Hoe erg was staatskaping by staatsondernemings?

Maatskappye in staatsbesit is pertinent geteiken tydens die staatskapingsera. Van die grootste korrupsie, ter waarde van kort duskant R60-miljard, is gefasiliteer deur dié reuse korporasies se tender- en verkrygingsprosesse. Hoofregter Raymond Zondo het ‘n paar planne beraam om politici weg te hou van sleutel-aanstellings by sukkelende staatsondernemings. Rudie Heyneke van die Organisasie teen Belastingmisbruik praat vanoggend oor dié maatreëls en hoe erg dinge skeefgeloop het by plekke soos bv. Transnet.