Frazer Barry

Frazer is al vir langer as twee dekades besig om gehore dwarsoor die wêreld met Afrika-klanke te betower. Hy het verskeie toekennings ontvang vir musiekteaterproduksies waarby hy betrokke was. Frazer het ‘n fyn aanvoeling vir sielvolle musiek met ‘n sterk Afrika-aanslag. Sy musiekrepertoire van genres wissel van Afrika-ritmes, blues, funk en folk tot reggae, jazz, rielmusiek en hip-hop. Hy is ’n musikant, komponis, musiekvervaardiger, sanger, rymkletser, skrywer en digter.