23:10 - 23:59

Tjil

Nou op die lug: 23:10 - 23:59

Deurnag (Saterdag)

Volgende: 05:55 - 06:00

Vroegoggendgedagte

06:00 - 10:00

Brêkfis met Derrich

Met Derrich Gardner

Tuis | Potgooi | Potgooi Resultaat
  • Program

7 Aug 2013

7 Augustus 2013

Ilse Salzwedel gesels met Dana Snyman oor hoe hy sy werk benader. Sy gesels ook met Bettina Wyngaardt oor haar nuwe roman VUILSPEL wat die belangrike tema van korrektiewe verkragting aanraak. Johan Myburg vertel meer oor Tennyson, en ook oor navorsing wat die verband tussen jou leesvoorkeure en sjokolade – van alle dinge – bestudeer het. Terrance April se Afrika-skrywer van die week is Jack Mapanje van Malawi. Gerrit Rautenbach gesels oor sy bundel reisverhale, HARTEPAD. Nathan Trantraal lees drie gedigte voor uit sy bundel, CHOKERS EN SURVIVORS.


31 Jul 2013

31 Julie 2013

Ilse Salzwedel gesels met Ilse Carla Groenewald oor haar super sexy Afrikamasutra. Ilse gesels ook met Verna Vels, wat verlede maand haar tagtigste verjaarsdag gevier het. Leti Kleyn van Tukkies vertel van ‘n leeskamerprojek vir behoeftige leerders waarby luisteraars ook kan betrokke raak. Terrance April vertel meer oor die Afrikaskrywer Maya Pearce.


24 Jul 2013

24 Julie 2013

Corina van der Spoel gesels met Boris Gorelik, ‘n Russiese joernalis wat ‘n boek geskryf het oor ons eie Vladimir Tretchikoff. Ilse Salzwedel gesels met Madeleine Volschenk oor haar debuutroman ELKE DOGTER HET ‘N MA, die naaswenner in die debuutafdeling van NB se romanwedstryd 2012. Johan Myburg deel interessante nuus oor internasionale skrywers en hulle boeke, onder meer oor die macho Ernest Hemingway se bakleierige streep. Marion Erskine vertel van sy virtuele leeskring, die Lekkerlees Boekrak. Hierdie Facebookgroep is al in 2009 gestig en het lede van oral in die wêreld. Terrance April se Afrika-skrywer van die week is Thomas Mofolo van Lesotho.


17 Jul 2013

17 Julie 2013

Ilse Salzwedel praat met die Sestiger, Chris Barnard, oor sy loopbaan en gunsteling boeke. Sy praat ook met Deon Meyer, topverkoperskrywer van spanningsverhale, oor nuwe werk uit sy pen, asook oor Die Laaste Tango, die film waarvan hy nie net die draaiboek geskryf het nie, maar ook die regie behartig het. Johan Myburg praat oor die ondersoek na die oorsaak van die dood van die digter Pablo Neruda, asook oor Khaleid Houssini se jongste boek And the mountains echoed. Terwyl die wêreld gons oor die feit dat J.K. Rowling al die tyd die ware skrywer is van The Cuckoo’s Calling, wat in April gepubliseer is onder die naam Robert Galbraith, praat ons bietjie oor skrywers en hulle skuilname. Daar is ook ʼn argiefonderhoud met die skrywer Mikro – sy regte naam was Christoffel Hermanus Kühn – wat vanjaar 110 jaar gelede gebore is. Die opname is sestig jaar gelede gemaak. Vandeesweek stel Terrance April die Afrikaskrywer Morabu Morjele van Lesotho aan ons voor.


10 Jul 2013

10 Julie 2013

n Program oor skrywers en digters en die boeke wat hulle skryf.


3 Jul 2013

3 Julie 2013

n Program oor skrywers en digters en die boeke wat hulle skryf.


26 Jun 2013

26 Junie 2013

Ilse Salzwedel gesels met Zirk van den Berg oor sy spanningsroman, ʼn Ander mens, wat resensente gaande gehad het toe dit in 2004 as Nobody Dies in Nieu-Seeland uitgegee is. Doks Briers, programorganiseerder van die Vryfees se boekeprogram, vertel wat hulle alles beplan vir boekwurms. Daar is ook ʼn huldeblyk, wat onder meer ʼn onderhoud uit die argief insluit, oor die bekroonde spanningskrywer Piet Steyn, wat in Mei vanjaar oorlede is, enkele ure nadat hy ʼn radiodrama vir RSG geskryf het.


19 Jun 2013

19 Junie 2013

Ilse Salzwedel gesels met Cecilia Brits van LAPA oor die goeie verkope van ontspanningsfiksie ten spyte van die ekonomie. Ilse gesels ook met Carie Maas oor Koljander, haar debuutroman, en met Eben Venter oor sy jongste roman, Wolf wolf. Kobus Burger gesels met Johan Myburg oor internasionale letterkunde, en Corina van der Spoel en prof. Willie Burger gesels verder oor die kortverhaal as kunsvorm.


12 Jun 2013

12 Junie 2013

Die verhoogstuk Oskar en die pienk tannie (met Sandra Prinsloo), ryg steeds die verhoogpryse in. Kobus Burger gesels met prof. Naomi Morgan, die vrou wat gesorg het dat dié boek uit Frans in Afrikaans vertaal word. Ilse Salzwedel gesels met Petrovna Metelerkamp oor selfpublikasie. Johan Myburgh gesels oor wêreldletterkunde, onder meer oor die wenner van ʼn internasionale prys vir fiksie deur vroueskrywers.


5 Jun 2013

5 Junie 2013

Carina Diedericks-Hugo, bekroonde jeugboekskrywer, gesels oor haar geheim vir sukses. Ilse Slawedel gesels met Kerneels Breytenbach oor sy leeslysie en die boeke wat hy glo mens weer en weer kan lees. Kobus Burger gesels met Johan Myburgh gesels oor die herdenking van die Spaanse digter, Lorca, se geboortedag in 1914. Daar is nuus oor PEN Afrikaans se kortverhaalwedstryd. Ilse Salzwedel gesels met Malinda Lawrence, ‘n dosent by Wits, oor Afrikaanse letterkunde vir tweedetaal-sprekers. Terrance April vertel in sy weeklikse bydrae oor Afrika-skrywers meer oor Chris van Wyk.


POTGOOI (aanddiens)

INTERAKTIEF

Volg ons op sosiale media: