18:00 - 18:10

Nuus & Weer

Nou op die lug: 18:10 - 19:00

RSG Geldsake met Moneyweb

Met Ryk van Niekerk

Ryk van Niekerk

Volgende: 19:00 - 19:05

Nuus

19:05 - 19:15

Aandboekvoorlesing

Tuis | Potgooi | Potgooi Resultaat
  • Program

17 Oct 2012

17 Oktober 2012

Die wenner van die Nobelprys vir letterkunde vir 2012 is pas bekendgemaak. Darryl Accone, boekeredakteur en kenner van Mandaryns vertel meer oor die Chinese skrywer, Mo Yan, wat die prys gewen het. Die bekende skrywer Elsa Joubert word op 19 Oktober 90 jaar oud. Corina van der Spoel het met prof. Willie Burger gesels oor die belang van Joubert se oeuvre en skryfwerk. Daar is ook ‘n onderhoud met Elsa Joubert waarin sy vertel hoe haar reis- en lewenservarings haar “ryp” gemaak het vir die storie van Poppie Nongena. Sy vertel ook wie die skrywers was wat haar beïnvloed het.


10 Oct 2012

10 Oktober 2012

Die Melville Poësiefees vind die naweek in Johannesburg plaas. Die digter en joernalis, Hans Pienaar vertel meer daaroor. Terrance April vertel meer oor die skrywer, Ken Saro-Wiwa. Lapa-uitgewers het ‘n grappiesboekie uitgegee wat saamgestel is uit Upingtonse skoolkinders se bydraes. ‘n Paar van die bydraers vertel hulle grappies wat in die boekie ingesluit is. Salman Rushdie se jongste roman, Joseph Anton, het pas verskyn. Darryl Accone, boekeredakteur van die Mail & Guardian vertel meer daaroor en hoe hy Rushdie in gesprek ervaar het. Dan gesels Joan Hambidge met Francis Galloway, ‘n kenner van Breytenbach, oor Breytenbach se verhouding met sy uitgewers.


3 Oct 2012

3 Oktober 2012

Corina van der Spoel praat met Leon Rousseau, skrywer van die Storieman-stories, oor die heruitgawe van die boek en sy Dr. Seuss-vertalings, of herdromings, soos hy dit noem. Terrance April vertel meer oor die Kaapstadse skrywer, Patricia Schonstein Pinnock. Dan gesels Willie Burger in sy gereelde gesprekke oor die aard en kuns van die roman oor genrefiksie en die rol wat plot speel. In die laaste deel van die program gesels Corina van der Spoel met die Nederlandse joernalis, Fred de Vries wat al 20 jaar lank in Suid-Afrika woon, oor sy boek oor Afrikaners, RIGTINGBEDONNERD: AFRIKANERS NA 1994.


19 Sep 2012

19 September 2012

Afrikaans word al jare lank aan universiteite in Pole gedoseer. Prof. Jerzy Koch, wat homself Afrikaans leer praat het en tans op besoek in Suid-Afrika is, vertel waarom Poolse studente Afrikaans wil studeer. Terrance April vertel meer oor die skrywer Leopold Senghor. Anzil Kulsen is ‘n skrywer van Upington. Haar jeugroman, Zita, word wyd in skole gelees. Dié storie oor ’n meisie uit ’n arm bruin gesin wat in ’n nuwe skool tussen ’n klomp wit meisies beland, is ‘n verhaal oor aanvaarding van jouself en van ander. Kulsen lees uit die boek voor en vertel meer oor die boek waaraan sy tans werk. Corina van der Spoel kyk ook na die bewaring van Suid-Afrika se literêre erfenis by die National English Literary Museum in Grahamstad. Michael Titlestad, voorsitter van die raad van NELM, vertel meer oor die probleme rondom die bewaring van belangrike literêre dokumente en oor ‘n hofgeding waarby die museum betrokke is.


