Resep met vergunning uit SAAM, ‘n Eeu van Suid-Afrikaanse gemeenskapsresepte, geskryf deur Errieda du Toit en uitgegegee deur Penguin Random House (Struik). Sy het hierdie resep saamgestel uit streeksgebruike van die Britstown, Pofadder en die Karoo.
1 lamsnetvet (Die netvet wat hier gebruik word, is die kantagtige membraan om die maag van die skaap, vark en bees)
1 kg lamslewer, skoongemaak
100 g niertjievet
1 sny brood, gekrummel
80 ml melk
1 ml gerasperde neutmuskaat
knippie droë kruienaeltjies
1 klein ui, fyngekap
2,5 ml gekapte vars tiemie
30 ml bruinasyn
30 ml Worcestersous
sout en peper na smaak
Spoel die netvet in warm water af. Indien dit hard is, laat lê dit in water tot sag. Sny die lewer en niertjievet in baie klein blokkies of maal dit fyn.
Week die broodkrummels in die melk tot sag.
Voeg die broodmengsel by die lewer saam met die res van die bestanddele, behalwe die netvet.
Sprei die netvet op ’n kapplank oop en sny die dikste vet gedeeltes uit. Gebruik die dunner vet gedeeltes en sny dit in ‘lappies’ van 10 cm x 10 cm.
Skep ’n opgehoopte lepel lewermengsel op elke stuk netvet en vou die vulsel in die netvet toe.
Steek vas met peuselstokkies en werk toe met growwe garing.
Braai 15 minute oor matige kole totdat die vet bros gebraai en goudbruin is.
Wenk: Dit kan ook in die oond gebak word vir 30 minute teen 180 °C.
Wenk: Braai suurlemoenhelftes oor die kole en bedien by die skilpadjies.
Aanbieders
E-nuusbrief
Bel Ons
(011) 714 2702
Navrae
info@rsg.co.za
Volg Ons:
E-nuusbrief
Teken in op die RGS E-nuusbrief
E-nuusbrief
Teken in op die RGS E-nuusbrief
Bel Ons
(011) 714 2702
Navrae
info@rsg.co.za
Volg Ons:
SABC © 2020
