2 x 1,5 kg stukke gammon, in net verpak, of een groot gammon van 3 kg
6 heel wortels, skoon geskrop
4 groot uie, geskil
4 houertjies groente- of hoenderaftreksel
2 liter kookwater
4 lourierblare
Glanslaag
60 ml (¼ k) fyn appelkooskonfyt
30 ml (2 eetlepels) aangemaakte heelkorrelmosterd
1. Plaas die gammon in ‘n bak en giet water oor. Week sowat ‘n halfuur en dreineer.
2. Plaas al die groente onder in ‘n groot kastrol, plaas die gammon bo-op.
3. Meng die groente- of hoenderaftreksel met die kookwater tot opgelos en gooi bo-oor (moenie sout byvoeg nie). Voeg die lourierblaar by.
4. Maak toe en bring tot kookpunt. Verlaag hitte en prut sowat 3 uur lank of tot die gammon sag is. Jy kan hierdie ook in ‘n oondpan doen. Maak die
gammon toe met dik foelie en druk dit styf vas teen die kante (blink kant na die vleis toe). Bak by 180°C tot die vleis sag is.
5. Laat gammon effe afkoel in die aftreksel.
6. Verwyder die net van die gammons en trek die buitenste vel af. Los ‘n goeie vetlaag aan die vleis. Plaas die gammons op ‘n bakplaat.
7. Sny ‘n diamantpatroon in die vet.
8. Meng die appelkooskonfyt en mosterd en verf dit oor die vet.
9. Voorverhit die roosterelement en plaas die gammons onder die roosterelement tot die vetlagie mooi goudbruin is. Sit warm of koud voor, in skywe gesny.
Variasie: Brandewynglasuursel
Kook 125 ml (½ koppie) Coca-Cola saam met 45 ml (3 eetlepels) brandewyn tot stroperig.
Voeg ‘n skoot suurlemoensap by.
Verf dit oor die vetkant van die gammons, en rooster tot mooi bruin.
* Verpligte velde
Aanbieders
E-nuusbrief
E-nuusbrief
Teken in op die RGS E-nuusbrief
E-nuusbrief
Teken in op die RGS E-nuusbrief
Bel Ons
(011) 714 2702
Navrae
info@rsg.co.za