12 Sep 2012

12 September 2012

Daar is ‘n regstreekse oorskakeling na die toekenning van die Hertzogprys aan die digter en dramaturg Adam Small vanaf die HB Thomteater op Stellenbosch. Small se vrou Rosalie sal die toekenning in ontvangs neem. Daarna saai ons ‘n eksklusiewe onderhoud uit wat RSG se Johan Rademan met Adam Small gevoer het waarin Rademan hom pols oor die 1965-drama, Kanna hy ko hystoe, se onderliggende boodskap van ‘n terugkoms op vele vlakke. Joan Hambidge gesels ook met die digter en romanskrywer, Piet van Rooyen, oor sy nuwe roman, Rodriguez. Die romanskrywer hou nie van etikette nie, hy glo die storie is belangriker as die taal en dat hy hierdie roman op die werklikheid gebaseer het. Hy lees ook ‘n gedig uit sy bundel, Kwansuis, voor. In die laaste deel van die program vertel Terrance April ons in sy gereelde bydrae oor Skrywers uit Afrika, meer oor die Johannesburgse digter, Sipho Sepamla en daarna luister ons na die letterkundige Willie Burger wat gesels oor karakters in romans en of dit belangrik is vir die leser om te identifiseer met ‘n karakter.


5 Sep 2012

5 September 2012

Corina van der Spoel gesels met Karin Eloff, voormalige redakteur van die tydskrif Loslyf, ontkleedanser, kopie-redakteur en nou medesamesteller van die erotiese kortverhaleboek Bloots. Cecile Cilliers, skrywer, resesent en rubriekskrywer en ook een van die bydraers tot Bloots, vertel watter boeke sy op die oomblik lees wat haar plesier gee. Corina van der Spoel gesels ook met Dawid Minnaar wat rol van Eugene Marais in die rolprent, Die Wonderwerker, vertolk. Hy vertel van sy voorbereiding vir die film, oor die boeke wat Eugene Marais gelees het en oor die ander Marais wat hier voorgestel word – die onnutsige een, nie die een wat melancholies en neerslagtig was nie.


29 Aug 2012

29 Augustus 2012

Die wenners van die Universiteit van Johannesburg-pryse vir skeppende skryfwerk vir 2011 word aangekondig. Daar is nuus oor die Mail & Guardian Literary Festival. Willie Burger gesels oor karakters in stories in ons gereelde gesprekke oor die kuns van die roman. Joan Hambidge voer ‘n onderhoud met siw historikus en skrywer, Dan Sleigh, skrywer van die roman Wals met Matilda, oor sy historiese romans, sy navorsing en dat hy meen ‘n skrywer mag ‘n resensent aanspreek oor ‘n “verkeerde” of negatiewe resensie. Corina van der Spoel gesels met Fanie Naude, wat onder die naam SJ Naude sy pryswenner debuut kortverhaalbundel, Alfabet van die voels, geskryf het. Hy praat oor die skrywer as buitestaander en ook oor die feit dat hy bewustelik gekies het om ‘n suksesvolle loopbaan in die buiteland te laat vaar om te skryf.


22 Aug 2012

22 Augustus 2012

Corina van der Spoel gesels oor die jongste boekenuus.


15 Aug 2012

15 Augustus 2012

Daar word gesels met die sekretaris van die Pothefstroomse leeskring oor die leeskringring wat al byna 50 jaar bestaan. Die letterkunde kenner Willie Burger gesels oor perspektief in die roman. Terrance April vertel meer oor die skrywer Gail Sobotmokwe. Joan Hambidge gesels met die digter en vertaler Charl JF Cilliers oor sy digkuns en die vertaling van Afrikaanse gedigte na Engels. Corina van der Spoel gesels met Piet de Jager, regsgeleerde, digter en filmmaker en nou ook vertaler van Albert Camus se roman La Peste. Geroges Lory, direkteur van die Alliance Francaise in Johannesburg vertel hoekom dit belangrik is dat groot boeke uit die letterkunde vertaal word.


8 Aug 2012

8 Augustus 2012

Corina van der Spoel gesels oor die jongste boekenuus.


POTGOOI (aanddiens)

INTERAKTIEF

Volg ons op sosiale media: