Jou verhouding met jouself is veronderstel om jou grootste prioriteit te wees. Daar is ‘n fyn balans tussen selfsorg en selfsug. Hazel Janse van Rensburg gesels met inspirasievrou, Lynette Beer, oor hoe om hierdie tema te benader.

‘N BLOMMEKROON VIR BELINDA deur Almé Swart
Regie: Amor Tredoux
Elke middag om klokslag half twee kom Belinda by die winkel in. Dan soek sy die tafel teen die muur, want sy wag vir haar man. En wanneer kom haar man? Hy kom nie… Dit is Nadia, die nuwe kelnerin by die koffiehuis op die dorp, beskore om die raaisel van Belinda se jarelange gewag op haar man op te los. Maar nie voordat haar eie geheim ook op die lappe kom nie… Die spelers is Anna-Mart van der Merwe, Elanza Swart, Ronel Geldenhuys, Stefan Vermaak, Chloe van Rooyen en Melt Sieberhagen. ’N BLOMMEKROON VIR BELINDA is die wenner in die kategorie Beste Jong Skrywer in die 2023 RSG Radiodramaskryfkompetisie in samewerking met die ATKV.

Luister na ’n beweging uit ‘n simfonie van Mozart wat as sy Simfonie no. 42  in F-majeur gemerk is; hoe Arleen Auger die lied, BEFORE I GAZE AT YOU AGAIN, van Loewe sing; en ’n deel uit ‘n kwartet vir vier horings van Leopold Mechura.

Francois Auret het onlangs sy meesterstudie voltooi oor die uitwerking van klimaatsverandering op die sagtevrugtebedryf. Hy gee raad aan nuwe toetreders, ook aan die hand van gratis hulpmiddels wat beskikbaar gestel word deur die departement landbou in die Wes-Kaap. Die heel eerste klimaatsindaba aangebied deur die Wes-Kaapse regering is verlede maand in Kaapstad gehou. Een van die deelnemers was Karen Shippey. Sy is Hoofdirekteur: Omgewingsvolhoubaarheid by die Wes-Kaapse Departement van Omgewingsake. Sy is onder andere ‘n kenner op die gebied van geslagsgelykheid en ‘n veranderende klimaat. Dr. Diane Mostert is ‘n navorser by die departement plantpatologie aan die Universiteit Stellenbosch. Sy bespreek haar navorsing ten opsigte van piesangverwelking en kanola.

Die meeste van ons het roetines en strukture in plek om ons daaglikse lewe te vergemaklik. Maar wat as jy begin angstig raak wanneer hierdie roetines nie gevolg word nie, of die tyd wat dit in beslag neem, jou daaglikse lewe oorneem? Hoe weet jy jy het ‘n probleem? Ons vind meer uit oor gesonde en ongesonde obsessiewe gedrag.

AS DIE HADIDA ROEP deur Charles J. Fourie
Regie: Denver Vraagom
EPISODE 38: Ryno en Barend besoek die brandweerstasie waar Barend foto’s van Manie se brandweer-manne neem vir sy skilderye met die aardbewing as tema. Wilma neem vir Marita na die ou kerk-museum waar sy haar vra om Albert te oortuig om nie sy aandeel in die galery aan dominee te verkoop nie.

Kika, die wag-kat.

Hoe lyk die stand van Suid Afrika se demokrasie in Suid Afrika uit die oogpunt van jongmense? Neem jongmense nog deel aan die demokrasie, en hou emigrasie ‘n bedreiging in vir ons demokrasie? Barrie Ferreira bespreek hierdie kwessies met Hermann Pretorious, die hoof van strategiese kommunikasie by die Instituut vir Rasseverhoudinge.