Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Duik saam met die haaie
    Duik saam met die haaie
    Saterdag 17 Februarie 2018

    Het jy dit al ooit gewaag om saam met grootwithaaie te duik, maar jy is eenvoudig te bang om dit aan te durf? Marlinée Fouché was in dieselfde bootjie, totdat sy haar sokkies opgetrek het en saam met Mosselbaai se jong haaie gaan swem het. Volgens haar maak die vrees vinnig plek vir verwondering, en is dit iets wat enigiemand kan doen...

  • Ceres Railway Company
    Ceres Railway Company
    Saterdag 20 Januarie 2018

    Van 1910 tot 1912 is die spoorlyn deur Michellspas van Kaapstad na Ceres gebou, en ‘n 100 jaar later het die Ceres Railway Company die glorie van die stoomtreinera laat herleef. Johan Rademan is in gesprek met Derick du Toit wat van 2002 af die droom gehad het om treine vir vrag en toerisme weer deur die pas, via Wolsley en Tulbach te karwei. Water en brandgevaar was van die vernaamste uitdagings om te oorbrug. Kole word met olie vervang om stoom te maak, en houteetwaensrytuie, wat die voorloper van vandag se Bloutrein is, word uit die 20e eeu gebruik.

  • Bo-Kaap staptoer
    Bo-Kaap staptoer
    Saterdag 30 September 2017

    Johan Rademan besoek die Auwal Masjid moskee, die oudste moskee in die Bo-Kaap, as deel van Cape Town Free Walking Tours.

  • Wilan Temani
    Wilan Temani
    Saterdag 23 September 2017

    Navorsing van die Verenigde Nasies se Wêreld Toerisme-organisasie, waarby 54 lande geakkrediteer is, dui daarop dat 1 uit elke 11 werksgeleenthede verband hou met toerisme. Die globale Bruto Binnelandse Produk raak-raak aan 10%. Johan Rademan het met PJ Basson, wat gereeld internasionale toerisme-skoue bywoon, gesels en in Montagu, waar hy werksaam is, gaan uitvind dat die dorpie op die R62 met sy 10 000 inwoners vaste betrekkings aan 675 mense bied in die toerismesektor. Baie beroepe dink ‘n mens nie eers aan nie soos skoonmakers, tuiniers, terapeute, sjefs, opsigters, verwers, wassers en selfs ‘n klavierspeler. Op Montagu is Wilan Temani die plaaslike selfopgeleide pianis wat deedae op ‘n vaste basis in die restaurant van die hotel speel. Sy ma, Katie, wat in die 2 000 oorlede is, het by die hotel gewerk. As klein seuntjie het Wilan soms saam met sy ma hotel toe gegaan en handjie bygesit.

  • Kaapstad haweterminaal opgeknap
    Kaapstad haweterminaal opgeknap
    Saterdag 16 September 2017

    Die ontwikkeling van die Kaapstadse Waterkant is 30 jaar gelede begin, en vandag is dit een van die grootste suksesverhale in die Suid-Afrika se toerismegeskiedenis. Meer as 25 miljoen mense het al hierdie gesogte toerismebestemming besoek. Die afgelope drie jaar was dit die topbestemming in Suid-Afrika. Die onlangse voltooiing van die Silo-projek het die haweterminaal verbind met die V&A Waterkant. Die Internasionale aankoms- en vertrekterminaal by Kaapstadhawe word tans opgeknap en behoort teen Desember voltooi te wees. Johan Rademan het met André Blaine, Uitvoerendebestuurder van Maritieme-aangeleenthede, gesels.

  • Die Australiese Outback
    Die Australiese Outback
    Saterdag 26 Augustus 2017

    Johan Rademan gesels met Jurgens Schoeman wat onlangs die Australiese Outback besoek het. Die gebied strek 5 000 km van suid na noord, en 5 000 km van oos na wes. Dit beslaan 73% van Australië se landoppervlakte, met Alice Springs die bekendste dorpie in die middel van die Outback.

  • Maputo
    Maputo
    Saterdag 19 Augustus 2017

    Mosambiek en sy inwoners het deur diep waters gegaan wat sy geskiedenis betref. Eers was daar die koloniale era, gevolg deur ‘n vryheidsoorlog en toe ‘n burgeroorlog. Vandag kyk die terug op sy geskiedenis wat dien as inspirasie om te ontwikkel, en hulle in staat stel om hulle erfenis en kultuur te vier. Die hoofstad, Maputo, wat maklik van Suid-Afrika af bereik kan word, spog met argitektoniese skatte, kleurryke materiale, eksotiese kos en gemoedelike mense, wat ‘n besoek aan die land, en veral die hoofstad, die moeite werd maak. Terrance April was onlangs daar.

  • Marokko en Spanje
    Marokko en Spanje
    Saterdag 12 Augustus 2017

    Johan Rademan stel Rickma Coxon aan die RSG-reisigers voor, wat ons neem na die vleispotte van Marokko en die Bedoeiene-woestyn. Sy maak ook ‘n kontinentale sprong met tapas in Spanje - lles leerskole en randrekkers vir voornemende toeriste.

  • Vrystaters in Frankryk
    Vrystaters in Frankryk
    Saterdag 5 Augustus 2017

    Johan Rademan gesels met twee Suid-Afrikaanse vroue van Ladybrand in die Oos-Vrystaat, wat met twee Franse neefs uit die Henri Bourgeois-stamboom getroud is, en nou in Sancerre in Frankryk woon. Sandra Bougeois (Malan) en haar broer David Malan, wat ook in sentraal Frankryk woon, deel saam met een van die neefs Arnaud Bourgeois en sy vrou, Sigi (Koornhof), hulle besondere lewensverhale.

  • Carl Gerber oor die Kgalagadi Sightings Facebook-groep
    Carl Gerber oor die Kgalagadi Sightings Facebook-groep
    Saterdag 3 Junie 2017

    Die Kgalagadi Sightings Facebook-groep hou nie van politiek of polimiek nie. Díe 35 000 lede streef daarna om deur genot net hul beste te gee vir die Nasionalepark en die gemeenskappe om die kamp. Carl Gerber vertel vir ons meer oor díe groep en hoe hulle ledetal in vyf jaar selfs internasionaal gegroei het.