THE EYES OF TAMMY FAY op Disney+, waarvoor Jessica Chastain ‘n Oscar gewen het, gaan oor ‘n tele-evangelis wat met ‘n pastoor Jim Baker getrou het. Hy is later vir geldwassery aangekeer… hy het ook ander oortredings begaan. Chastain se flambojante vertolking van die vrou wat nooit sonder grimering was nie, haar sang, haar foute, haar deursettingsvermoë en die wyse waarop sy én haar man poppekaste in hulle evangeliebediening gebruik het, word ondersoek. Jy moet taai wees hiervoor want dit plaas sommige mense se benadering tot die evangelie in ‘n ander lig.