07:00 - 07:10

Nuus & Weer

Nou op die lug: 07:10 - 08:00

Sondagjoernaal

Met Lizelle de Bruin

Lizelle de Bruin

Volgende: 08:00 - 08:05

Nuus

08:05 - 09:00

Loof die Here

Met Magdaleen Krüger

Tuis | Potgooi | Potgooi Episode

Soek nog potgooi

Sterre en planete

Saterdag 28 September 2019

Sterre en planete

Gemeet teen die aarde, wat 'n deursnit van sowat 12-duisend kilometer het, is ons son reusagtig met 'n deursnit van 1,2 miljoen kilometer. Die span gesels oor die grootte van sterre, veral Beutelgeuse, wat as dit in ons son se plek was, die aarde en Mars sou ingesluk het. Die rooi ster in die Skerpioen, Antares, is veel groter. Daar word ook gepraat oor die bane van komete en of hulle noodwendig 'n elipsbaan om ons son volg.

Saterdag 21 September 2019

Sterre en planete

As jy met 'n boer gesels, en hy vertel jou hy tel skape is dit te wagte, maar as hy begin vertel dat hy sterre ook tel, spits jy jou ore. Lafras Smit, wat in die Reitz-omgewing boer, is al 'n hele paar jaar 'n kranige sterrekyker. Hy vertel hoe hy te werk gaan om die hele melkweg af te neem. Die span praat ook oor 'n komeet wat moontlijk te sien sal wees. Daar is mense wat sê dat dit 'n tweede Oumuamua kan wees.

Saterdag 14 September 2019

Sterre en planete

'n Luisteraar, Samuel de Beer, het uit die noorde van Kanada uit die provinsie Nunavut, 'n vraag gestel oor die voorspelbaarheid van auroras. Waar hy woon, binne die poolsirkel, is auroras redelik algemeen. Kobus Olckers praat auroras en waaruit hulle bestaan. Daar is ook 'n gesprek oor magnetisme. Dit lyk of die Voyager-tuie wat ver in die diepruim is, se masjiene afgeskakel gaan word. Willie Koorts het meer inligting oor hierdie merkwaardige tuie.

Saterdag 7 September 2019

Sterre en planete

Waarom draai voorwerpe in die ruimte om 'n as? Wat het dit aangeskakel? Daar is ook 'n gesprek oor waar die voorwerpe in die ruimte hulle name vandaan kry. Een van die spanlede, dr. Japie van Zyl, het 'n groot toekenning by Nasa gekry. Hy praat oor hierdie prestasie.

Saterdag 31 Augustus 2019

Sterre en planete

Wat beteken dit as ons sê dat 'n ruimtetuig die gravitasieveld van die aarde verlaat het? Die span kyk na die ontsnapsnelheid van ruimtetuie, en hoe ander hemelligame gebruik word om deur middel van die slingerveleffek hulle spoed te vermeerder. Een van die groot uitdagings in ruimtevaart is datatransmissie. Hoe lank neem dit vir 'n sein om van 'n ruimtetuig soos die Voyager af tot by die aarde te trek?

POTGOOI (aanddiens)

INTERAKTIEF

Volg ons op sosiale media: