Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Uit 'n ander hoek 20 Mei 2018
    Uit 'n ander hoek 20 Mei 2018
    Sondag 20 Mei 2018

    Goedgelowige mense word maklik deur kwaksalwers uitgebuit wat nuttelose en selfs gevaarlike middels ten duurste aan hulle verkoop. Jean Oosthuizen gesels met die wetenskapjoernalis, George Claassen, en die redakteur van camcheck.co.za, dr. Harris Steinmann, oor kwaksalwery en pseudo-wetenskap.

  • Uit 'n ander hoek 13 Mei 2018
    Uit 'n ander hoek 13 Mei 2018
    Sondag 13 Mei 2018

    Hoe belangrik is godsdiensvryheid in ʼn sekulêre staat soos Suid-Afrika, en tot watter mate moet dit beskerm word? Jean Oosthuizen praat hieroor met ʼn kommissaris van die Kommissie vir die Bevordering en Beskerming van Kultuur, Godsdiens en Taalregte, Renier Schoeman, en prof. Farid Esack van die Universiteit van Johannesburg.

  • Uit 'n ander hoek 6 Mei 2018
    Uit 'n ander hoek 6 Mei 2018
    Sondag 6 Mei 2018

    Waar kom boosheid vandaan? Moet ons die duiwel daarvoor blameer? Jean Oosthuizen gesels met teoloog Julian Müller en ʼn voormalige NG-predikant, Deon Kitching, oor die bose en hoe hulle dit vanuit hulle hoek verstaan.

  • Uit 'n ander hoek 29 April 2018
    Uit 'n ander hoek 29 April 2018
    Sondag 29 April 2018

    Een van die gonswoorde in vandag se gejaagde lewe is die Engelse woord, mindfulness, of bewustelikheid in Afrikaans. Jean Oosthuizen gesels met wetenskapjoernalistiekdosent en skrywer Johannes de Villiers, en bedryfsielkundige Johann de Goede om uit te vind wat dit beteken en hoe positiewe denke mens in vandag se gejaagde lewe kan help.

  • Uit 'n ander hoek 22 April 2018
    Uit 'n ander hoek 22 April 2018
    Sondag 22 April 2018

    Jean Oosthuizen gesels met toekomskundige en godsdiensfilosoof dr. Piet Müller en sielkundige berader Truida Heymann oor drome. Hy wil by hulle weet wat die betekenis van drome is.

  • Uit 'n ander hoek 15 April 2018
    Uit 'n ander hoek 15 April 2018
    Sondag 15 April 2018

    Evolusie vind nie net by spesies plaas nie, maar as’t ware ook tussen mense se ore. Het die Christelike geloof en ander gelowe ook ʼn rakleeftyd, en kan dit dalk uitsterf. Jean Oosthuizen gesels met 'n paleontoloog, Jurie van den Heever, en ʼn teoloog van die Hervormde Kerk, Piet van Staden, oor die evolusie van geloof. Hy wil by hulle weet of geloof ook moet aanpas om te kan oorleef.

  • Uit 'n ander hoek 8 April 2018
    Uit 'n ander hoek 8 April 2018
    Sondag 8 April 2018

    Genadedood of bystanddood wanneer ʼn geneesheer ʼn terminaal siek pasiënt help om sy of haar lewe te beëindig is ʼn hoogs omstrede onderwerp. Terwyl al hoe meer stemme opgaan om bystanddood in Suid-Afrika te wettig worstel baie mense met die etiese, morele en godsdienstige implikasies daarvan. Jean Oosthuizen gesels met die filosoof professor Anton van Niekerk en ʼn narkotiseur dokter Heinz Mödler in die program Uit ʼn ander hoek oor genadedood. Kan dit moreel regverdig word om iemand onder bepaalde omstandighede te help sterf?

  • Uit 'n ander hoek 24 September 2017
    Uit 'n ander hoek 24 September 2017
    Sondag 24 September 2017

    Die afgelope dekade was daar verskeie aansprake oor nabydood-ervarings van mense wat beweer hulle het ʼn blik gehad op die lewe na die dood. Opspraakwekkende verhale word vertel, wat as bewyse aangevoer word dat die mens se bewussyn afsonderlik van die liggaam kan bestaan en bestaande aannames oor bewussyn in die neurowetenskap bevraagteken. Jean Oosthuizen gesels met bybelwetenskaplike prof. Pieter Craffert en narkotiseur dr. Heinz Modler oor nabydood-ervarings.

  • Uit 'n ander hoek 17 September 2017
    Uit 'n ander hoek 17 September 2017
    Sondag 17 September 2017

    Hoe vind mens troos wanneer jou kind vermoor word, of jou vrou sterf skielik in ʼn motorongeluk, en maklike antwoorde vanuit die godsdiens of die kerk maak nie meer sin nie? Jean Oosthuizen gesels met die skrywer Douwleen Bredenhann wie se dogter 30 jaar gelede wreed deur ʼn buurseun in hulle erf vermoor is, en ʼn gewese NG dominee Petrus Kühn wie se vrou onlangs in ʼn motorongeluk oorlede is.

  • Uit 'n ander hoek 10 September 2017
    Uit 'n ander hoek 10 September 2017
    Sondag 10 September 2017

    Ons leef in ʼn multi-godsdienstige samelewing waar daar dikwels wanpersepsies, agterdog en vooroordele teenoor mekaar se verskillende gelowe is. Jean Oosthuizen gesels met prof. Reggie Nel, aangewese dekaan van die Fakulteit Teologie aan die Universiteit Stellenbosch, en sjeg Rasheed Dien, kenner op die gebied van Islamkunde en filosofie, om uit te vind hoeveel Moslems en Christene gemeen het.