Lizelle de Bruin is ‘n ervare radioregisseur en omroeper, en direkteur van Wordwise Media, wat bekend is vir die konseptualisering en maak van korporatiewe video- en  opleidingsmateriaal. Hulle spesialiseer in radio- en televisieprogramme, oorklanking en die skep van digitale produkte.

As skrywer en Christenvrou in die mediawêreld is dit haar passie en missie om godsdiens só te verpak dat dit toeganklik en verstaanbaar is. Lizelle het ‘n spesifieke belangstelling in die skryf en oorklanking van kinderprogramme, en was die projekbestuurder vir die immergewilde Barney en Noddie in Afrikaans.