6 koppies melk
4 eetlepels botter
¼ teelepel sout
6 groot eiers
1 teelepel vanieljegeursel
1 koppie koekmeel
½ koppie Maizena
1½ koppies suiker
1Â gesnyde brood (bruin of wit)
kaneel
Meng 5 van die koppies melk, botter en sout in ‘n kastrol.
Stel die braaier op 250 grade Celsius (jy kan dit ook op ‘n stoofplaat kook).
Verhit tot kookpunt.
Meng intussen die 6de koppie melk en eiers in ‘n mengbak.
Voeg die vanieljegeursel by en meng goed.
Voeg die koekmeel en Maizena by, en meng totdat dit glad en sonder klonte is.
Voeg die suiker by en meng.
Sodra die mengsel in die pot kookpunt bereik, voeg die mengbak se mengsel by.
Meng alles in die pot behoorlik saam, en laat dit warm word terwyl jy die mengsel elke 2 minute roer.
Wanneer dit glad en dik is, haal dit van die braaier/stoofplaat af.
Rooster net een kant van elke sny brood wat jy gaan gebruik op die braaier of jou oond se roosterelement (omtrent 1 minuut).
Smeer die geroosterde kant met botter.
Plaas die sny brood met die gebotterde kant onder in die jaffelpannetjie.
Skep 3 eetlepels melktertvulsel op die brood en strooi kaneel oor.
Plaas die ander sny brood bo-op – geroosterde en gebotterde kant bo – en maak die jaffelpan toe.
Plaas die jaffelpan op die braai (350 grade Celsius) of op stoofplaat.
Bak die jaffel 5 minute aan elke kant – die jaffels behoort nou mooi goudbruin te wees.
Haal die jaffelpan van die braaier/stoofplaat af en sny die kante af.
Bedien dit met room of roomys.
* Verpligte velde
Aanbieders
E-nuusbrief
E-nuusbrief
Teken in op die RGS E-nuusbrief
E-nuusbrief
Teken in op die RGS E-nuusbrief
Bel Ons
(011) 714 2702
Navrae
info@rsg.co.za