januarie 2017

    Johan van Lill gesels met pastorale berader dr. Deon Bruwer oor die impak wat psigiatriese probleme by een of albei ouers kan hê op die kinders en die gesin, en hoe om dit te hanteer.