Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • 80 JAAR SE SPORT OP AFRIKAANSE RADIO - DEEL 3 deur Johann Russouw
    80 JAAR SE SPORT OP AFRIKAANSE RADIO - DEEL 3 deur Johann Russouw
    Donderdag 21 September 2017

    1975 – 1989: Onder die Suid-Afrikaanse sporthoogtepunte wat deur die Afrikaanse Radiodiens van die SAUK uitgesaai en in die program ingesluit is, is die Springbokke van Wynand Claassen se rugbytoer na Nieu-Seeland in 1980, die heel eerste Miljoen-Dollar Gholftoernooi op Sun City in 1981, die rebelle toere van die Engelse-, Wes-Indiese en Australiese krieketspanne na Suid-Afrika tussen 1983 en 1986, Gerrie Coetsee se węreldtitel boksgeveg in 1983, Brian Mitchell se węreldtitel boksgeveg in 1986 en die reeks van die Internasionale Rugbyraad se Węreld 15-tal teen Jannie Breedt se Springbokke in 1989. Daar word ook hulde gebring aan sportkommentators soos Gerhard Viviers, Johannes van der Walt, Retief Uys, Christo Olivier, André Coetzee en Chris van Onselen.

  • 80 JAAR SE SPORT OP AFRIKAANSE RADIO - DEEL 2 deur Johann Russouw
    80 JAAR SE SPORT OP AFRIKAANSE RADIO - DEEL 2 deur Johann Russouw
    Donderdag 14 September 2017

    1962 – 1974: Onder die Suid-Afrikaanse sporthoogtepunte wat deur die Afrikaanse Radiodiens van die SAUK uitgesaai en in die program ingesluit is, is die Springbokke se dramatiese kriekettoetsreeks van 1964 in Australië, die eerste droommyl wat in Suid-Afrika gehardloop is, Karen Muir se węreldswemrekord in 1967, Paul Nash se atletiekwęreldrekord in die 100-meter, en die Springbokke se rugby-toetsreeks teen Brian Lochore se All Blacks in 1970. Daar word ook hulde gebring aan sportkommentators soos Johan de Bruyn, AW Labuschagne, Pierre Marais, Edwill van Aarde, Hendrik du Bruyn, Jan Snyman en Gerhard Viviers.

  • 80 JAAR SE SPORT OP AFRIKAANSE RADIO - DEEL 1 deur Johann Russouw
    80 JAAR SE SPORT OP AFRIKAANSE RADIO - DEEL 1 deur Johann Russouw
    Donderdag 7 September 2017

    1937 – 1961: Luister na die heel eerste regstreekse sportkommentaar wat deur die destydse Kanaal 2 van die SAUK uitgesaai is. Onder die Suid-Afrikaanse sporthoogtepunte wat in die program ingesluit is, is die Olimpiese Spele van 1948, die All Blacks se rugbytoer na Suid-Afrika in 1949, die Engelse krieketspan se reeks teen Clive van Ryneveld se Springbokke in 1958 en Sandra Reynolds se wedstryd teen Maria Bueno in die eindstryd van die Wimbledon-tenniskampioenskap van 1960. Daar word ook hulde gebring aan die baanbrekers van Afrikaanse sportkommentaar soos Jannie Fourie, Dana Niehaus, Paul Bothma, Steve de Villiers, Johan de Bruyn, Nic Naude en AW Labuschagne.

  • WAAR KOM EK VANDAAN? deur Chris Swanepoel
    WAAR KOM EK VANDAAN? deur Chris Swanepoel
    Donderdag 31 Augustus 2017

    Gedurende die twintigste eeu het die belangstelling in familiegeskiedenis met rasse skrede toegeneem. Vandag is dit een van die gewildste tydverdrywe in die westerse węreld. Een van die redes hiervoor is waarskynlik omdat daar al hoe meer klem geplaas word op die individu se plek, betekenis en regte in die samelewing. Sedert die Tweede Węreldoorlog het die gewildheid van genealogiese navorsing elke tien jaar ongeveer verdubbel.

