Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • ADAM KOK III SE VOETSPORE IN PHILIPPOLIS deur Johan Rademan
    ADAM KOK III SE VOETSPORE IN PHILIPPOLIS deur Johan Rademan
    Donderdag 15 Februarie 2018

    Adam Kok III se Griekwas het vir bykans vier dekades floreer in die Philippolis-gebied, voordat hulle uiteindelik voor ‘n paar magte moes swig - die Engelse en Duitse dendelinge, Britse oorheersing, die Trekboere, die Voortrekkers en ander vigilante-groepe wat amper soos in die Wilde Weste geleef het. Prof. Doreen Atkinson skets die agtergrond waarteen gebeure in dié tydperk afgespeel het. Kaptein Johannes Kraalshoek, ‘n Griekwa-leier in die Vrystaat, en oom Booitjie Derisen en sy vrou Katriena vul saam met amateur-historikus met ‘n regsagtergrond, sakeman Deon Beneke, die prentjie in. Kom stap saam met Johan Rademane in Adam Kok III se voerspore in Philippolis en hoor hoe die nalatenskap en leefwyse van die Griekwas vandag herdenk word in die Adam Kok III-staproete in Philippolis.

  • WITBOORDJIEBOKS deur Jody Hendricks
    WITBOORDJIEBOKS deur Jody Hendricks
    Donderdag 8 Februarie 2018

    Witboortjieboks is 'n nuwe fiksheidsuitdaging wat deur duisende Suid-Afrikaners beoefen word. Dit gee Jan en San Alleman die kans om ná ‘n lang dag by die werk, van hulle frustrasies ontslae te raak. Van hulle klim selfs in die kryt en veg teen mekaar. Jody Hendricks het by ‘n paar van die boksgimnasiums in Gauteng gaan inloer om meer hieroor uit te vind.

  • DIANA FERRUS: VROU VAN DIE GROND deur Haidee Muller
    DIANA FERRUS: VROU VAN DIE GROND deur Haidee Muller
    Donderdag 1 Februarie 2018

    Haidee Muller bring aan jou die verhaal van Diana Ferrus, digter en kortverhaalskrywer. In 1999 verwerf sy haar B.A. Honneurs-graad in vrouestudies, en skryf dan in vir ’n meestersgraad oor “Swart Afrikaanse vroueskrywers – die vreugde en frustrasies van die skryfproses”. In 2003 is sy ‘n finalis vir die toekenning van Suid-Afrika se Vrou van die Jaar. Haar passie vir die ontwikkeling en bemagtiging van swart vroueskrywers word uitgebeeld in die aanbieding van “Swart Afrikaanse skrywers: die skryfproses”, wat sy in 2004 by die Woordfees op Stellenbosch aanbied. In 2005 neem sy deel aan die Winternachtfees in Den Haag, en toer saam met ander digters deur die Nederlandse Antille. In dieselfde jaar besoek sy Suid- en Noord-Korea, waar sy aan die Internasionale Poësiefees vir Węreldvrede deelneem.

  • CITY DEEP, JOHANNESBURG deur Fritz Klaaste
    CITY DEEP, JOHANNESBURG deur Fritz Klaaste
    Donderdag 25 Januarie 2018

    Die Johannesburg Varsproduktemark in City Deep het nederig in 1893 begin, maar spog vandag met 'n omset van R5-miljard. 'n Miljoen ton se groente en vrugte word jaarliks daar verhandel, en 10 000 mense is elke dag daar om handel te dryf. Jy kan by 20 000 geregistreerde handelaars, wat 5 000 boere verteenwoordig, kies en keur tussen 341 variëteite. Die mark is ‘n werkskepper soos min, en sorg dat daar elke dag vars produkte op jou etenstafel is. Fritz Klaaste het deur hierdie besig mark geloop...

