Eseltjiesrus naby McGregor is 16 jaar gelede gestig toe die nood besef is vir ʼn veilige hawe vir afgeleefde, verwaarloosde donkies en tweedens, die noodsaaklikheid van bewusmaking van hierdie diere se merkwaardige eienskappe, soos getrouheid en nederigheid. Musieklegende David Kramer het kort na die ontstaan van Eseltjiesrus in 2008 ingestem om beskermheer van hierdie besonderse donkieoord te wees. Dr. Johan van Zijl, voorsitter van Eseltjiesrus se raad, stel dit so: “Dit was ‘n eer om hierdie gevierde en wyd gerespekteerde musiek- en teaterpersoonlikheid te betrek vanaf die ontstaan van Eseltjiesrus.” Kramer het die liedjie, Donkiehemel, geskep en opgeneem om bewustheid te skep van die lot van werkende donkies asook die welsynswerk wat by Eseltjiesrus naby McGregor plaasvind.