Die Virtuele Instituut vir Afrikaans, VivA, doen besondere werk oor Afrikaans grammatika en het ‘n portaal vir taalonderrig.  Die projekleier, Nadine Fouche-Karsten, vertel vir Ina Strydom meer oor die taalonderrigportaal en wat dit alles bied.

Leer meer oor die pampoen-paddatjie wat kan spring, maar nie land nie, en wat gesels met sy maats, maar nie een kan hoor nie. Is dit waar dat jy elektrisiteit kan spaar deur jou selfoonlaaier te ontkoppel, en hoeveel spaar mens?

Volgens nuwe data, het die skuld-tot-inkomste-verhouding onder die middelklas in Suid-Afrika met byna 50%  gestyg. Wickus Olivier verduidelik hoe verbruikers in hierdie inkomstegroep hulle skuld beter kan bestuur.

Met raad en daad
Op 29 Mei kan jy jou demokratiese reg uitoefen en jou stem uitbring in die nasionale en provinsiale verkiesings.  Daar is heelwat praktiese inligting rakende die logistiek van die verkiesing waarvan jy moet kennis dra. Elsje van Jaarsveld praat met Jacques Jansen van die OVK oor spesiale stemme as jy tuis moet stem, of by ‘n ander stemlokaal as waar jy geregistreer is.

Johan van Lill praat met prof. Ignatius Gous oor oksitosien en sosiale leer. Hierdie hormoon versterk nie net ons emosionele bande nie, maar speel ook ‘n kritiese rol in sosiale leerprosesse. Oksitosien kan ook positiewe sosiale gedrag in die klaskamer bevorder.

Susan Booyens gesels met professor Louis Jonker, verbonde aan die Departement Ou en Nuwe Testament aan die Universiteit Stellenbosch, oor die ontstaan van Ou Israel en die wortels van die Christendom.

Ons sit ons reeks oor die geskiedenis van die Sterre en Planete voort.  In die derde deel verneem ons die skoknuus van dr. Japie van Zyl se dood op 26 Augustus 2020, en luister na uittreksels uit ’n huldeblyk-program. Ons ontmoet ook vir Jim Adams, Lafras Smit en dr. Stefan Lotz. In hierdie week se Ruimteraai beantwoord ons die vraag:  Wat is die hemelewenaar?

Luister na musiek uit La Traviata en Aïda van Verdi, Norma van Bellini, L’Arlesiana van Cilea, Die Huwelik van Figaro van Mozart, Tosca van Puccini, Faust van Gounod en Andrea Chénier van Giordano. Van die sangers is Anna Netrebko, Angela Gheorgiu, Roberto Alagna, Luciano Pavarotti, Jonas Kaufmann en Dmitri Hvorostovsky.

Meer as 24 miljoen Suider-Afrika-inwoners worstel met ‘n dubbele krisis van hongersnood en ongewone weerpatrone. In Suid-Afrika het die droogte reeds ‘n impak op voedselsekerheid. Ons hoor by Corné Louw van Graan SA of ons bekommerd moet wees oor plaaslike mielievoorrade. Johann Kotzé van Agri SA praat oor die rol, waarde en voortbestaan van georganiseerde landbou. Waarom is die snytyd van kuilvoer so belangrik? Dit is een van die vrae wat De Bruyn Myburgh van Pioneer Saad beantwoord in ons gesprek oor mieliekuilvoer.

AS DIE HADIDA ROEP deur Charles J. Fourie
Regie: Denver Vraagom
EPISODE 34: Ester is kwaad vir Manie omdat hy haar vermy. Manie bieg hy dink sy en Lionel is betrokke by sy pa Sammy se verdwyning. Dominee Malan repeteer saam met Barend vir sy onderhoud met die dokumentêre filmspan. Albert is bekommerd oor Ronel, en vra vir Ester om ‘n woord vir hom in te sit.

‘n Les geleer uit ’n saad.