Plaas die potjie op die vuur.
Braai die uie goudbruin in die olyfolie.
Voeg die spek by, en roerbraai vir nog 2 minute.
Voeg die wange / sterte / skenkels by en roerbraai vir nog 3 minute.
Voeg die sjerrie by, roer en haal alles na nog ‘n minuut van die vuur af.
Drup die brandewyn oor.
Meng die res van die bestandele, behalwe die rooiwyn, en pak dit losweg op die vleis.
Verhit die wyn tot net onder kookpunt en voeg dit by die pot.
Verseël die deksel met ‘n degie van meel en water.
Plaas die potjie op ‘n baie koel vuur – hoe langer, des te beter – as jy 6 uur se geduld het, is dit goed.
BAIE BELANGRIK: Moenie loer nie – dié potjie is ‘n skaam enetjie.
Wanneer jy uiteindelik die deegseël breek, gee alles ‘n vinnige roer en proe vir sout en peper.
Bedien dit met ‘n varsgebakte potbrood om die laaste sous mee op te vee.