'n Werklikheidsreeks waar vier mans tussen die ouderdom van 25 en 50 die kans kry om ware liefde te vind. Wat hierdie radioreeks uniek maak, is dat die luisteraars en deelnemers in die donker gehou word vir die grootste deel van die reeks. Geen gesigte of regte name sal gebruik word nie, om te bewys dat liefde nie net op die uiterlike gebasseer is nie. Nog ‘n kinkel - luisteraars sal saam met die alleenloper ‘n pasmaat help kies.