Die streng inperking van 2020 weens COVID-19 het ‘n vernietigende wêreldwye impak gehad. Die uitwerking op kore, waarvan die meeste moes ophou sing, het die Children4Children-projek geïnspireer om kore te laat hoop om weer saam te sing. Karina Erasmus, koorleier van die wêreldbekende Tygerberg Kinderkoor, het gehoop om met kinderkore regoor Suid-Afrika en Afrika saam te werk. Die Children4Children-konsep is gebore uit ‘n begeerte dat Tygerberg Kinderkoor se koorlede moet uitreik ter ondersteuning van ander kinders. Baba yetu, die Onse Vader-gebed in Swahili, was die perfekte lied om ons in 2021 te lei, met die hoop op ‘n beter jaar vir almal. Die video is verfilm in die pragtige Majik-woud in Kaapstad se Tygerberg.