Perskes, kersies, fetakaas en basiliekruid oor die kole

Bestanddele

5 perskes, gehalveer
200 g kersies, gehalveer
200 g sagte fetakaas
200 g pers basiliekruidblare, gesnipper
50 ml oreganumblare of -blomme
50 ml olyfolie
gerasperde suurlemoenskil
50 ml vars suurlemoensap
2 eetlepels heuning
½ koppie pekanneute

Metode

Meng die olyfolie, suurlemoenskil en -sap met die heuning.
Verf die gesnyde kant van die perske hiermee.
Plaas die perske, gesnyde kant na onder, op ’n rooster oor warm kole.
Braai dit vir 5 – 8 minute.
Rook die kersies oor lae hitte / kole vir 2 ure saam met die pekanneute.
Meng alles saam.