  • RASTA - AGTER DIE ROOKSKERM deur Johan Rademan
    RASTA - AGTER DIE ROOKSKERM deur Johan Rademan
    Donderdag 24 Augustus 2017

    Judah Square is die grootste Rastafari-gemeenskap in Suid- Afrika. Johan Rademan het die nedersetting met 27 gesinne in Khayalethu buite Knysna besoek, waar hy die waardes, lewensbeskouing, simboliek en menswees van die Rastafari ondersoek het. Nadat die munisipaliteit in 1993 grond aan die gemeenskap toegeken het, het dit ‘n produktiewe en in ‘n groot mate selfvoorsienende gemeenskap geword. Skool, kerk, behuising, m.a.w. al die normale behoeftes van mense, tref ‘n mens hier aan, maar die geestelike ingesteldheid en lewensbeskouing lewer interresante ontdekkings op. Broer Zebulon Afrikaner lei ons deur die gemeenskap en ons ontmoet Hoofman Maxie wat vertel van Bob Marley en Haille Selasie I van Ethiopië se motivering in hulle daaglikse handel en wandel. Die oudstes, die vroue, onderwysers en kunstenaars gesels saam. ‘n Besoek aan die altaar met lofprysinge is ook aangrypend. Rasta-lokke en dagga-dampe wat Broer Jabu al 27 maal met die gereg laat bots het, word ook bespreek.

  • EBENHAESER SE MENSE deur Haidee Muller
    EBENHAESER SE MENSE deur Haidee Muller
    Donderdag 17 Augustus 2017

    Ebenhaeser is 'n klein sendingdorpie anderkant Vredendal in die Wes-Kaap. Haidee Muller het daar gaan kuier. Sy vertel die stories van die mense wat daar woon, en hoekom hulle hulle hartsplek koester.

  • UIT DIE BOKS GELEEF deur Fritz Klaaste
    UIT DIE BOKS GELEEF deur Fritz Klaaste
    Donderdag 10 Augustus 2017

    Gemeenskapsport is een van die maniere om waarde toe te voeg tot die gemeenskapslewe, maar ‘n boksklub in Lenasia, suid van Johannesburg, het alle verwagtinge oortref. Aman Khan het die klub op 1 Junie 1961 gestig, en vandag, ná drie generasies, is die klub steeds bedrywig. Fritz Klaaste kyk na die klub se aktiwiteite en die dryfkrag daaragter, Imran Khan, wat vroeër vanjaar gesterf het.

  • AL DANSENDE VAN MACCASSAR TOT ROTTERDAM deur Johan van Lill
    AL DANSENDE VAN MACCASSAR TOT ROTTERDAM deur Johan van Lill
    Donderdag 3 Augustus 2017

    Kirvan Fortuin is jong danser en choreograaf, wat in Macassar op die Kaapse Vlakte grootgeword het en wat sy passie as ’n beroep gekies het. Hierdie passie het hom gelei na verhoë, oorsee en plaaslik.

  • SEUNSKOOR deur Christelle van Tonder
    SEUNSKOOR deur Christelle van Tonder
    Donderdag 27 Julie 2017

    Die węreldbekende Drakensberg Seunskoor vier vanjaar sy 50e bestaansjaar. Die skool het in 1967 begin met 20 seuns, en 50 jaar later spog hulle met 120 seuns van graad 4 tot graad 9. Die woord broederskap word graag deur die onderwysers en die seuns gebruik om hulle verhoudings te beskryf. Christelle van Tonder het twee dae saam met die seuns spandeer, en uitgevind wat dit beteken om ‘n Drakie te wees.

  • DIE LIPIZZANERS deur Esté Gross
    DIE LIPIZZANERS deur Esté Gross
    Donderdag 20 Julie 2017

    Die Lipizzaners, ook bekend as die dansende witperde, is ‘n ras met ‘n unieke geskiedenis wat oor eeue heen strek. Dié pronkperde is reeds sedert 1948 in Suid-Afrika en het deur die jare ‘n integrale deel van die land se erfenis geword. Esté Gross het gaan uitvind hoe die pronkperde opgelei word.