  • DIE WATERDRAERS deur Esté Gross
    DIE WATERDRAERS deur Esté Gross
    Donderdag 18 Januarie 2018

    Volgens statistiek van die Donkey Sanctuary in die Verenigde Koninkryk is daar węreldwyd nagenoeg 44-miljoen werkende donkies. Niemand weet werklik hoeveel donkies daar in Suid-Afrika is nie. Die meeste mense is onbewus van die die nood en omstandighede waarin die donkies moet oorleef. Esté Gross het in die platteland na 'n verafgeleë township gegaan om uit te vind...

  • 'N FAMILIE-AFFÊRE deur Christelle van Tonder
    'N FAMILIE-AFFÊRE deur Christelle van Tonder
    Donderdag 11 Januarie 2018

    Die Malan gesin van Louis Trichardt is uniek. Felix en sy twee dogters Ziamay (15) en Danieka (17) is aldrie onder die top 200 fikste Crossfit-atlete in die węreld. Ma, Lee Malan, bestuur die familie se skedules, en sorg dat almal se mae vol is. Christelle van Tonder het by hierdie fikse familie gaan kuier, en gaan uitvind hoe sake verloop in ‘n huishouding waar drie kompeterende atlete woon.

  • GEMEENSKAPSBOU OP ‘N HOË NOOT deur Mariska Spoormaker
    GEMEENSKAPSBOU OP ‘N HOË NOOT deur Mariska Spoormaker
    Donderdag 4 Januarie 2018

    Port Elizabeth se noordelike voorstede is bekend vir bendegeweld. Min mense is egter bewus van die groot rol wat kore as gemeenskapsbouer in dié gebied speel. Mariska Spoormaker het meer hieroor gaan uitvind, en koorlede oor drie generasies heen gevind wat al singende brűe van hoop, liefde en heling bou.

  • WAAR KOM EK VANDAAN? deur Chris Swanepoel
    WAAR KOM EK VANDAAN? deur Chris Swanepoel
    Donderdag 31 Augustus 2017

    Gedurende die twintigste eeu het die belangstelling in familiegeskiedenis met rasse skrede toegeneem. Vandag is dit een van die gewildste tydverdrywe in die westerse węreld. Een van die redes hiervoor is waarskynlik omdat daar al hoe meer klem geplaas word op die individu se plek, betekenis en regte in die samelewing. Sedert die Tweede Węreldoorlog het die gewildheid van genealogiese navorsing elke tien jaar ongeveer verdubbel.

  • RASTA - AGTER DIE ROOKSKERM deur Johan Rademan
    RASTA - AGTER DIE ROOKSKERM deur Johan Rademan
    Donderdag 24 Augustus 2017

    Judah Square is die grootste Rastafari-gemeenskap in Suid- Afrika. Johan Rademan het die nedersetting met 27 gesinne in Khayalethu buite Knysna besoek, waar hy die waardes, lewensbeskouing, simboliek en menswees van die Rastafari ondersoek het. Nadat die munisipaliteit in 1993 grond aan die gemeenskap toegeken het, het dit ‘n produktiewe en in ‘n groot mate selfvoorsienende gemeenskap geword. Skool, kerk, behuising, m.a.w. al die normale behoeftes van mense, tref ‘n mens hier aan, maar die geestelike ingesteldheid en lewensbeskouing lewer interresante ontdekkings op. Broer Zebulon Afrikaner lei ons deur die gemeenskap en ons ontmoet Hoofman Maxie wat vertel van Bob Marley en Haille Selasie I van Ethiopië se motivering in hulle daaglikse handel en wandel. Die oudstes, die vroue, onderwysers en kunstenaars gesels saam. ‘n Besoek aan die altaar met lofprysinge is ook aangrypend. Rasta-lokke en dagga-dampe wat Broer Jabu al 27 maal met die gereg laat bots het, word ook bespreek.

  • EBENHAESER SE MENSE deur Haidee Muller
    EBENHAESER SE MENSE deur Haidee Muller
    Donderdag 17 Augustus 2017

    Ebenhaeser is 'n klein sendingdorpie anderkant Vredendal in die Wes-Kaap. Haidee Muller het daar gaan kuier. Sy vertel die stories van die mense wat daar woon, en hoekom hulle hulle hartsplek koester.