Instandhouding van Sentech-toring wat jou asem wegslaan
Ingestuur deur: Gustaf Pienaar
Gesien: 2909
Konstruksie
Ons was onlangs met vakansie in Marakele Wildtuin naby Thabazimbi. Die hoogtepunt was ‘n reis al langs ‘n smal paadjie op teen die berg tot bo, waar daar ‘n viertal kommunikasietorings is – onder meer ‘n reuse Sentech-toring. Drie mans was doer bo besig om die ankerkabels van die toring in stand te hou. Hul borsel roes af en verf die kabels – als in ‘n klaarblyklik uitdagende liggaamsposisie. Hul moet saans pootuit wees! Dis wonderlik om te sien dat Sentech hul torings in stand hou. Dis só belangrik vir radio- en televisie-uitsendings!