Die Koreaanse filmbedryf is besig om ander lande verby te steek. MINARI is ‘n sensitiewe, onderspeelde film, wat handel oor ‘n Koreaanse gesin wat glo Amerika is die land waar drome waar word. Maar pas op waarvoor jy wens. Die gesin loop hulle vas teen Amerikaanse kapitalisme en dikwels selfsugtige gierigheid. Al is dit in Koreaans met byskrifte, mag MINARI jou hart steel met die deernis en respek waarmee dit ‘n arm gesin behandel wat net op ‘n plaas wil bly en ‘n eerlike bestaan in 1980 wil voer.