1 kg vleis met ‘n bietjie vet aan (skaapvleis werk die beste, maar ook bees en selfs hoender met die velletjie)
0lie om die vleis in te braai
2 uie, opgekap
kookwater
1 teelepel bruinsuiker
sout en peper
2 tamaties, opgekap
1 teelepel Worcestersous
Groente: kool, aartappel, wortels, boontjies (ander groente volgens voorkeur)
skeut suurlemoensap
Sny die vleis in stukke en braai dit in ‘n pot of stoompot in ‘n bietjie olie tot dit bruin is. Die vleis word vooraf verbruin vir ekstra geur. Verbruin dit in sarsies. Moenie als op een slag in die warm kastrol gooi nie want as die kastrol te vinnig afkoel stoot die vleis vog uit, en dan kook die vleis i.p.v. dat dit soteer. Deur die vleis apart te soteer, kan enige oortollige vet ook maklik afgeskink word.
Voeg die ui by sodat die geur van die verbruinde vleis in die ui kan intrek.
Voeg ‘n klein bietjie kookwater by, en braai die vleis en ui daarin totdat die water verdamp het.
Voeg die bruinsuiker, sout, peper, tamatie en Worcestersous by.
Voeg water bietjie-vir-bietjie by – die geheim is om nie te veel water te gebruik nie anders is dit nie bredie nie – dis sop.
Wanneer die water die vleis net-net bedek, plaas die deksel op en laat die vleis vir ‘n halfuur prut – net 15 minute as jy n stoompot gebruik.
Voeg die groente en ‘n bietjie suurlemoensap by, en net genoeg kookwater om alles weer te bedek.
Plaas die deksel op en laat dit prut tot gaar (afhangend van die hoeveelheid sal dit 45 – 60 minute te wees)
* Verpligte velde
Aanbieders
E-nuusbrief
E-nuusbrief
Teken in op die RGS E-nuusbrief
E-nuusbrief
Teken in op die RGS E-nuusbrief
Bel Ons
(011) 714 2702
Navrae
info@rsg.co.za