Die Suid-Afrikaanse Suiwelkampioenskappe is die mees gesogte en grootste suiwelgebeurtenis in die land. Die kompetisie, wat sedert 1834 deur Agri-Expo aangebied word, is oop vir groot, medium en klein suiwelvervaardigers, en spog met meer as 100 kategorieë vir kaas, jogurt, melk, room, roomys, botter en ander suiwelprodukte waarvoor vervaardigers kan inskryf. Wenners van die onderskeie kategorieë word as SA kampioen bekroon. Johan Ehlers van Agri Expo verduidelik hoe daar innoverend te werk moes gaan om te verseker dat die kompetisie te midde van die pandemie kon voortgaan.