Nou op die lug

Deurnag (Donderdag)

00:00-04:30

Empty

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Gesondheid 27 Mei 2020
    Gesondheid 27 Mei 2020
    Woensdag 27 Mei 2020

    Hoe veilig is dit om jou kind terug te stuur skool toe? ’n Kinderlong-spesialis het die antwoord, Word kinders baie siek van Covid? Is hulle die draers van die virus wat almal sal aansteek? Wat van kinders met asma, of kinders met ander siekteprobleme? Hoe groot is die kans werklik dat kinders ernstig siek kan word van Covid?

  • Gesondheid 20 Mei 2020
    Gesondheid 20 Mei 2020
    Woensdag 20 Mei 2020

    Hoe veilig is dit vir dokters en nie-COVID-pasiënte in hospitale? Is dit veilig vir chirurge om met nie-N95-maskers te opereer? Hoe lank word waglyste vir operasies omdat so baie operasies buiten noodgevalle feitlik stilstaan, terwyl sommige hospitale byna leeg staan? Is die klem op COVID-19 oordrewe? Wat van alle ander siektes buiten COVID-19? Het ons al meer inligting om beter voorspellings te maak? Marí Hudson probeer antwoorde op dié vrae vind. Sy gesels met die verteenwoordiger van dokters in Suid-Afrika en met die verteenwoordiger van alle chirurge in die land.

  • Gesondheid 13 Mei 2020
    Gesondheid 13 Mei 2020
    Woensdag 13 Mei 2020

    Is daar nog mediese redes vir ’n streng inperking? Kan ’n voortgesette streng inperking die verloop van COVID-19 in Suid-Afrika verander, en hoe? Wat is die beste pad vorentoe? Marí Hudson probeer antwoorde op dié vrae vind, kyk wat die kundiges sê en gesels met ’n waaksorgspesialis.

  • Gesondheid 6 Mei 2020
    Gesondheid 6 Mei 2020
    Woensdag 6 Mei 2020

    Kubaanse dokters wat teen ’n hoë koste Suid-Afrika met COVID-19 kom help; ambulanspersoneel wat staak oor 'n gebrek aan beskermde klere; chroniese pasiënte wat noodgevalle word; lede van die publiek wat met 'n masker onder die ken of neus loop; verskille oor die sterftekoers… Marí Hudson gesels met dr. Angelique Coetzee, voorsitter van die Suid-Afrikaanse Mediese Vereniging, oor die jongste kwessies.

  • Gesondheid 29 April 2020
    Gesondheid 29 April 2020
    Woensdag 29 April 2020

    Waarom kan mense met chroniese siektes soos diabetes, asma, lupus en ander chroniese siekteprobleme, sieker word van COVID-19 of ander virusse as mense sonder dié siektes? Wat is dan anders aan hulle immuunstelsels, of hoe? Waarom verskil die sterftesyfers in Italië en Spanje soveel van dié van China? Marí Hudson praat met ’n internis oor die effek van die COVID-19 op mense met onderliggende siektes.

  • Gesondheid 22 April 2020
    Gesondheid 22 April 2020
    Woensdag 22 April 2020

    Ná ’n maand in inperking, speel jou gemoed waarskynlik ook parte. Hoe weet ’n mens of die benoude gevoel oor jou bors asma, ’n hartaanval, COVID-19 of angstigheid oor jou inperking is nie? En wat van depressie? Sosiale inperking en fisieke afstandelikheid is nie normaal nie, en eis sy tol op jou geestesgesondheid. Marí Hudson gesels met ’n psigiater oor die effek van die COVID-19 inperking op jou gemoed.

  • Gesondheid 15 April 2020
    Gesondheid 15 April 2020
    Woensdag 15 April 2020

    Hoe presies werk die SARS-Coronavirus-2 wat COVID-19 veroorsaak? Val dit jou rooibloedselle aan en lei dit tot ‘n suurstoftekort soos wat sommiges beweer? Kan malaria- en artritismiddels help? Wat van die TB-vaksien? Wat het ons die afgelope tyd geleer oor die siekte, die verspreiding en wat om te verwag? Marí Hudson gesels met ’n mediese spesialis midde-in die geveg teen COVID-19 oor wat feite en wat fiksie is.

  • Gesondheid 8 April 2020
    Gesondheid 8 April 2020
    Woensdag 8 April 2020

    Inperking weens COVID-19 is nou byna twee weke van krag in Suid-Afrika. Wat het ons die afgelope tyd geleer oor die siekte, die verspreiding en wat om te verwag? Marí Hudson gesels met dr. Angelique Coetzee, president van die Suid-Afrikaanse Mediese Vereniging, oor die jongste nuus oor die siekte en die situasie in die land.

  • Gesondheid 1 April 2020
    Gesondheid 1 April 2020
    Woensdag 1 April 2020

    ’n Mens kan seker sê die SARS-Coronairus wat nou mik na 900 000 gevalle oor die wêreld, is ’n psigopaat, want iets skort met dié organisme se gewete. Wat verstaan ons oor psigopate? Want alle psigopate is nie reeksmoordenaars nie. En wat is die verskil tussen ’n psigopaat en narsis? En wat is die regte naam vir dié probleem? Wat gebeur in die brein van só ’n mens en kan dit behandel word? Marí Hudson gesels met dr. Eugene Allers, 'n psigiater en lid van die Suid-Afrikaanse Psigiatriese Vereninging oor psigopatie en narsisme.

  • Gesondheid 25 Maart 2020
    Gesondheid 25 Maart 2020
    Woensdag 25 Maart 2020

    Kan die verloop van die Covid-19 epidemie in Suid-Afrika voorspel word? Wat kan ons verwag? Wat staan dokters en pasiënte te doen? Mari Hudson praat hieroor met dr. Angelique Coetzee, president van die Suid-Afrikaanse Mediese Vereniging.