Archives: Podcast Clips

Fanie du Toit gesels met Lein Smuts oor die ekonomiese bemagtiging van mense met gestremdhede in Suid-Afrika. Die fokus val op die gehalte van’n wye reeks produkte, wat deur mense met gestremdhede vervaardig word.

Hoekom het olifante vandag so min hare, terwyl mammoete se lywe met hare bedek was? Het nuwe navorsing oor miere intussen nuwe lig gewerp op Eugéne Marais se bevindings in sy veel geroemde Die siel van die mier. En waaruit bestaan die dieet van berg-gorillas?

Kan ons diplomandi gebruik na analogie van graduandi? En wat beteken die weg-uitgang by woorde soos droogweg, ligweg, stilweg en rofweg?

Pastoor Stephen Snyman van die Athlone Calvyn Protestantse Kerk.

‘n Gespreksprogram vir Moslemluisteraars.

‘n Groep dosente in Potchefstoom het met ‘n projek begin om groentetuine op sypaadjies en in openbare ruimtes aan te lê. Hulle noem dit burgerlike aktivisme. Ina Strydom het na die tuine gaan kyk.

Die letterkundige Willie Burger vertel in die gereelde gesprekke oor die kuns van die roman, oor die roman as resep tot betekenis. Terrance April vertel meer oor die Nigeriese skrywer, Ben Okri. Die woordeboekman Anton Prinsloo het ‘n woordeboek van bygelowe saamgestel. Bygelowe en waar hulle vandaan kom is die eerste omvattende naslaanbron oor bygelowe wat in Suid-Afrika verskyn. Die boek werp lig op die herkoms van ‘n duisternis bygelowe wat wêreldwyd bestaan. Corina van der Spoel het met Prinsloo oor sy jongste boek gesels en oor al die bygelowe wat hulle oorsprong in die teaterwêreld het. Nog ‘n storie uit die teater, hierdie keer uit die geskiedenis van die Afrikaanse teaterwêreld, kom uit Harry Kalmer se boek van verhale, Vlieger. Dis ‘n storie wat die verhaal vertel van ‘n opvoering van Shakespeare se Othelllo in Afrikaans in die Alexander Teater in die jare sewentig. Tobie Cronje, wat destyds self in die toneelstuk gespeel het, lees die verhaal, Die Moor. Joan Hambidge gesels met Catherine du Toit van die Universiteit van Stellenbosch oor haar vertaling van die Franse skrywer Michel Houellebecq se uitsonderlike digwerk. Hy is veral bekend as romanskrywer, maar in Frankryk is hierdie omstrede figuur ‘n bekroonde digter. Daar word gekyk na die werk van die Baudelaire van die supermark wat in sy siniese gedigte in opstand kom teen vele mites en leuens. Catherine du Toit vertel van probleme rondom die vertaalproses en hoe hulpvaardig die outeur was. Daar word ook van die gedigte voorgelees.

Christelle Webb-Joubert gesels met die dieetkundige John Greyvenstein oor anaboliese steroïde en die effek daarvan op die liggaam en psige van die gebruiker.

Die voormalige boekeredakteur, blogger en dosent, Gerrit Brand, is verlede week oorlede. Gerrit het in 2009 hierdie program opgeneem.

Ontleders neem die week se nuusgebeure in oënskou.