Martelize Brink

Martelize Brink is die aanbieder van DrieSestig op RSG. Sy het meer as ’n dekade lank die program Oggend aangebied en daarvoor 11 ATKV-Mediaveertjies vir Beste Leefstylprogram en onderhoudvoerder ontvang. In 2013 is sy aangewys as Tempo Radio-aanbieder van die jaar. Martelize is ook die vervaardiger en aanbieder van Martelize se Stamtafel op ViaTV, en vervaardig dokumentêre programme.

Sy het in 2003 ’n honneursgraad in Politieke Wetenskap aan die Universiteit van Stellenbosch verwerf. Martelize was Programbestuurder by MFM Stellenbosch, waar sy Ontbyt en Drive aangebied het, wat haar verskeie toekennings besorg het. Sy is ’n avontuursoeker en het onder meer gorillas in Rwanda, Tanzanië en die Namibiese spergebied besoek. Martelize het die Pienk Pikkewyn-projek begin om liefdadigheid te ondersteun, met kajak-roei na Robbeneiland as eerste projek.

Sy is passievol oor familie, vriende, kos, braai en goeie wyn. Al meer as 30 jaar is sy in ’n rolstoel as gevolg van ’n siekte wat sy as tiener opgedoen het. In 2017 het sy die kookboek Martelize Kook: Jy’s genooi bekendgestel, en in 2022 haar braaiboek Oor die Kole. Haar potgooi-platform, met ’n reeks oor Suid-Afrikaanse wynlegendes, is in 2021 van stapel gestuur.