Interaktief
SMS:45770
(R1.50 per SMS)-
Uitsaaifrekwensies -
YouTube -
Twitter -
Android-toepassing -
Facebook -
Apple-toepassing -
E-nuusbrief
Potgooi Soek
-
Rand en sent 9 Desember 2018
Sondag 9 Desember 2018‘n Finansiële beplanner het wenke oor buitelandse beleggings terwyl die Suid-Afrikaanse ekonomie sukkel. ‘n Kenner praat oor reisversekering indien ‘n opwindende oorsese reis dié feestyd op jou wag. Die AA gee besparingswenke indien jy die vakansie iewers heen ry, of jou karavaan, boot en sleepwa sleep.
-
Rand en sent 2 Desember 2018
Sondag 2 Desember 2018‘n Verbruikerskenner gee wenke om jou jaarlikse bonus sinvol te gebruik. ‘n Arbeidsregskenner praat oor die nuwe minimumlone. En ‘n versekeraar verduidelik wat jy moet weet van huisversekering voordat jy met vakansie gaan.
-
Rand en sent 25 November 2018
Sondag 25 November 2018‘n Finansiële beplanner het raad oor hoe en waar om te spaar en te belê in die huidige ekonomiese klimaa, ook maniere waarop jy jou kinders kan leer spaar. ‘n Entrepreneur en mentor verduidelik hoe leerders en studente die vakansieseisoen ekstra geld kan verdien.
-
Rand en sent 18 November 2018
Sondag 18 November 2018Swartvrydag en Kubermaandag het onlangs van Amerika na Suid-Afrika oorgewaai. ‘n Skuldberader gee die voor- en nadele van dié groot afslagdae en hoe jy dit reg kan benader om te verhoed dat jy te veel op onnodige winskopies uitgee. En ‘n finansiële beplanner praat oor buitelandse beleggings terwyl plaaslike markte sukkel.
-
Rand en sent 11 November 2018
Sondag 11 November 2018‘n Kenner praat oor lojalteitsprogramme, en ‘n entrepreneur verduidelik hoe sy sosiale media gebruik om haar sakebedrywighede te adverteer en haar beeld skoon te hou. Sy waarsku ook teen die gevare wanneer jy dit verkeerd gebruik.
-
Rand en sent 4 November 2018
Sondag 4 November 2018‘n Finansiële beplanner vertel van seminare en praatjies wat hy tydens ‘n onlangse besoek aan die buiteland bygewoon het, en hoe dit op Suid-Afrika betrekking het. ‘n Prokureur kyk na ondersteuning vir jong entrepreneurs - foute wat dikwels gemaak word en hoe om dit te vermy. En ‘n wynkenner praat oor wynbeleggings.
-
Rand en sent 28 Oktober 2018
Sondag 28 Oktober 2018Oktober is Nasionale Vervoermaand, en ons hoor hoe jy jou denke oor vervoer kan verander om meer te spaar. ‘n Finansiële beplanner bespreek die drie mees algemene vrae wat hy van kliënte kry. En ‘n kenner beantwoord ‘n luisteraarsvraag oor beursverhandelde fondse.
-
Rand en sent 21 Oktober 2018
Sondag 21 Oktober 2018Wat doen jy as jy hier teen middel Oktober besef jy het nie genoeg geld gespaar vir die Desembervakansie en Kersfees nie? En hoe kan tieners en jongmense hulle sosiale mediaplatvorms bestuur om seker te maak dat dit nie eendag teen hulle tel wanneer hulle vir ‘n droomwerk aansoek doen nie?
-
Rand en sent 14 Oktober 2018
Sondag 14 Oktober 201831 Oktober is vir baie Suid-Afrikaners D-dag vir belastingopgawes. Suzaan Steyn gee inligting oor e-opgawes, en hoe jy dit self maklik kan gebruik. ‘n Prokureur praat oor risiko’s vir jong entrepreneurs en hoe om dit te vermy. En ‘n skuldkenner het geldlesse vir kinders.
-
Rand en sent 7 Oktober 2018
Sondag 7 Oktober 2018Met die swak ekonomie het baie Suid-Afrikaners skaars geld om deur die maand te kom, wat nog te sê spaar. ‘n Behoorlik opgestelde begroting is jou beste gids deur enige finansiële storm. ‘n Ekonoom verduidelik stap vir stap hoe ‘n mens dit doen. ‘n Kenner praat ook oor klein- en medium sake-ondernemings wat noustrop trek.
Laai Af (23 262KB)
Teken in met iTunes
