Die ANC-president, Cyril Ramaphosa s\u00ea stygende misdadigheid in die land is ‘n bron van kommer. Ramaphosa het stemme gewerf in Hammarsdale, wes van Durban. Hy het verwys na die massa-skietery Dinsdag in KwaMakhutha ook in KwaZulu-Natal, waarin drie gewapende aanvallers elf mense by ‘n partytjie doodgeskiet het. Volgens die ANC-president slaag die polisie daarin om misdaad te verminder. Hy s\u00ea gemeenskappe moet betrokke raak by die stryd teen misdaad deur gemeenskapspolisi\u00ebringsforums.<\/p>\n
Die Nasionale Voorsitter van die ANC, Gwede Mantashe, voer aan dat individue partylede gebruik om onbestendigheid in die party se Oos-Kaapse tak te saai. Sy opmerkings verwys na onlangse hofsake van partylede teen die ANC. Die Makhanda-hooggeregshof in die Oos-Kaap het vroe\u00ebr di\u00e9 week ‘n poging deur lede van die hand gewys om die ANC-kandidatelys vir die plaaslike verkiesing ongeldig te verklaar. Vroe\u00ebr vanjaar het lede daarin geslaag om ‘n interdik te verkry teen die ANC se Oos-Kaapse kiesberaad. Volgens Mantashe word di\u00e9 voorvalle van buite beplan en befonds met kwaadwillige bedoelings.<\/p>\n
Die Suid-Afrikaanse Depressie- en Angsgroep, SADAG, het kommer uitgespreek oor ‘n toename van afknouvoorvalle in Mpumalanga. Beeldmateriaal van talle voorvalle het onlangs op sosiale medianetwerke versprei. ‘n Aantal aanrandingsake wat voortgespruit het uit afknouery is ook by polisiekantore in die provinsie aangemeld. SADAG herinner mense tydens selfmoordvoorkomingsmaand daaraan dat treitering ook een van die oorsake van selfmoord is. Die groep s\u00ea hy ontvang daagliks nagenoeg drieduisend oproepe, onder meer van leerlinge, onderwysers en ouers oor afknouery en gevolglike probleme met geestesgesondheid.<\/p>\n
Suid-Afrikaanse mediese navorsers ontwikkel ‘n nuwe benadering om tuberkulose te bespeur. Di\u00e9 nuwe metode behels kunsmatige intelligensie en ‘n eenvoudige bloedtoets. Die AddiCAD-projek, gelei deur Universiteit Stellenbosch, ondersoek of ‘n kombinasie van di\u00e9 twee metodes TB-diagnose kan verbeter en die afhanklikheid van speekselmonsters kan verminder.<\/p>\n
Vier streke of provinsies wat by Krieket Suid-Afrika geaffilieer is, het nie hul bestuursverpligtinge nagekom nie. Boland Krieket en Noordwes Krieket het by Grens en Noord-Kaap aangesluit \u2013 wat steeds nie as gerespekteerde lede erken word nie. Hulle is formeel in kennis gestel dat hulle hul onderskeie algemene jaarvergaderings moes afhandel en hul geouditeerde finansi\u00eble jaarstate voor die vasgestelde sperdatum moes indien. Hulle is gevolglik uitgesluit van deelname aan die 2026 algemene jaarvergadering. Krieket Suid-Afrika s\u00ea hulle hoop die besluit sal lede aanspoor om aan vereistes vir behoorlike bestuur te voldoen.<\/p>\n","protected":false},"comment_status":"open","ping_status":"closed","template":"","class_list":["post-170101","news-articles","type-news-articles","status-publish","hentry"],"acf":{"nuus_uur":"1600","nuus_datum":"20260925"},"_links":{"self":[{"href":"https:\/\/www.rsg.co.za\/rsg-fm\/wp-json\/wp\/v2\/news-articles\/170101","targetHints":{"allow":["GET"]}}],"collection":[{"href":"https:\/\/www.rsg.co.za\/rsg-fm\/wp-json\/wp\/v2\/news-articles"}],"about":[{"href":"https:\/\/www.rsg.co.za\/rsg-fm\/wp-json\/wp\/v2\/types\/news-articles"}],"replies":[{"embeddable":true,"href":"https:\/\/www.rsg.co.za\/rsg-fm\/wp-json\/wp\/v2\/comments?post=170101"}],"wp:attachment":[{"href":"https:\/\/www.rsg.co.za\/rsg-fm\/wp-json\/wp\/v2\/media?parent=170101"}],"curies":[{"name":"wp","href":"https:\/\/api.w.org\/{rel}","templated":true}]}}